Danyeri 9:20 - Kifuliiru

²⁰ «Kwokwo, kwo nâli gweti ngahuuna Rurema Nahamwitu mu kuyilega ibyaha byani, kuguma neꞌbyaha byaꞌbiitu Bahisiraheeri. Nanâli kizi huunira kiri noꞌmugazi gwage mutaluule.

Danyeri 9:20 ပူးပေါင်းရင်းမြစ်များ

Hizira 10:1

Uyo Hizira, âli ki gweti agahuuna Rurema imbere lyeꞌnyumba yage. Anayemeera ibyaha byaꞌBahisiraheeri, anakizi yibulaga haashi iri analiruuka. Ku kyekyo kyanya, Abahisiraheeri banayiguga yaho. Hâli riiri abashosi, naꞌbakazi, kiri naꞌbaana. Yabo booshi, banamúsokanana, iri nabo banakizi bululuka.

Nehemiya 1:6

Aaho! Undege amatwiri, uyuvwe ngiisi kwo ngweti ngahuunira abakozi baawe, Abahisiraheeri. Ndyagagi mukozi wawe. Na buno, ndi mu kutakira úbwakya-úbwayira. «E Nahamwitu, nayaga maashi kwo tukakuhubira. Twe na bashokuluza biitu, twâli kizi yifunda mu byaha.

Zaburi 145:18

Ikyanya abandu bali mu mútabaaza, ali mu babeera hoofi. Mukuba, bali mu mútabaaza mu kati koꞌkuli.

Zaburi 32:5

Birya byaha byani, iri hakatama, ndanaki gira mbu ngubishe byo, si nanabiyilega imbere lyawe. Nanahiga kwokuno: «Ngolaga ngayilega ibyaha byani imbere lya Nahano.» Ikyanya nꞌgabiyilega imbere lyawe, wanangoga. Haaho, umwama gweꞌbyaha byani gwanayami hera.

Mwigiriza 7:20

Ku kasiisa, mu kihugo kyoshi, ndaaye mundu úkwaniini úyamiri ali mu gira amiija, buzira kukola ibyaha.

Hisaaya 56:7

Yibyo binyamahanga, ngabileeta ku mugazi gwani mweru, na mbishambaaze mu nyumba yani yaꞌmahuuno. Ikyanya bigatanga amatuulo goꞌkusiriiza lwoshi, kuguma naꞌgandi matuulo, yibyo byoshi biganzimiisa. Inyumba yani igakizi buuzibwa: Nyumba yaꞌmahuuno imwaꞌbandu beꞌmilala yoshi.

Hisaaya 58:9

Lyoki, mugakizi mbuuna, na ngizi mùyitaba. Ee! Ikyanya mugakizi ndakira, ninamùshuvye kwokuno: “Nie yono, ndi hano!” Kwokwo, mulekage ukukizi kambalirana! Mutanakizi ki tukana, kandi iri kugambana.

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Hisaaya 65:24

Ku kyanya bagaaba batazi mbuuna, ngakizi gwanwa keera nabayuvwa. Ikyanya bagaaba batazi twisa ukumbuuna, ngakizi bashuvya!

Danyeri 10:12

«Uyo muganda anashubi mbwira: “E Danyeri! Utayobohe! Hakola ikyanya, ho ukatondeerera ukuhuuna Rurema kwo akuheereze ubwitegeereze, wanayibiika haashi imbere lyage. Yago mahuuno gaawe, agayuvwiti. Nayija, gira nyiji gashuvya.

Danyeri 10:2

«Ku yikyo kyanya, nie Danyeri nâli koli hisiizi amayinga gashatu ndi noꞌmwizingeerwe bweneene.

Danyeri 11:45

Agayimanga ha kati keꞌnyaaja, noꞌmugazi mweru úguli noꞌbulangashane. Hanali ho agashinga amaheema gaage geꞌkyami. Kundu kwokwo, agaaba akoli hisiri ku mbeka yage. Ndaanaye úgamútabaala.”»

Danyeri 9:16

Yibyo byaha biitu, kuguma noꞌbuligo bwa bashokuluza biitu, byo bitumiri akaaya keꞌYerusaleemu kakola mu kizi gayirizibwa naꞌbandu baꞌmahanga gooshi. Naꞌbandu baawe, bagweti baganegurwa. «“E Nahamwitu! Ukukulikirana na ngiisi kwo uli mu gira íbikwaniini, utaki gwatwe noꞌbute hiꞌgulu liitu. Si akaaya kaawe Yerusaleemu, kali ku mugazi gwawe mweru!

Zakariya 8:3

Kyo kitumiri nadetaga kwokuno: Ngagalukira i Yerusaleemu, na njubi tuula mwo. Iyo munda i Yerusaleemu igashubi detwa Kaaya kemeera. Umugazi gwani Sayuni, gugakizi detwa Mugazi mweruusibwa.»

Mikolezi 4:31

Yabo bandu, mbu bayusagye ukuhuuna Rurema kwokwo, yaho bâli kumaniri, hanajugumba! Balya booshi, banayijuzibwa mwoꞌMutima Mweru. Banatondeera ukuyigiriza abandu igambo lya Rurema ku bukaruuke.

Barumi 3:23

Si abandu booshi keera bakagira ibyaha, banakoli buliirwi noꞌbulangashane bwa Rurema.

Yakobo 3:2

Tweshi tuli mu huba ku njira nyingi-nyingi. Kundu kwokwo, iri umundu angaba atali mu huba ku byo ali mu deta, uyo, iri atungiini lwoshi! Anabe akoli shobwiri ukuyihangirira ku magala gaage gooshi.

Bwigule 21:10

Uyo muganda anandwala mu kati koꞌmutima ku kanywangi-nywangi koꞌmugazi. Ananyereka kalya kaaya keeru, Yerusaleemu. Yako kaaya kâli gweti kagajooka ukulyoka mwiꞌgulu imwa Rurema,

Bwigule 21:2

Nanabona i Yerusaleemu mbyahya, akaaya keeru, kagweti kagajooka ukulyoka mwiꞌgulu imwa Rurema. Kâli limbisiibwi nga muhya keera úwayinyanyaaza mu kugenda imwa yiba.