Hagayi 2:3 - Kifuliiru

³ “Mu kati kiinyu, nyandi uki kengiiri ngiisi kweꞌyi nyumba yâli langashiini bweneene? Aaho! Kuti kwo mukoli gibwini? Hali ikyanya mwabona kwoꞌbwija bwayo ndaabwo!

Hagayi 2:3 ပူးပေါင်းရင်းမြစ်များ

1 Kutondobola 22:5

Dahudi âli mali yidesa: «Inyumba yo tugayubakira Nahano, igaaba ya kahebuuza. Ikwaniini ikizi keyengana, halinde ikizi huuzibwa mu mahanga gooshi. Na bwo mugala wani Sulumaani akiri musore, atanazi kana bweneene, bwangabiiri bwija ngwanwe namúkuumaniza ibindu.» Kwokwo, ikyanya Dahudi atazi fwa, anakuumania ikihinda kihamu bweneene kyeꞌbindu byoꞌkuyubaka mwo.

Hizira 3:11

Banakizi tanga kongwa imwa Rurema, iri banamúyimbira inyimbo zoꞌbwivuge, kwokuno: «Nahano ali mwija. Anayamiri agweti agakunda Abahisiraheeri, halinde imyaka neꞌmyakuula.» Ikyanya abuubasi bakaba keera babiika indaliro zeꞌnyumba ya Nahano, abandu booshi banabanda akabuuli bweneene, mu kuyivuga Nahano.

Hizira 3:12

Kundu kwokwo, hâli riiri abandu bingi ábakabona irya nyumba ya Rurema ya mbere. Mu kati kaabo, mwâli riiri abashaaja bingi mu bagingi, kuguma naꞌbashaaja baꞌBalaawi, naꞌbakulu beꞌmbaga. Boohe, ikyanya abuubasi bakabiika indaliro zeꞌnyumba mbyahya, yoho wee! Banayitulikania mu kubululuka. Kundu kwokwo, mu bandu ábâli riiri yaho, abingi baabo bâli gweti bagakizi banda akabuuli.

Hisaaya 64:10

Inyumba yo bashokuluza biitu bâli kizi kuyikumbira mwo, yâli ndaluule, yanâli limbiri bweneene. Kundu kwokwo, keera ikasingoolwa. Na byoshi byo twâli siimiri, bikola biguuka naaho.

Hezekyeri 7:20

Yabo Bahisiraheeri, bâli kizi yiyuvwa hiꞌgulu lyoꞌbungeni-ngeni bwabo, banakizi bukoleesa mu kutula imigisi, kundu yâli ya kuyagazania bweneene. Yubwo bugale bwabo bwoshi, ngabuyulubaza.

Hagayi 2:9

Ku yukwo, iyo nyumba mbyahya, igalangashana bweneene ukuhima irya ya mbere. Ee! Hano handu, abandu bagahalongera umutuula. Nie Nahano woꞌbushobozi bwoshi, nie ndesiri kwokwo.”»