Hamoosi 5:8 - Kifuliiru

⁸ Nahano ye kalema ikiso kyeꞌndonde íkiri mu buuzibwa Kirimya, neꞌHoryoni. Anagweti agalyosa ikihulu, mu kutanguula izuuba. Izuuba nalyo, mu kabigingwe ali mu lihindula kihulu. Kiri naꞌmiiji ga mu nyaaja mbamu, ali mu gakuumania, anashubi gayonera mu kihugo nga nvula. Iziina lyage, ye Nahano!

Hamoosi 5:8 ပူးပေါင်းရင်းမြစ်များ

Hayubu 12:22

Kundu amagambo gangabishama mu kihulu, ali mu gabishuula. Kiri naꞌmabanga, ali mu gabiika ha bweruula.

Hayubu 37:13

Rurema ali mu koleesa ibibungu mu kuhana abandu, na mu kubayereka urukundo lwage.

Hayubu 38:34

«Ka wangaberangira ibibungu, halinde binatondeere ukuleeta invula?

Hayubu 9:9

Ye kabumba indonde zooshi kwiꞌgulu: Idubu, neꞌHoryoni, neꞌKirimiya, neꞌzindi ndonde íziri ikisaka.

Zaburi 104:20

Uli mu leeta ikihulu, ubushigi bunayami gwata. Haaho, inyamiishwa zinatondeere ukugenda zigalooza byo zigaalya.

Zaburi 105:28

Kundu kwokwo, yabo Bamiisiri batâli simbahiri imaaja za Rurema, kyanatuma Rurema agadisa ubwire mu kihugo kyabo.

Hisaaya 42:16

Ngakizi leeza imbumi mu njira yo zitayiji, na nzirongoore ho zitazindi lenga. Na mbahindulire ikihulu, gube mulengeerwe. Ngakizi balingaaniza ho bagakizi lenga. Byebyo, byo njungisiri ukugira, ndanâye bileke.

Hisaaya 59:10

Tuli mu genda tugamamaata ku kibambaazi nga mbumi. Tunali mu genda tugajuba-juba, nga bandu bazira masu. Ku kyanya kyaꞌkalenge-renge, tuli mu siitaara-siitara ngoꞌmundu úli mu genda bushigi. Kundu tukiri bagumaana, si tuli mu ba nga tukoli fwiri.

Yeremiya 16:21

Nahano anadetaga: «Yabo bandu, bwo bali mu yigirira imigisi, buno, ngola ngabayereka ubushobozi bwani, noꞌbukalage bwani. Haaho, lyo bagaamenya kwo nie Nahano.»

Yeremiya 33:2

«Niehe, iziina lyani nie Nahano. Nie kalema ikihugo. Ee! Nie kakibumba, nanakisikamya. Kwokwo, namùbwiraga:

Hamoosi 4:13

Nahano ye kalema imigazi. Ye nali mu husiisa imbuusi. Ngiisi byo ali mu ba ashungisiri ukugira, ali mu gwanwa abimenyeesa abandu. Ali mu hindula izuuba lyoꞌmusasa, bube bushigi. Anali mu hinyata-hinyata ku marango. Iziina lyage, ye Nahano Rurema woꞌbushobozi bwoshi!

Hamoosi 8:9

Rurema Nahamwitu adetaga kwokuno: «Yulwo lusiku, ngasoosagya izuuba, kanakiri kalenge-renge. Haaho mu kalenge-renge, ikihulu kinayidike mu kihugo.

Hamoosi 9:6

Nahano ayubasiri akaaya kaage iriira munda mwiꞌgulu. Anayaja ikyanyaanya hiꞌgulu lyeꞌkihugo. Ali mu kizi hamagala amiiji geꞌnyaaja, mu kugakuumania. Neꞌkyanya kyeꞌnvula, anashubi gayonera mu kihugo. Ee ma! Iziina lyage, ye Nahano.

Mataayo 4:16

Yabo bandu, kundu bâli tuuziri mu kihulu, haliko bakoli tundukiirwi noꞌmulengeerwe muhamu. Kundu bâli tuuziri mu kihulu kyoꞌlufu, si buno bakolaga mu mulengeerwe.»

Luka 1:79

Ee! Kundu twangaba tutuuziri mu kihulu, tunabe tutundamiri mu kimbehwa kyoꞌlufu, haliko agatutanguulira, anaturongoore, halinde tukizi lenga mu njira zoꞌmutuula.»