Danyeri 4:17 - Kifuliiru

¹⁷ Kirya kiti ukabonaga kwo kiri ngaaja-malungu, kinasikamiri. Naꞌmatavi gaakyo gashuumiri halinde mu kyanyaanya. Abandu baꞌmahanga gooshi bali mu kibona.

Danyeri 4:17 ပူးပေါင်းရင်းမြစ်များ

1 Baami 21:25

(Ulya Ahabu akateberezibwa na mukaage Yezebeeri. Kwokwo, hatazindi boneka umundu úkayifunda mu mabi imbere lya Nahano nga ye.

2 Kutondobola 28:22

Kundu mwami Ahaazi âli mali shundeera, si akakaviiriza ukugayiriza Nahano.

Zaburi 103:19

Nahano ateresiri ikitumbi kyage mwiꞌgulu, anakoli twaziri hiꞌgulu lya byoshi.

Zaburi 12:8

E Nahano, banangora-mabi bagweti bagayikangaata. Na íbitali nga byo, byo biri mu huuzibwa mu bandu. Kundu kwokwo, balya babi, we gakizi tuhaliza bo. We ganakizi tulanga, halinde imyaka neꞌmyakuula.

Zaburi 9:16

Ibinyamahanga, kundu bikahumba ubuhya, haliko keera bikabuyihongoleka mwo byonyene. Neꞌkyanya bakatega amakira, kiziga amagulu gaabo, go gakagwatwa mwo.

Kulyoka 9:16

Na íbikatuma nꞌgakuyimika, gira lyo nyerekana ubushobozi bwani, halinde liꞌziina lyani likizi lumbuuka mu mahanga gooshi.

Hisaaya 6:3

Yibyo biremwa, byâli kizi koobezania kwokuno: «Nahano woꞌbushobozi bwoshi ali mweru bweneene! Ee! Ali mweru! Ali mweru! Ikihugo kyoshi kiyijwiri mwoꞌbulangashane bwage.»

Hisaaya 6:8

Ha nyuma, nanayuvwa Nahano adeta kwokuno: «Nyandagi ye ngaatuma? Nyandi úgatugendera?» Naani, ti: «Ndi hano, e waliha! Mbe nie ugaatuma.»

Hezekyeri 25:17

Yukwo kubahana, kugaaba ku buraakari bwani. Mukuba ngabayihoola. Kwokwo, lyo bagaamenya ku kasiisa kwo nie Nahano.»

Hezekyeri 7:24

Ngaleeta banakuhambwa ukulyoka mu mahanga, gira bayiji hyana inyumba zaꞌbandu baani. Na kwakundi, ahandu haabo hoꞌkuyikumbira hagayulubazibwa. Kwokwo, kwoꞌbwikangaate bwabo, bugaamala.

Danyeri 11:21

«“Mwami úgayima ha nyuma lyage, agaaba kyagaza. Atagaanaba abusirwi mu baana ba mwami. Ku kyanya abandu batalangaliiri, agayiji gira igambi libi, anayihandalike mu kaaya ku bulyalya, ananyage ubwami.

Danyeri 2:21

Ye mu handulaga ikikamo neꞌmbondo. Ye mu lyosa abaami baguma, anashubi yimika abandi. Ngiisi ábahiiti ubwitegeereze, ali mu bayushuulira ubundi. Na ábasobanukiirwi, ali mu bayushuulira ubulenga.

Danyeri 4:2

Iri nꞌgaba ngoli gwejiiri, nanaloota ibirooto, nanabona naꞌmabone. Birya byoshi, ikyanya bikalenga-lenga mwiꞌtwe lyani, byanandeera ikyoba bweneene!

Danyeri 4:25

Uyo mwami Nebukandeneza, yibyo byoshi bikamúkoleka kwo.

Danyeri 7:25

Anakizi yihaya, iri anatuka Rurema úli hiꞌgulu lya byoshi, anakizi libuza ábayemiiri Rurema. Anagire mbu ahindule imaaja, kuguma neꞌsiku zaabo ngulu, kundu byâli mali biikwa. Yabo bemeera, agayami bagwata imbira, anabamalane imyaka ishatu neꞌmyezi ndatu.

Barumi 13:1

Ngiisi mundu, akwiriiri akizi simbaha abatwali beꞌkihugo! Mukuba, amatwali gooshi, gakabiikwa na Rurema. Ndaanabwo butwali úbuli ho, bwo atakabiika.

1 Bakorindo 1:28

Akanatoola na íbiri mu shembwa kwo biri bya kabusha-busha, na íbiri mu gayirizibwa, na íbiri mu bonerwa kwo ndaabyo. Kwokwo, lyo alonga ukuyerekana kwo íbiboniirwi mu kihugo byo biri naꞌkamaro.

1 Timoteyo 5:21

Yaga mahano, nakubwiraga imbere lya Rurema, neꞌmbere lya Yesu Kirisito, neꞌmbere lyaꞌbaganda baage bataluule, kwo ukizi gakoleesa buzira kukundirira, na buzira ndoola!

Bwigule 4:8

Ngiisi kingisho-ngisho, kyâli hiiti ibyubi birindatu-birindatu. Yibyo byubi, byâli yijwiri kwaꞌmasu mu nda neꞌmugongo. Yibyo bingisho-ngisho, biyamiri biri mu yimba kwokuno úbwakya-úbwayira: «Nahano Rurema woꞌbushobozi bwoshi, ali mweru! Ali mweru! Ali mweru! Ye kiri ho, ye wanâli yamiri ho! Ye ganaki yija!»

1 Samweri 2:8

Abakeni, Nahano ali mu bayinamula mu luvu, na mu munyota-kiiko. Anabayimike, banabwatale kuguma naꞌbatwali. Ikihugo kyoshi, kiri kyeꞌmwage, ye kakitereka ku ndaliro zaakyo.