Danyeri 11:30 - Kifuliiru

³⁰ Mukuba, amashuba ukulyoka i Kitimu gagayiji múlwisa. Kwokwo, anagwatwe neꞌkyoba kingi, anagaluke inyuma, akoli rakiiri, anashubi teera abandu ábakanywana ikihango na Rurema. Na ngiisi ábagakihongola, anabahembe.

Danyeri 11:30 ပူးပေါင်းရင်းမြစ်များ

Ndondeko 10:4

Na bagala Yavaani, bâli Herisha, na Tarasisi, na Kitimu, na Rodanimu.

1 Kutondobola 1:7

Bagala Yavaani, bâli Herisha, na Tarasisi, na Kitimu, na Rodanimu.

Nehemiya 6:12

Na íbitumiri nꞌgashuvya kwokwo, bwo nâli sobanukiirwi kwo yago magambo ga Shemaya, atali Rurema ye kamútuma go. Si Tobiya na Sanibalati, bo bakamútulira, gira agadete.

Hisaaya 23:1

Ino ndumwa iri hiꞌgulu lyaꞌkaaya keꞌTiiro. Mwe beene amashuba ágalyosiri i Tarasisi! Mugire mulire ku kimombo. Si ibyambu byeꞌTiiro keera byashereezibwa! Yako kaaya kakola mushaka. Iyo myazi, mukatee giyuvwa mu kihugo kyeꞌKipuro, inali yoꞌkuli.

Hisaaya 23:12

Nahano akadeta: «E bandu beꞌSidooni, si keera mwasherebera, mutanâye ki shambaale! Mukolaga nga munyere úwagumbiirwa. Kundu mwangakoli jabukira i Kipuro, haliko mutagalonga ho mugaluhuukira.»

Yeremiya 2:10

Mutee jabukaga inyaaja, halinde mu kihugo kyeꞌKipuro, kandi iri mulungike abandu mu kyeꞌKedaari, balangiize. Mugendi sisa, iri igambo mwene yiri keera likaba.

Hezekyeri 27:6

Banagatwira ibiti byeꞌmyalooni ukulyoka i Bashaani, bakizi gashooja mwo. Banabereesa neꞌmbahwa mu biti byeꞌshindano za mu kalira keꞌKipuro, banazilingaania mweꞌbitumbi byoꞌkubwatala kwo, banabilimbiisa naꞌmahembe geꞌnjovu.

Danyeri 11:28

«“Uyo mwami weꞌmbembe agashubi galukira imwage, akoli hiiti akatundu keꞌminyago. Si inzaliro zaage, zigaaba za kushereeza ikihango kyo Rurema akanywana naꞌbandu baage. Kwokwo, yikyo kihango, anagire mbu akihangirire, akabuli galukira mu kihugo kyage.

Danyeri 11:29

«“Ku kyanya íkikwaniini, uyo mwami weꞌmbembe agashubi teera ikihugo kyeꞌkisaka. Yikyo kiteero kyage, kitagaki ba nga kirya kya mbere.

Danyeri 7:25

Anakizi yihaya, iri anatuka Rurema úli hiꞌgulu lya byoshi, anakizi libuza ábayemiiri Rurema. Anagire mbu ahindule imaaja, kuguma neꞌsiku zaabo ngulu, kundu byâli mali biikwa. Yabo bemeera, agayami bagwata imbira, anabamalane imyaka ishatu neꞌmyezi ndatu.

Muharuuro 24:24

Amashuba gagalyoka i Kitimu, ganayiji teera i Hashuuri neꞌHebeeri. Kundu kwokwo, mu kugaluka, nabo bagashereezibwa lwoshi.»

Mataayo 24:10

Ku yikyo kyanya, abandu bingi bagajandagirira ubwemeere bwabo, banakizi shombana, noꞌkukizi songerana.

Bwigule 12:12

Ku yukwo, igulu likizi shambaala, kuguma na byoshi íbituuziri mwo. Si yayewe imweꞌkihugo, neꞌmweꞌnyaaja! Mukuba, Shetaani keera abiyikira kwo. Anakoli rakiiri bweneene! Akoli yiji kweꞌsiku ízikoli músigaliiri, zikolaga ngerwa naaho.»