Danyeri 4:30 - Kifuliiru

³⁰ Haaho-haaho, lirya igambo lyanayami kolekaga. Ulya mwami anayimulwa mu bandu, anakizi gendi lya ubwasi nga ngaavu. Amagala gaage ganakizi loba neꞌkimi ukulyoka mwiꞌgulu. Umushaku gwage gwanalaaha nga mashala ga nyunda. Neꞌnyunu zaage zanalaaha, nga za kanyuni.

Danyeri 4:30 ပူးပေါင်းရင်းမြစ်များ

Ndondeko 10:10

Mu kihugo kyeꞌShinaari, utwaya two akatee twala, tuli i Babeeri, neꞌHereki, neꞌHakaadi, neꞌKaline.

Hesiteeri 1:4

Yizo siku ngulu, banahisa imyezi ndatu bagweti bagazishambaalira. Ku yikyo kyanya, anakizi yerekana ubugale bwoꞌbwami bwage, kuguma noꞌbulangashane bwage bwaꞌkahebuuza.

Zaburi 104:1

E Rurema Nahamwitu, we riiri hiꞌgulu lya byoshi. We mwene ubulangashane, we na mwene ukugingikwa. Ku yukwo, ngwaniini ngizi kuhuuza ku mutima gwani gwoshi.

Zaburi 49:20

haliko agagendi gwana bashokuluza baage i kuzimu. Yabo booshi, batâye ki bone umulengeerwe.

Zaburi 73:8

Bali mu shekerezania, iri banagambana, banali mu biikirana ikikando mu kati koꞌbwikangaate.

Migani 11:2

Ikyanya umundu ali mu yikangaata, ishoni nazo zinamútogere kwo. Si abatuudu, boohe, bo bali mu longa ubwitegeereze.

Migani 16:18

Ikyanya umundu ali mu yiheemya, iri akola agashereezibwa. Ee! Ikyanya ali mu yikangaata, iri akola agayihongoleka haashi.

Migani 29:23

Ikyanya umundu ali mu yikangaata, ali mu tindimazibwa. Si ngiisi úli mu yibiika haashi yehe, bali mu múgingika.

Hisaaya 13:19

Mu maami gooshi, ikihugo kyeꞌBabeeri kyo kilimbisiibwi bweneene. Abandu baamwo, bayiyuvwiti hiꞌgulu lyakyo bweneene. Kundu kwokwo, Rurema agabaminika, nga kwo âli mali minika i Soodoma neꞌGomora.

Hezekyeri 29:3

Umúbwire kwo nie Rurema Nahamwinyu nadetaga kwokuno: E mwami weꞌMiisiri! Ngolaga mugoma wawe. Si ukola nga ngoona ígwejiri mu lwiji Niire! Unagweti ugayikangaata, ti: Luno lwiji luli lweꞌmwani! Mukuba nie kalubiika kwo lube ho.

Danyeri 4:31

Iyo myaka irinda, iri hakaba keera yalengaga, niehe Nebukandeneza nanalegamira mwiꞌgulu. Lyeryo, ubwenge bwanashubi ngalukira. Nanayami tanga kongwa imwa Rurema, iri ninamúhuuza. Mukuba, yehe, ye riiri hiꞌgulu lya byoshi, ye na yamiri ho. Ubutwali bwage buyamiri ho imyaka neꞌmyakuula. Noꞌbwami bwage, bugagenderera ku ngiisi kibusi.

Habakuki 1:11

Bali mu hinjuka nga kihuhuuta, banayigendere. Imisi yabo, yo bali mu biika kwoꞌmulangaaliro, kyo kitumiri keera bayikululira umwama!»

Luka 14:11

Ee! Umundu, iri angayikuza, agabiikwa haashi. Haliko, iri angayibiika haashi, lyoki lyo agakuzibwa.»

Luka 14:9

Na úkamùlaalika, anayiji kubwira: “Ewe! Yimukaga yaha! Uyu abe ye gahabwatala!” Unagwatwe neꞌshoni bweneene, mu kugendi bwatala inyuma lyaꞌbandi.

1 Bakorindo 10:31

Nangashuvya: «Ngiisi byo ugakizi gira, kuba kulya, kandi iri kunywa, kandi iri ngiisi bindi byoshi, ukizi bigira ku njira yo Rurema agakizi yivugwa mwo.»

1 Peturu 5:5

Na niinyu mweꞌmisore, mukizi simbaha abashaaja. Mweshi, mukizi ba batuudu mwenyene kwa mwenyene. Mukuba, «Ikyanya abandu bali mu yiheemya, Rurema ali mu batindimaza. Si abatuudu boohe, ali mu bagashaanira.»

Bwigule 14:8

Uyo muganda, anakulikirwa noꞌwabo. Naye anadetaga kwokuno: «Akaaya kahamu keꞌBabeeri, keera kalalusa abandu baꞌmahanga gooshi ku bushule bwako. Buli nga maavu geꞌngangu! Halikago buno, keera kayihongoleka haashi! Ee! Kayihongoleka haashi.»

Bwigule 16:19

Lyeryo, kalya kaaya kahamu kanapwamuuka mweꞌbihande bishatu. Kiri noꞌtundi twaya twa mu mahanga gooshi, natwo twanayihongoleka haashi. Yako kaaya kahamu keꞌBabeeri, Rurema akakakengeera, mu kukanywesa ku rusoozo úluyijwiri mwoꞌburaakari bwage. Yubwo buraakari bwage, bwanakalalusa nga maavu geꞌngangu!

Bwigule 17:5

Na ku malanga gaage, kwâli kuyandike iziina lyaꞌkambishwa íridesiri kwokuno: «Akaaya kahamu keꞌBabeeri, nyina wa babulambe booshi. Ye na nyina wa banabitalaalwe ba mu mahanga gooshi.»

Bwigule 18:10

Na hiꞌgulu lyoꞌkulibuzibwa kwako, bagahuumirwa. Banayisunge hala nako, iri banayiganyira kwokuno: «Yayewe imwawe! Yayewe imwawe, e kaaya kahamu keꞌBabeeri, we shuba kikalage! Si ku kino kihe kiguma naaho, keera walonga ikihano kyawe!»

Bwigule 18:21

Haaho, ikihagarusi kyoꞌmuganda kyanalengeza akabururunge kiꞌbuye. Kâli yumiini noꞌlushyo luhamu. Haaho, kyanalilasha mu nyaaja. Anadeta: «Kwoku, kwaꞌkaaya kahamu keꞌBabeeri kaganyaanyagwa haashi. Katanâye ki boneke!