Danyeri 8:9 - Kifuliiru

⁹ «Mu yago mahembe gana, liguma lyanamera kweꞌhihembe hininiini. Yihyo hihembe hyanakula, halinde hyanashonga uluhande lweꞌkisaka, na lweꞌsheere. Hyanâli kizi shonga uluhande lweꞌkihugo kyeꞌHisiraheeri, kwo kibuyahiri.

Danyeri 8:9 ပူးပေါင်းရင်းမြစ်များ

Zaburi 105:24

Yabo Bahisiraheeri, Rurema anabaluguusa, halinde banasumba abagoma baabo.

Zaburi 48:2

Nahano ali mukulu bweneene. Anakwaniini ukukizi huuzibwa mu kaaya keꞌSayuni, kwo kayubasirwi ku mugazi mweru.

Yeremiya 3:19

Nahano adetaga kwokuno: «E Bahisiraheeri, nâli toniri kwo nangamùgira nga muguma wa mu bagala baani. Nanganamùhiiri ikihugo kiija ngana-ngana, kinabe kya kahebuuza ukuhima ibindi byoshi íbiyimbwa ho. Nanashubi tona kwo mwangakizi mbuuza “E Daata”, na kwo mutagaki mbindulira ingoto.

Hezekyeri 20:15

«Iyo munda mwiꞌshamba, nanashubi shiikiza kwo ndagabayingiza mu kihugo kyo nꞌgabaheereza, kinayeziri mwaꞌmata noꞌbuuki, ukuhima ibindi byoshi.

Hezekyeri 20:6

Ku yikyo kyanya, nꞌgabalagaania kwo ngabahulusa mu Miisiri, na mbatwale mu kihugo kyo nꞌgabatoolera. Yikyo kihugo, kiyeziri mwaꞌmata, noꞌbuuki. Emwe! Kiri kiija bweneene ukuhima ibindi bihugo byoshi.

Danyeri 11:16

«“Uyo mugoma agakizi gira nga kwo aloziizi. Ndaanaye mundu úgakizi múbuza. Agayisikamya mu kihugo kiija kyaꞌBahisiraheeri, akoli hiiti ubushobozi bwoꞌkukishereeza.

Danyeri 11:21

«“Mwami úgayima ha nyuma lyage, agaaba kyagaza. Atagaanaba abusirwi mu baana ba mwami. Ku kyanya abandu batalangaliiri, agayiji gira igambi libi, anayihandalike mu kaaya ku bulyalya, ananyage ubwami.

Danyeri 7:8

«Yago mahembe, iri nꞌgaba ngi gweti ngagayitegeereza, nanabona ihindi hihembe higweti higazununuka ha kati kaago. Yihyo hihembe, hyanakuula amahembe gashatu. Hyâli hiiti amasu nga ga mundu. Na mu kanwa kaahyo, mwâli kizi huluka amagambo goꞌbwikangaate.

Zakariya 7:14

Nanabashabulira hala mu mahanga, banagendi tuula yo nga binyamahanga. Ikihugo kyo bâli siziri, kyanahinduka mushaka. Ndaaye mundu úkakilenga mwo. Emwe! Kirya kihugo, kundu kyâli simisiizi, haliko kyanaba kikolaga ishamba naaho.»