Danyeri 5:23 - Kifuliiru

²³ Si keera ukayikuza, mu kuhagana na Nahano, anali ye tuuziri mwiꞌgulu! Kiri na birya bikombe íbikalyosibwa mu nyumba ya Rurema, wabiyabiira, wanabinywera mweꞌdivaayi mwe naꞌbatwali baawe, na bakaawe, naꞌbandi bakazi baawe beꞌmbuga. «Na kwakundi, wanakizi huuza imigisi, kundu ikatuulwa mu harija, na mu nooro, na mu miringa, na mu byuma. Igindi yâli baajirwi mu biti, na mu mabuye. Wanakizi gihuuza, kundu itali mu bona, itanali mu yuvwa, ndaanakyo kindu kyo iyiji. Utanali mu twaza Rurema, kundu ye fumbiiti ubulamu bwawe mu maboko gaage, ye nayiji ngiisi kwo akushungikiiri.

Danyeri 5:23 ပူးပေါင်းရင်းမြစ်များ

Ndondeko 14:19

anagashaanira Hiburamu kwokuno: «Rurema úli hiꞌgulu lya byoshi, ye kalema igulu neꞌkihugo. Kwokwo, akizi kugashaanira.

Ndondeko 2:7

Mu luvu, mwo Nahano Rurema akabumba umushosi, anamúfuuhira umuuka mu mazuulu. Uyo mushosi, anaba kiremwa kigumaana.

2 Baami 14:10

«E Hamaziya, bwo keera wahima Abahedoomu, umutima gwawe gukola mu yidundulika. Yukwo kuhima kwawe, utee beera haaho ha mwawe, ukushambaalire. Kituma kiki wangayiloogeza amakuba, halinde ukashereezibwe kuguma naꞌbandu baawe Abayuda?»

Hayubu 12:10

Si Rurema naaho ye hiiti ubulamu bwa ngiisi kiremwa mu maboko gaage, kuguma noꞌmuuka gwa ngiisi mundu.

Hayubu 31:4

Si niehe, Rurema abwini-bwini ngiisi byo ndi mu gira. Indambo zaani, agweti agaziharuura zooshi.

Zaburi 104:29

Si ikyanya uli mu bihindulira ingoto, biri mu yami yoboha. Ikyanya uli mu bilyosa mwoꞌmuuka, biri mu yami fwa, binashubi hinduka luvu.

Zaburi 115:16

Íbiri mwiꞌgulu, biri bya Nahano. Si ikihugo kyohe, akakiheereza abandu.

Zaburi 139:3

Ikyanya ndi mu genda, uli mu ba umbwini-mbwini, kiri neꞌkyanya ndi mu luhuuka ha kaaya. Ngiisi byo ndi mu gira, ubiyiji-yiji byoshi.

Zaburi 146:4

Ikyanya bali mu fwagaga, bali mu yami galukira mu luvu. Ku lwolwo lusiku, ngiisi byo batáshungisiri, binayami fwa ubusha.

Migani 20:24

Ishando zoꞌmundu, Nahano ye mu zirongoora. Aaho! Kuti kwoꞌmundu angaki menya íbimúli imbere?

Hisaaya 13:11

Nahano adetaga kwokuno: «Bwaꞌbandu ba mu kihugo bakoli bihuusiri, ngolaga ngabahana. Ee! Ngahaniiriza banangora-mabi booshi. Kundu balyagagi noꞌbwikangaate, si ngabumala lwoshi. Na kundu bakiri mu tindimazania ku kanyaaro, haliko nabo, ngabatindimaza, gira batakizi ki yikangaata.

Hisaaya 14:13

Si we wâli kizi yihaya kwokuno: “Nganunga, halinde mbikage mwiꞌgulu, na mbiike ikitumbi kyani hiꞌgulu lyeꞌndonde za Rurema. Nganenama ngiisi heꞌbindi íbiri mu yikumbwa biri mu kuumana, kwiꞌrango lyoꞌmugazi, úguli hala imbembe.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Hisaaya 33:10

Nahano adetaga kwokuno: «Buno, ngola ngayimuka, na nyerekane ngiisi kwo ndi kikalage bweneene. Ee! Ngolaga ngagingikwa mu bandu.

Hisaaya 37:19

Bakaduulika imigisi yabo kwoꞌmuliro, banagijigiivya, bwo itâli riiri ye Rurema nirizina. Si yâli migisi naaho yaꞌbandu bakabaaja mu biti, na mu mabuye.

Hisaaya 37:23

E Senakeribu, nyandi ye ugweti ugagayiriza? Nyandi ye ugweti ugatuka? Keera wateerera umulaga hiꞌgulu lya nyandi? Ugweti ugahenekera nyandi ku bwikangaate? Si ali Rurema, Umutaluule waꞌBahisiraheeri!

Hisaaya 42:5

Nahano Rurema ye kalema igulu, analiyajuula. Ye kanagangaaza ikihugo na íbikimeziri mwo, ye nali mu heereza abandu baamwo ubugumaana. Kiri neꞌbindi biremwa, Nahano ye mu bibiika mwoꞌmuuka, binabe bigumaana. Nahano adetaga kwokuno:

Yeremiya 10:23

E Nahano, umundu, nyiji kweꞌkyanya ali mu ba ho, kutali hiꞌgulu lyage yenyene. Ndaaye úwangahasha ukuyishungikira ngiisi kwo agaaba.

Yeremiya 48:26

«Balya Bamohabu, bâli kizi yigereera Nahano. Kwokwo, mukizi bahaniiriza, halinde banabambaajire nga balalwe. Bagayibulaga haashi, banayivuruguuze mu bishazi byabo, halinde abandu banakizi bahonyoleza, ti honyo!

Yeremiya 50:28

Yuvwagwi! Abahisiraheeri ábafuushuka i Babeeri, keera bayija i Sayuni, banakola mu menyeesa ngiisi kwo Rurema Nahamwitu, keera akayihoola Abababeeri. Si bâli mali shereeza inyumba yage!

Yeremiya 50:29

Ngiisi ábayiji ukufwora umuheto, mubabwire kwo bayiji teera akaaya keꞌBabeeri. Mukasokanane, hatagire umundu úgafuushuka mwo. Ngiisi kwo bâli kizi gira abandi, kube kwo nabo mugabagira. Yabo Bababeeri bâli kizi hagana na Nahano, Umutaluule waꞌBahisiraheeri, ku bwikangaate bweneene.

Hezekyeri 28:17

Emwe! Wâli buyahiri ngana-ngana, kyanatuma ugatondeera ukukizi yikangaata. Na bwo wâli mukulu, wanashereeza ubwitegeereze bwawe. Kwokwo, nanakunyanyaga haashi, halinde abandu baani banakuyigira kwo.

Hezekyeri 28:2

«E mwana woꞌmundu, ubwire mwami weꞌTiiro kwo nie Rurema Nahamwabo nadetaga kwokuno: “Si ugweti ugayikangaata bweneene, iri unayihaya, ti: ‘Niehe nie woꞌkuyikumbwa! Ngoli bwatiiri ku kitumbi kya íbiri mu yikumbwa, kinali ha kati keꞌnyaaja.’ Kundu ugweti ugayidundulika kwo we woꞌkuyikumbwa, si ulyagagi mundu ngana, utanali wa kunyigereera.

Hezekyeri 28:5

Mbu na ku njira yoꞌkumenya ukudandaza, ukayilugiza ubugale bwawe. Ehee! Si bwobwo bugale, bwo butumiri ukola mu yikangaata bweneene!

Hezekyeri 31:10

«Ku yukwo, nie Rurema Nahamwinyu nadetaga kwokuno: Si yikyo kiti kiija kyoꞌmwerezi gweꞌLebanooni kyâli kizi yikangaata, mbu kyo kilahuusiri bweneene ukuhima ibyabo, na mbu kyo kishuumiri halinde ku bibungu!

Danyeri 11:12

Yabo basirikaani ba mwami weꞌmbembe, ikyanya bagatwalwa imbohe, mwami weꞌkisaka agatondeera ukuyihaya bweneene, anayite abandu binoono neꞌbinoono. Kundu kwokwo, atagagenderera ukukizi hima.

Danyeri 8:11

Hyanakizi yihaya kwo hiri kuguma na Rurema, ulya Mutwali waꞌbasirikaani ábali mwiꞌgulu. Mu yukwo kuyihaya, hyanabuza amatuulo kwo gatakizi ki tangwa ngiisi lusiku. Hyanashereeza neꞌnyumba ya Rurema yonyene.

Habakuki 2:4

Uyandike kwokuno: “Ulolage yaba banabwikangaate. Bagweti bagatuula ku gindi-gindi njira, ítakwaniini. Si abandu ábakwaniini boohe, bagaramba ku njira yoꞌkulangaalira Rurema.

Mikolezi 17:25

Ndaanabyo íbiri mu múgoora, mbu abandu bangamúkolera byo. Si ye mu biika abandu booshi mwoꞌmuuka, halinde babe bagumaana. Ye na gweti úgabaheereza neꞌbindi byoshi.

1 Bakorindo 8:4

Ikyanya imigisi iri mu tangirwa inyama, tuyiji-yiji kwo kitali kindu. Tuyiji na kwo ndaaye gundi Rurema, átali yolya muguma naaho.

1 Timoteyo 3:6

Ulya mundu, atanabe mundu útáki kizibwa. Mukuba, hali ikyanya angayiheemya, anayiji kengeera atwirwa ulubaaja. Lwolwo lubaaja, lwo Shetaani naye akatwirwa.

Baheburaniya 4:13

Mu byoshi íbiryagagi ho, ndaakyo íki bishamiri mu masu ga Rurema. Si byoshi biri mu ba ku bweranyange imbere lyage! Aganaki tubuuza hiꞌgulu lyabyo.

Bwigule 9:20

Yabo bandu ábâli sigiiri, kundu bakahushwa na yago malibu, haliko batakatwikira ukukizi yikumba imizimu. Batanatwikira ukukizi yikumba neꞌmigisi, kundu bo bakagiyitulira boonyene. Bâli kizi gitula mu nooro, na mu harija, na mu miringa. Bakagibaaja na mu mabuye, na mu biti. Iyo migisi yabo, itali mu bona, itanali mu yuvwa, itanali mu genda.

Batwi beꞌmaaja 16:23

Lusiku luguma, abatwali baꞌBafirisiti banakuumana, banagira ulusiku lukulu, banatanga ituulo lihamu imwoꞌmuzimu gwabo Dagooni, banakizi yimba kwokuno: «Samusooni umugoma witu, umuzimu gwitu Daagoni keera gwamúbiika mu maboko giitu.»

1 Samweri 17:26

Dahudi anabuuza yabo bandu ábâli múyimaaziri ha butambi, ti: «Umundu úwangayita uyu Mufirisiti, analyokeze Abahisiraheeri ishoni, kuti kwo angagirirwa? Uliira Mufirisiti, si atali mutenguule. Alyagagi nyandi, halinde akizi tyoza abasirikaani ba Rurema, ulya úli mugumaana?»

1 Samweri 17:36

E waliha, keera nꞌgayita indare, kiri neꞌbinguti. Na buno, uyu Mufirisiti ngamúyusa kwakundi. Si atali mutenguule! Anagweti agatyoza abasirikaani ba Rurema úli mugumaana.