Danyeri 9:5 - Kifuliiru

⁵ «“Haliko twehe, tukoli bihuusiri bweneene, tunakoli hubiri imbere lyawe. Tugweti tugayifunda mu byaha, iri tunakuhindulira ingoto. Keera tukajanda imaaja zaawe, neꞌmigeeza yawe.

Danyeri 9:5 ပူးပေါင်းရင်းမြစ်များ

2 Baami 18:12

Na íbikatuma Abahisiraheeri bagaahanwa kwokwo, bwo batâli kizi simbaha Rurema Nahamwabo. Si bakahongola ikihango kyage. Na kundu Musa âli riiri mukozi wa Nahano, haliko byoshi byo akababwira, batâli kizi bisimbaha.

2 Baami 21:15

Na íbitumiri ngaagira yibyo byoshi, bwo bakayifunda mu bitali nga byo, banakizi nyaagaza ukulyokera ku lusiku lwa bashokuluza baabo bakalyoka kwo i Miisiri, halinde zeene.”»

Hizira 9:6

nanamúyinginga, kwokuno: «E Rurema wani, keera nagwatwa neꞌshoni, nanateteerwa bweneene. Ndaloziizi kiri noꞌkukuyinamulira amasu. Si amahube giitu gakoli luguusiri ukutambuka amatwe giitu. Amabi giitu, keera gakuhikira yaho mwiꞌgulu.

Zaburi 106:6

Nga kwo bashokuluza biitu bâli kizi yifunda mu byaha, kwo na nyiitu, tukola mu biyifunda mwo. Ee! Twâli kizi huba ngana, twanakizi gira amabi.

Zaburi 119:102

Ndakajandagira imaaja zaawe. Mukuba, wehe wenyene we kazinyigiriza.

Zaburi 119:176

Buno, ngola mu jeba-jeba, nga kibuzi íkikateereka. Kundu kwokwo, ndi mukozi wawe. Aaho! Uyiji njakula. Mukuba, imaaja zaawe, ndaziyibagiiri.

Zaburi 18:21

Bwo nâli kizi gira íbikwaniini imbere lya Nahano buzira kuhuba, kyanatuma agambemba.

Hisaaya 53:6

Tweshi, keera tukahabuka nga bibuzi. Ngiisi muguma witu ali mu yigendera haage-haage. Yago mabi giitu gooshi, Nahano ye kamúbetuza go.

Hisaaya 59:13

Tukakulahira, tutanâli kutwaziizi. Twanakuhindulira ingoto, unali we Rurema witu. Tuli mu kizi vyula ubuhuni, iri tunalibuzania. Imitono ya mu mitima yitu, biri binyoma naaho, kiri na byo tuli mu deta.

Hisaaya 64:4

Ikyanya bali mu ba bafitiirwi ku bikwaniini, uli mu batabaala. Mukuba, bali mu ba bakengiiri ngiisi kwo bangatuula imbere lyawe. Haliko, ikyanya tukakuhubira, wanaturakarira. Buno, keera twamala isiku nyingi, tuli mu huna imbere lyawe. Aaho! Kutagi kwo twangaki kiziibwi?

Yeremiya 14:20

E maashi Nahano! Twayemeera kwo tukoli bihuusiri. Kiri na bashokuluza biitu, nabo bâli kizi yifunda mu bitalaalwe. Ndaakwo kundi! Tweshi tukoli kuhubiiri bweneene.

Yeremiya 14:7

Abandu bakola mu yigaya, ti: «E Nahano, íbitumiri twagooka kwokuno, biri hiꞌgulu lyeꞌbyaha biitu. Mukuba, tukoli kuhubiiri, naꞌmahube giitu galuguusiri imbere lyawe. Kundu kwokwo, ugirage ututabaale we kongwa, halinde iziina lyawe likizi lumbuuka!

Yeremiya 3:25

«Ku yukwo, bikwiriiri ishoni zituyizingage kwo, zinatudeedeke haashi. Mukuba, tweshi na bashokuluza biitu, twâli kizi gira ikyaha imbere lya Rurema Nahamwitu. Ukulyokera ubwanuke bwitu halinde buno, ndaaye úkamúsimbaha.»

Yeremiya 30:14

Mu booshi ábashubi mùtabiiri, ndaaye úki mùtwaziizi. Si booshi bakoli mùyibagiiri. Amabi giinyu, gakoli leeziri ulugero bweneene. Neꞌbyaha biinyu, bikoli luguusiri. Kwokwo, ngola mu mùharuura nga bagoma baani, keera nanamùhaniiriza, buzira kumùyuvwira indengeerwa.

Yeremiya 44:3

«Na íbitumiri nꞌgabashereeza, bwo bâli koli bihuusiri, banakizi ndaakaza, mu kuyokera imigisi umubadu, iri banagiyikumba. Iyo migisi, boonyene batâli giyiji. Kiri na bashokuluza baabo, kiri na mwehe mwenyene, kwo na kwokwo.

Kimombo 1:18

«Yibyo byoshi, ikyanya Nahano akabigira, âli kulikiiri íbikwaniini. Mukuba, nie Yerusaleemu nâli kizi huna imbere lyage. E bandu mweshi! Munyuvwirize ngana-ngana, munaloleekeze ngiisi kwo ngola mu ganya. Si banyere baani, na bagala baani, keera bakatwalwa hala mu mahanga!

Kimombo 1:20

E Nahano, langiizagya ngiisi kwo nashenguka bweneene. Umutima gwani, keera gukavunika, gunakoli shengusiri. Ala nie! Keera nꞌgahuna imbere lyawe. Buno mu mitalimbwa, abandu baani bakola mu yitwa ku ngooti. Kiri na mu nyumba, bayiji-yiji naaho kwo bakola bagaafwa.

Kimombo 3:42

«E Nahano, tukakuyihindulira ngana-ngana, twanakizi huba imbere lyawe. Yago gooshi, uki gakengiiri.

Hezekyeri 5:6

Haliko, abandu baako balahiiri ukusimbaha imaaja zaani, keera banabihuuka ukuhima ibinyamahanga. Yizo maaja zaani, kundu nꞌgabaheereza zo, mbu bazisimbahe, haliko batazitwaziizi.»

Hezekyeri 6:9

Ikyanya bagatwalwa imbohe, bagakizi ngengeera. Banasobanukirwe ngiisi kwo bâli kizi njengeeza. Mukuba, batâli riiri bemeera imwani, si bâli kizi njanda, banakizi yikumba imigisi yabo. Hagaatama, boohe boonyene, bagayigaya hiꞌgulu lyaꞌmabi gaabo, bwo gâli kizi nyaagaza.

Danyeri 9:11

Yizo maaja zaawe, twe Bahisiraheeri tweshi, tutâli zitwaziizi, twanalahira ukukusimbaha. Si tukakuhindulira ingoto. «“Mu maaja za Musa, ukayandika kwo iri twangakizi yifunda mu byaha, lyo tugadaakwa ku ndahiro. Lyo na lyeryo idaaki keera tukalonga.

Danyeri 9:15

«“E Rurema Nahamwitu! Yaho keera, ukalyosa abandu baawe mu kihugo kyeꞌMiisiri mu kati koꞌbuhagarusi, kyanatuma iziina lyawe ligakizi huuzibwa, halinde zeene. Kundu kwokwo, tukoli yifuuziri mu byaha, tunakoli bihuusiri bweneene.

Danyeri 9:9

«“E Rurema Nahamwitu! Kundu tukahunaga imbere lyawe, haliko utuyereke kandi kwo uli munandengeerwa, na kwo uli mu kizi kogana.

Hosheya 1:2

Ino ndumwa, ikyanya Nahano akatondeera ukugimenyeesa mu Bahisiraheeri ku njira ya Hosheya, anamúbwira kwokuno: «Ugendi yanga umukazi mushule, gira akubutire abaana boꞌbushule. Mu kugira kwokwo, ugayerekana ngiisi kwaꞌBahisiraheeri nabo bakayigira bashule, mu kunjandagira nie Nahano, banakizi yikumba ibindi íbiri mu yikumbwa.»

Malaki 3:7

Nahano woꞌbushobozi bwoshi adetaga kwokuno: «Ukulyokera ku kyanya kya bashokuluza biinyu, mwâli kizi bambala imaaja zaani. Aaho! Mungalukirage, lyo naani nimùgalukire. Si mugweti mugayidodomba mbu: “Kuti kwo twangakugalukira?”

Baheburaniya 3:12

Kwokwo, e beene witu! Mukizi yilanga bwija, hatagire muguma winyu úgaaba noꞌmutima gwaꞌkazingati. Mutabe bandu bazira bwemeere, mbu mujandagire Rurema úli mugumaana.