Danyeri 2:28 - Kifuliiru

²⁸ E mwami! Rurema alyagagi hiꞌgulu lya byoshi. Yehe ye mu bishuula íbishubi bishamiri. Ye na keera úwakuyereka íbigakoleka mu siku ízigayija. Birya birooto byawe, naꞌmabone gaawe, byo byebino:

Danyeri 2:28 ပူးပေါင်းရင်းမြစ်များ

Ndondeko 40:8

Nabo, ti: «Twe noꞌwitu, twaloota ibirooto. Si ndaaye woꞌkutusobanulira byo.» Uyo Yusefu, ti: «Ukusobaanura ibirooto, gulyagagi mukolwa gwa Rurema. Aaho! Mubindotoloolere.»

Ndondeko 41:16

Uyo Yusefu anashuvya mwami: «Nienyene ndangahasha. Haliko Rurema ashobwiri. Ye gakulimbulira ibirooto byawe.»

Ndondeko 41:25

Uyo Yusefu, anabwira Faraho: «E mwami, yibi birooto byawe kwo biryagagi byombi, biri noꞌmugeeza muguma naaho. Rurema, aloziizi ukukuyigulira amagambo go akola agaagira buno.

Ndondeko 49:1

Ha nyuma, Yakobo anatumira bagala baage booshi, anababwira: «Mweshi mukumanage. Ngamùmenyeesa íbigamùkoleka kwo, mu siku ízigayija.

Zaburi 115:3

E balya, si Rurema witu atuuziri mwiꞌgulu, anali mu gira nga ngiisi kwo aloziizi!

Hisaaya 2:2

Mu siku zeꞌmberuuka, umugazi úguyubasirwi kweꞌnyumba ya Nahano, gwo gwâye gingikwe ukuhima igindi yoshi. Gwâye shuume bweneene, ukuhima utugangazi twoshi, halinde aba mu mahanga gooshi banakizi gushololokera.

Yeremiya 10:7

Uli mwami waꞌmahanga gooshi. Unakwaniini bweneene ukugingikwa. Mu milala yoshi, na mu maami gooshi, ndaaye mwitegeereza úli nga we.

Yeremiya 30:24

Bulya buraakari bwage, butaganahooha, átazi yusa ukugira byoshi byo keera ashungika. Yibyo byoshi, mwâye bisobanukirwe mu siku ízigayija.

Yeremiya 48:47

«Kundu kwokwo, yabo Bamohabu, mu siku ízigayija, ngashubi bagenduusa.» Kwokwo, kwo Nahano adesiri. Ubuleevi hiꞌgulu lyaꞌBamohabu, kwokwo kwo bumaziri.

Hezekyeri 28:3

Ugweti ugayitoneesa kwo we hiiti ubwitegeereze ukuhima Danyeri. Unatoniragi kwo we yiji ubumbishwa bwoshi-bwoshi,

Hezekyeri 38:16

Munagendi teera abandu baani Abahisiraheeri, mu kubazinga nga kulya ikibungu kiri mu zinga ikihugo kyoshi. E Googi! Ku kyanya ngamùlungika kwo mugendi teera ikihugo kyani, lyeꞌbinyamahanga bigaamenya kwo nie namùkoleesa, binayibonere ngiisi kwo ndi mweru.

Hezekyeri 38:8

«Ha nyuma lyeꞌmyaka mingi, mwâye hamagalwe, mbu mugendi teera ikihugo kyeꞌHisiraheeri. Yikyo kihugo, abandu baakyo bagaaba keera bakalyosibwa mu mahanga, banabe bakoli tuuziri mu mutuula mu migazi yabo.

Danyeri 1:20

Uyo mwami, ikyanya akababuuza, gira amenye ngiisi kwo bali noꞌbwitegeereze, na kwo basobanukiirwi, anayibonera kwo bo bahimiri abaabo booshi ubugira ikumi. Bâli himiri kiri naꞌbanamaleere, naꞌbalaguza booshi ba mu butwali bwage.

Danyeri 10:14

Na buno, nayiji kumenyeesa ngiisi íbigakoleka ku bandu baawe mu siku ízigayija. Mukuba, yago mabone go wabona, gali hiꞌgulu lya íbigaaba mu siku ízâye yije.”

Danyeri 2:18

Anabayinginga kwo bahuune Rurema úli mwiꞌgulu, gira abayuvwirwe indengeerwa, halinde anamúbishulire umugeeza gweꞌbirooto, kundu gwâli mu kambishwa. Kwokwo, lyo batayitirwa kuguma naꞌbaabo bitegeereza beꞌBabeeri.

Danyeri 2:22

Íbiri mu kihulu, binabe biki bishirwi, abiyiji-yiji byoshi. Na kundu bibishamiri mu bumbishwa, haliko, ayamiri ali mu bibishuula. Mukuba, yenyene atuuziri mu mulengeerwe.

Danyeri 2:44

«Ku kyanya kya yabo baami, Rurema úli mwiꞌgulu, agayimika ubwami úbutâye minikwe, butanâye haabwe abandi-bandi bandu. Si galya gandi maami gooshi, bugagavungula. Ubwami bwa Rurema naaho, bwo bugayama ho imyaka neꞌmyakuula!

Danyeri 2:45

«E mwami, ukayibonera ibuye írikakuulika ku mugazi, si ndaaye mundu úkalihuma kwo. Yiryo ibuye, lyo likahooja-hooja gulya mugisi úgukagirwa mu byuma, na mu miringa, na mwiꞌbumba, na mu harija, na mu nooro. Rurema úli hiꞌgulu lya byoshi, ye kakuyereka íbyâye koleke mu siku ízâye yije. Kwokwo ngana, yibi birooto biri byoꞌkuli, wanganayemeera umugeeza gwabyo.»

Danyeri 2:47

Mwami anabwira Danyeri: «Ku kasiisa, Rurema wawe alyagagi hiꞌgulu lyaꞌbaabo booshi. Ye na Nahano hiꞌgulu lyaꞌbaami booshi. Kundu utumbishwa tushubi bishamiri, haliko ye mu kizi tubishuula. Yaka kambishwa kaani, ye wakushoboleesa ukukasobanura!»

Danyeri 4:5

Iri hakatama, Danyeri anayija imbere lyani. Naye, nanamúlotololera byo. (Uyo Danyeri, irindi iziina lyage, ye Beriteshaaza, ukukulikirana niꞌziina lyoꞌmuzimu gwani. Emwe! Umutima gwa íbiri mu yikumbwa gwâli múliiri mwo.)

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Hamoosi 4:13

Nahano ye kalema imigazi. Ye nali mu husiisa imbuusi. Ngiisi byo ali mu ba ashungisiri ukugira, ali mu gwanwa abimenyeesa abandu. Ali mu hindula izuuba lyoꞌmusasa, bube bushigi. Anali mu hinyata-hinyata ku marango. Iziina lyage, ye Nahano Rurema woꞌbushobozi bwoshi!

Muharuuro 24:14

«Kwokwo buno, namu galukira mu bandu baani. Haliko, ku kyanya ndazi galuka, ngatee gwanwa nakubwira ngiisi byo yaba bandu bagagirira abandu baawe, mu siku ízigayija.»

Mataayo 6:9

Mwehe, mukwiriiri mukizi huuna Rurema kwokuno: “E Daata úli mwiꞌgulu! Iziina lyawe, likizi haabwa ulushaagwa.

Bukengeeze 31:19

«Buno, e Musa mwe na Yoshwa! Muyandike luno lwimbo, munaluyigirize Abahisiraheeri. Nabo, banalusingule mu mitima, gira lukambeere kamasi.

Bukengeeze 4:30

Mwe bakongwa mwe! Yaga malibu gooshi go namùbwira, iri gangayiji mùgwata, munabe mugweti mugalibuuka, haaho mukakengeere ukugalukira Nahano, munakizi músimbaha.

2 Timoteyo 3:1

Umenye bwija kwo mu siku zeꞌmberuuka, hagabaagaga amalibu makayu.

Baheburaniya 1:1

Yaho keera, Rurema âli kizi deta na bashokuluza biitu ku njira yaꞌbaleevi, kwanaba ku njira za kwingi-kwingi.

2 Peturu 3:3

Imbere lya byoshi, mukwiriiri mumenyage kwo mu siku zeꞌmberuuka, hagaaba abandu boꞌkuyifunda mu ngiisi bitalaalwe byo bayifwijiri. Yabo bandu, bagakizi mùshekeereza,

Bwigule 1:1

Yubu bwigule, bulyosiri imwa Yesu Kirisito. Rurema yenyene, ye kamúheereza bwo, gira agwanwe amenyeesa abakozi baage íbikola bu koleka. Yubwo bwigule, Yesu anabuyereka umukozi wage Yohana, mu kumútumira umuganda wage.