Hamoosi 5:18 - Kifuliiru

¹⁸ Si mugweti mugaadeta: «Ulusiku lwo Nahano agaatwa kweꞌmaaja, tululindiiri ku kyedu bweneene!» Yayewe imwinyu! Lulya lusiku, kundu mugweti mugalulindirira, si lutagamùleetera umulengeerwe, lunabe lwa kihulu naaho.

Hamoosi 5:18 ပူးပေါင်းရင်းမြစ်များ

Hisaaya 13:6

E bandu beꞌBabeeri, mukizi banda akaluulu. Ulusiku lwo Nahano agayiji mùtwira kweꞌmaaja, lukoli yegeriiri. Ee! Rurema woꞌbushobozi bwoshi, akola agamùshereeza.

Hisaaya 24:18

Ikyanya umundu agayuvwa izu lyeꞌkihuumula, anagirage mbu atibite, agagendi yihongoleka mu buhya. Neꞌkyanya agalooza ukubulyoka mwo, anayami bashwa mu mubashu. Mwiꞌgulu, mugatibuka gobwe-gobwe. Na mu kihugo, indaliro zinajugumbane.

Hisaaya 5:19

Si bakola mu naakira Rurema kwokuno: «E Nahano, uvwarukage! Ngiisi byo ukatulagaania, ubigirage, gira tubiyibonere. Bwo uli Mutaluule waꞌBahisiraheeri, ukwizagye ishungi zaawe, gira nyiitu tuzimenye.»

Hisaaya 5:30

Yulwo lusiku, bagalundumira abagoma, nga midunda ígweti igayibirindula mu nyaaja. Hooshi mu kihugo, abandu bagaabona ikihulu naaho naꞌmalibu. Umulengeerwe gugayidika mweꞌkibungu.

Hisaaya 58:2

«Yabo bandu bali mu yija ubwakya-ubwayira, banakizi yigira nga bali mu njakula, na mbu lyo balonga ukukulikira injira zaani. Bagweti bagayiharuura nga bakwaniini imbere lyani, mbu bwo basimbahiri amategeko ga Rurema wabo. Banagweti bagambuuna kwo ngizi batwira imaaja ku njira íkwaniini, banasiimiri kwo ngizi tuula ha kati kaabo.

Hisaaya 8:22

Ngiisi ho bagakizi lola, bagalonga naaho ubuhanya, neꞌkihulu, naꞌmakuba mingi-mingi. Na ha nyuma, boonyene banalashwe mu kihulu kya namudidi.

Hisaaya 9:19

Yabo bandu, kundu bali mu manyulana imbande zooshi, si baki shalisiri. Ubuzinda, bagakizi lya kiri neꞌnyama zaꞌbaana baabo.

Yeremiya 13:16

Mukizi huuza Rurema Nahamwinyu, átazi mùyingiza mu kihulu, mútanazi siitara mu migazi hiꞌgulu lyeꞌkihulu. Kundu mulangaalire kwoꞌmulengeerwe gugamùtanguulira, haliko hali ikyanya angamùtumira ikibungu kiiru, neꞌkihulu namudidi.

Yeremiya 17:15

Abayuda bagweti bagambonyoleza mbu: «Igambo lya Nahano, liryagagi hayi? Ngahwe! Lekaga ngana likoleke, nga kwo ukagwanwa walideta.»

Yeremiya 30:7

Yulwo lusiku, lukola lugaaba lweꞌnguuke. Beene Yakobo bagagooka ngana-ngana! Yayewe! Ulusiku mwene yulwo, lutâye shubi ba ho. Kundu kwokwo, ubuzinda, bâye kizibwe.»

Hezekyeri 12:22

«E mwana woꞌmundu! Kituma kiki muli mu deta yugu mugani mu Bahisiraheeri, ti: “Isiku, kundu ziri ku lengerana, halikago ngiisi byaꞌbaleevi bali mu deta, bitali mu koleka!”?

Hezekyeri 12:27

«E mwana woꞌmundu! Abahisiraheeri bali mu deta kwaꞌmabone naꞌmaleevi gaawe, galoziri naaho ikyanya íkyâye yije.

Yuheeri 1:15

Lulya lusiku lwa Nahano woꞌbushobozi bwoshi, keera lwayegerera, Lunali lusiku lwo agayiji shereeza kwo. Lulya lusiku, lugaleeza abandu mweꞌkihuumula.

Yuheeri 2:10

Ikyanya biri mu yegeera, idaho liri mu yami jugumba, di-di-di! Kiri niꞌgulu, liri mu lenga mweꞌkinyukura. Izuuba noꞌmwezi, binazinge ikihulu, Kiri neꞌndonde, zinayami zima.

Yuheeri 2:11

Nahano ali mu sholera ikiso kyage, agweti agayiberekania kwiꞌzu. Yibyo biso, kwo biri bikalage, biri mu músimbaha. Lulya lusiku lwa Nahano, luli lwaꞌkahebuuza. Emwe! Luli mu yobohya ngana-ngana. Aaho! Nyandagi úwangaluyigenderera?

Hobadiya 1:15

Aaho! Ulusiku keera lwayegerera, lwo nie Nahano ngaahana kweꞌbinyamahanga byoshi. Ku yukwo, ngiisi kwo mukagirira Abahisiraheeri, kwo na niinyu mugagirirwa. Imikolezi mibi yo mukabagirira, yoshi igatibukira ku matwe giinyu.»

Bukengeeze 32:24

Bagashalika bweneene, halinde banajambe ngana-ngana. Bagaminikwa niꞌshuushira, naꞌgandi malwazi. Ngahanguula inyamiishwa ndangi zikizi bajanganula. Banakomwe neꞌmijoka íri neꞌmbola, inali mu yibulula kwiꞌdaho.

2 Peturu 3:10

Lulya lusiku lwo Nahano agagalukaga kwo, lugatutubiira nga muzimba. Igulu ligayami nyerera ku kilundumo kihamu. Na byoshi binasiriizibwe ku muliro. Kwokwo, ikihugo na íbiri mwo byoshi, binasigale bwanuula.

2 Peturu 3:4

ti: «Si akamùlagaania kwo agagaluka. Aaho! Hayagi ahwera? Si ukulyokera ho bashokuluza biitu bakafwira halinde zeene, byoshi bikiri nga ngiisi kwo byâli yamiri ukulyokera heꞌkihugo kikabumbirwa!»