Danyeri 6:22 - Kifuliiru

²² Danyeri anayitaba, ti: «E mwami, ulame imyaka neꞌmyakuula!

Danyeri 6:22 ပူးပေါင်းရင်းမြစ်များ

Ndondeko 40:15

Si nꞌgashaazibwa ku misi mu kihugo kyaꞌBaheburaniya. Kiri na hano i Miisiri, ndaabyo nꞌgagira, íbyangatuma ngashwekwa.»

2 Samweri 22:7

Mu yago malibu gaani, nꞌgatabaaza Nahano. Ee! Nꞌgahamagala Rurema wani. Yaho mu nyumba yage, anayuvwa izu lyani. Amalira gaani, ganahika mu matwiri gaage.

1 Baami 13:28

anagenda, anagwana kirya kirunda kilambamiri mu njira. Na wandare na punda bayimaaziri ha butambi. Kundu kwokwo, wandare atakalya ku kirunda, atanajanganula punda.

2 Kutondobola 32:21

Iri hakatama, Nahano analungika umuganda mu shumbi ya mwami weꞌHasuriya. Ulya muganda anayami minika ibikalage byaꞌbasirikaani, kuguma neꞌbirongoozi byabo. Kyanatuma mwami weꞌHasuriya agashaaga yaho, anagalukira mu kihugo kyage, akoli teziibwi ishoni. Lusiku luguma, mwami weꞌHasuriya anayingira mu luheero, bagala baage banayami múgujika ingooti. Mwami anayami fwa haaho-haaho.

Zaburi 118:28

Wehe, uli Rurema wani. Kwokwo, ngakizi kutangira kongwa! Ee! Ngakizi kuhuuza.

Zaburi 26:6

E Nahano, keera nakaraba amaboko gaani, mu kuyerekana kwo ndahiiti ubuhube. Na buno, ngola imbere lyaꞌkatanda kaawe.

Zaburi 31:14

Keera nayuvwa ngiisi kwo bagweti bagambonyoleza. Bakoli nzokaniini, halinde na njenguke. Bagweti bagaagira igambi libi hiꞌgulu lyani, banakoli shungisiri mbu banyite.

Zaburi 34:7

Kundu ndi mukeni, nꞌgatabaaza Nahano, ananyuvwa, anangiza mu makuba gaani gooshi.

Zaburi 38:21

Ikyanya ngweti ngabagirira amiija, boohe, bali mu ngalulira amabi, banagweti bagakizi mbeeshera.

Zaburi 84:11

Iri nangahisa ulusiku luguma naaho ndi mu nyumba yawe, luhimiri isiku kihumbi zo nangamaziri ndi handi-handi. Nanganasiima ukukizi langa imiryango yeꞌnyumba ya Rurema wani, ho nangatuula mu nyumba za banangora-mabi.

Hisaaya 3:10

Ngiisi ábakwaniini, ugendi babwira kwo bagagenduukirwa. Ee! Ngiisi byo bagweti bagahimbukira kwo, bâye bilongere kweꞌmbembo.

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Yeremiya 37:18

Haaho, Yeremiya anamúbuuza: «E waliha, keera mukambiika mu nyumba yeꞌmbohe. Aaho! Biki byo nꞌgakuhubira, mwe naꞌbakozi baawe, kiri na yaba bandu?

Danyeri 3:28

Kwokwo, Nebukandeneza anadeta: «Rurema wa Shandaraki, na Meshake, na Habedinego, akizi huuzibwa! Mukuba, bali bakozi baage, banagweti bagamúbiika kwoꞌmulangaaliro. Kyo kitumiri atuma umuganda wage, ayiji bakiza. Kundu nꞌgabiika ulubaaja, halikago banalahira ukulusimbaha. Basiimiri naaho kwo bakizi yikumba Rurema nirizina. Na ho bangayikumba ibindi íbiri mu yikumbwa, bâli riiri ibiringiini ukutanga amatwe gaabo hiꞌgulu lyage.

Danyeri 6:20

Iri hakaba shesheezi kare-kare, mwami anavyuka, anakwabadukira iwa kishimo kyeꞌndare.

Danyeri 6:23

Rurema wani andumira umuganda wage, anafumba utunwa twazo, halinde zitanangomeeresa. Mukuba, Rurema ayiji kwo ndaako kashembo ko mbiiti imbere lyage. Kiri na naawe, ndaabwo buhube bwo nꞌgakugirira.»

Danyeri 6:4

Uyo Danyeri, mu kati kaꞌbaabo booshi, ye wâli kizi kola bwija, halinde anamenyeekana kwo ye wa mbere. Uyo mwami analooza ukumúkuza, gira abe ye gaaba mukulu woꞌbutwali bwage bwoshi.

Danyeri 6:7

Kwokwo, balya batwali naꞌbandi bakulu banagendaga imunda mwami, banamúbwira: «E mwami, ulame imyaka neꞌmyakuula!

Mika 7:7

Si Abahisiraheeri boohe, bagweti bagaadeta kwokuno: Niehe, ngaloogeza ubutabaazi imwa Nahano. Ngalindirira Rurema, bwo ye gangiza. Ee! Rurema wani aganyuvwa!

Muharuuro 20:16

Haliko, ikyanya tukatakira Nahano mu kumúlirira, anatuyuvwa, anatutumira umuganda wage, gira ayiji tulyosa i Miisiri. Na buno, tukolaga hano i Kadeeshi, mu kaaya ákabibikiinwi neꞌkihugo kyawe.

Mataayo 27:46

Neꞌri hakaba nga ku bihe mwenda, Yesu anayamiza kwiꞌzu lihamu kwokuno: «Helohi! Helohi! Lama sabakitani?» Umugeeza gwago, «E Rurema wani, e Rurema wani! Kituma kiki wanjandirira?»

Mikolezi 12:11

Peturu anayami hababuka, anayidesa, ti: «Ngoli yiji ku kasiisa kwo Nahamwitu ye wandumira umuganda wage. Ee! Âli loziizi ukungiza mu maboko ga Heroode, na mu byoshi byaꞌBayahudi batákoli langaliiri kwo bagangira.»

Mikolezi 24:16

Ku yukwo, ndi mu fiitirwa ukukizi gira amiija, hatagire igambo íryangandeera ibihamba imbere lya Rurema, kandi iri imbere lyaꞌbandu.

Mikolezi 27:23

«Niehe, ndi mundu wa Rurema. Na bwo ndi mukozi wage, zeene bushigi, umuganda wage ashubi yimaaziri ha butambi lyani,

2 Bakorindo 1:12

Twehe, halyagagi byo tuli mu yiyuvwa kwo. Mukuba, imitima yitu igweti igatutangira ubumasi kwo tutuuziri ku njira íkwaniini imbere lya Rurema. Tutanali balyalya. Kwokwo, kwo tutuuziri mu kihugo, neꞌngingwe mu kati kiinyu. Tutali mu koleesa ubwenge bweꞌkihugo. Si tulangaliiri kwo tugakizi gashaanirwa na Rurema yenyene!

2 Timoteyo 4:17

Kundu kwokwo, Nahano âli kizi ba kuguma na naani, anambiika mweꞌmisi. Kwokwo, nanamenyeesa Imyazi Miija mu batali Bayahudi, halinde booshi banagiyuvwa. Na kandi, akangizagya na mu kanwa keꞌndare.

Baheburaniya 1:14

Kwokwo, bibonekeriiri kwo abaganda booshi balyagagi bakozi ba Rurema, banali mitima naaho. Bali mu tumwa-tumwa, gira bakizi gendi tabaala ngiisi bandu ábagakizibwa.

Baheburaniya 11:33

Yabo booshi bâli biisiri Rurema kwoꞌbwemeere, kyanatuma baguma baabo bagasinda ubugoma bwaꞌgandi maami. Abandi, banakizi twa imaaja ku njira íkwaniini. Abandi banayakiira byo Rurema âli mali gwanwa abalagaania. Abandi banafumba utunwa tweꞌndare.

1 Samweri 17:37

Nahano ye kangiza mu nyunu zeꞌndare, na mu zeꞌkinguti, anali ye gangiza na mu maboko goꞌliira Mufirisiti.» Iri hakatama, Sahuli anamúbwira: «E Dahudi, ugendage! Nahano akizi kutabaala.»

1 Samweri 26:18

Dahudi anashubi deta kwokuno: «E nahamwitu, si ndi mukozi wawe. Aaho! Kituma kikagi uki gweti ugambiiva? Biki byo nꞌgagira? Ka hali byo nꞌgakuhubira?