Hamoosi 5:20 - Kifuliiru

²⁰ Ulusiku lwa Nahano, lutagaleeta umulengeerwe. Si lugaaba naaho lwa kihulu namudidi, buzira kiri noꞌlukeera.

Hamoosi 5:20 ပူးပေါင်းရင်းမြစ်များ

Hisaaya 13:10

Indonde íziri kwiꞌgulu, zigayidika mweꞌkihulu. Kiri niꞌzuuba, ikyanya ligaboneka, nalyo ligayami yidika mweꞌkihulu, kuguma noꞌmwezi.

Hisaaya 8:22

Ngiisi ho bagakizi lola, bagalonga naaho ubuhanya, neꞌkihulu, naꞌmakuba mingi-mingi. Na ha nyuma, boonyene banalashwe mu kihulu kya namudidi.

Hezekyeri 34:12

Nga ngiisi kwoꞌmungere ali mu hahalira ibibuzi byage ku kyanya ali mu bilanga, kwo na naani ngakizi hahalira ibibuzi byani. Kundu ibibungu byangazinga, neꞌkihulu kinayidike bweneene, ibibuzi binashaabuke, haliko ngashubi bikuumania, na ngizi bihahalira.

Yuheeri 2:2

Yulwo lusiku, luli mweꞌkihulu kya namudidi, lunali lweꞌbibungu bizito. Aaho! Langiizi ngiisi kweꞌkiso kihamu kyeꞌbizimu kiri mu hika. Kigweti kigayija ngana, nga kwiꞌzuuba liri mu tunduuka shesheezi. Yibyo bizimu, biri kandaharuurwa, binali neꞌmisi bweneene. Yiryo igambo, litazindi boneka, litanâye shubi boneka!

Hobadiya 1:15

Aaho! Ulusiku keera lwayegerera, lwo nie Nahano ngaahana kweꞌbinyamahanga byoshi. Ku yukwo, ngiisi kwo mukagirira Abahisiraheeri, kwo na niinyu mugagirirwa. Imikolezi mibi yo mukabagirira, yoshi igatibukira ku matwe giinyu.»

Nahumu 1:8

Haliko abagoma boohe, agweti agabalandiriza, halinde anabaminike. Ali mu yami bakumbulula nga mwijulire, halinde banaherere mu kihulu, lwoshi-lwoshi.

Sefaniya 1:15

Yulwo lusiku, uburaakari bwa Nahano bugayonerwa ku bandu, banalibuuke, iri banashenguka bweneene. Banashereezibwe, iri banasigwa mu mushaka. Lulya lusiku, lugaaba lweꞌkihulu, na lwoꞌmwizingeerwe, lunayidike mweꞌbibungu biiru, halinde kinabe kihulu kya namudidi.

Mataayo 22:13

«Ulya mwami anabwira abakozi baage: “Uyu mundu, mumúkone amagulu naꞌmaboko, munamúvugumule ha mbuga mu kihulu! Agakizi bululuka, iri anakizi shya amiino.”

Mataayo 24:29

«Yizo siku za kahenabwera, mango zamala, izuuba ligayami yidika mweꞌkihulu, noꞌmwezi gutagaki tanguula. Kiri neꞌndonde zigakizi tibuka! Ee! Íbiri kwiꞌgulu byoshi bigajugumbana.

Yuda 1:13

Bagweti bagagirira ibikoleere ha bweruula, nga kweꞌmidunda mikayu iri mu birindula ibitwange mu nyaaja. Banali ngeꞌndonde ízikoli habusiri. Kyo kitumiri Rurema akoli balindiriziizi ho bagabeera imyaka neꞌmyakuula, mu kihulu kya namudidi!

Bwigule 16:10

Umuganda wa kataanu, naye anamwaguliraga íbiri mu mutanga gwage ku kitumbi kyoꞌbwami kya kirya kirara. Lyeryo, ubwami bwakyo bwanayami yidika mweꞌkihulu kya namudidi! Abandu banakizi sisimira, iri banakaaja indimi zaabo.