Danyeri 4:12 - Kifuliiru

¹² Halikago, naludakwe yehe, umúlekere i kuzimu kuguma neꞌmizi, akizi beera mu byasi bya mu ndalo. Unamúzingire kwoꞌtubangira tweꞌbyuma, na tweꞌmiringa. «“Uyo naludakwe, mulekage ikimi kya mwiꞌgulu kikizi múlovya. Anatuule kuguma neꞌnyamiishwa mu ndagiriro, gira akizi lya mweꞌkishuka.

Danyeri 4:12 ပူးပေါင်းရင်းမြစ်များ

Hayubu 12:24

Kundu abaami bangasobanukirwa, ali mu bagira bahwija, anabasige bali mu jeba-jeba mwiꞌshamba lizira njira.

Hayubu 14:7

«Ikiti, kundu kyangatemwa, haliko hakiri umulangaaliro, kwo kigaki shubi mina.

Hayubu 14:9

haliko, iri yangahuma naaho ku miiji, kinayami shubi mina, ibitombo byakyo binahinduke matavi.

Kimombo 4:20

Kiri na mwami witu, naye akagwatwa mu mutego gwabo, anali ye Nahano akataluula, ye twanâli langaliiri. Uyo mwami, twâli toniri kwo ye gakizi tulanga neꞌgindi milala yoshi.

Hezekyeri 17:23

Ee! Ngahishinga mu kihugo kyeꞌHisiraheeri. Ha nyuma, higayasa, hinatongeke kweꞌbitumbwe, kinayiji ba kiti kiija kyoꞌmwerezi. Haaho, utunyuni tweꞌmilala yoshi tunayiji yubakira ingisha ku matavi gaakyo, tunakizi yegama mu kimbehwa.

Hezekyeri 31:17

«Yibyo bindi biti íbyâli kizi kitabaala, nabyo byanalindimukira yo, byanagendi beera kuguma na ábâli bwatiiri mu kimbehwa kyakyo kihamu.

Danyeri 4:14

«“Yiki kihano, abaganda beeru bo bakakimenyeesa, lyaꞌbandu booshi balonga ukumenya kwo Rurema ye riiri hiꞌgulu lya byoshi. Bamenye na kwo ye gweti ubushobozi hiꞌgulu lyaꞌmaami gooshi. Ye mu yimika ngiisi ye aloziizi. Ali mu yimika kiri noꞌmugunda.”

Mataayo 13:32

Yihyo hibuto, hyo hiri hiniini ukuhima izindi zooshi íziri mu byalwa. Kundu kwokwo, ikyanya hiri mu ba keera hyabyalwa, hinakule, hiri mu yiji ba mbuto mbamu ukuhima izindi zooshi za mu ndalo. Kinayiji ba kiti, halinde utunyuni tunakizi yiji yubaka ingisha mu matavi gaakyo.»

Mariko 13:32

«Yibyo byoshi, ulusiku lwo bigakoleka kwo, neꞌkihe kyabyo, ndaaye úbiyiji, ha nyuma lya Daata naaho. Kiri abaganda ba mwiꞌgulu, noꞌMwana wage yenyene, batabiyiji!

Mariko 4:32

Kundu kwokwo, ikyanya hiri mu ba keera hyabyalwa, hinakule, hiri mu yiji ba mbuto mbamu ukuhima izindi zooshi za mu ndalo. Amatavi gaahyo ganayajabuke, halinde utunyuni tunakizi yiji twa mu kimbehwa kyago.»

Luka 13:19

Bulyagagi nga hibuto hyeꞌharadaali, hyoꞌmundu akagendi byala mu ndalo yage. Yihyo hibuto, hyanakula, hyanayiji ba kiti, halinde utunyuni twanayiji yubaka ingisha mu matavi gaakyo!»