Danyeri 11:18 - Kifuliiru

¹⁸ «“Ha nyuma, anateere agandi mahanga ágali ku ngombe yeꞌnyaaja, anahime amingi gaago. Kinatume agayikangaata. Kundu kwokwo, ikirongoozi kiguma kyaꞌbasirikaani kigamúhima, halinde anagaluke neꞌshoni.

Danyeri 11:18 ပူးပေါင်းရင်းမြစ်များ

Hesiteeri 10:1

Mwami Serikisi, anarambuliisa abandu booshi ba mu poroveesi zooshi, halinde ukuhisa ku tulira tweꞌmahanga.

Hisaaya 66:19

Baguma baabo, ngabagira mweꞌkisoomeza. Na ngiisi ábagaaba basigiiri, ngabatwala zibe ndumwa mu binyamahanga. Ngaatuma baguma i Tarasisi, naꞌbandi i Puuti, naꞌbandi i Luudi, heꞌbikalage biri mu fwora imiheto. Abandi banagende i Tubaali, naꞌbandi i Bugiriki, naꞌbandi mu gandi mahanga. Mukuba, iyo munda, abandu batazindi yuvwa imyazi yani, kandi iri ukubona ibitangaaza byani. Kwokwo, bagakizi gendi yereka ibinyamahanga ubulangashane bwani.

Yeremiya 2:10

Mutee jabukaga inyaaja, halinde mu kihugo kyeꞌKipuro, kandi iri mulungike abandu mu kyeꞌKedaari, balangiize. Mugendi sisa, iri igambo mwene yiri keera likaba.

Yeremiya 31:10

Mwe binyamahanga! Yuvwagwi ngiisi kwo Nahano atubwira. Iyo ndumwa yage, mukizi gimenyeesa mu batuuziri hala, ha butambi lyeꞌnyaaja. Mukizi babwira: «Kundu Nahano akashabulira Abahisiraheeri mu mahanga, halikago buno, akola agashubi bakuumania. Agakizi bakuya-kuya, nga kwoꞌmungere ali mu kuya-kuya ibibuzi byage.»

Hezekyeri 27:6

Banagatwira ibiti byeꞌmyalooni ukulyoka i Bashaani, bakizi gashooja mwo. Banabereesa neꞌmbahwa mu biti byeꞌshindano za mu kalira keꞌKipuro, banazilingaania mweꞌbitumbi byoꞌkubwatala kwo, banabilimbiisa naꞌmahembe geꞌnjovu.

Hosheya 12:14

Ha nyuma, Nahano anakoleesa umuleevi mu kulyosa Abahisiraheeri mu kihugo kyeꞌMiisiri. Na ku njira yoꞌyo muleevi, Rurema anakizi balanga.

Sefaniya 2:11

Kwokwo, agababiika mweꞌkyoba bweneene, anashereeze imizimu yoshi mu kihugo kyabo. Abandu baꞌmahanga gooshi bagakizi yikumba Nahano, ngiisi bandu mu kihugo kyabo.

Mataayo 7:2

Ngiisi kwo mugweti mugatwirana imaaja, kwo na niinyu mugayiji zitwirwa. Na ngiisi lugero lwo mugweti mugagerera kwaꞌbandi, lwo na niinyu mugayiji gererwa kwo.

Batwi beꞌmaaja 1:7

Kyanatuma uyo mwami agaadeta kwokuno: «Hâli riiri abaami makumi galinda bo nꞌgatola ibingumwe-ngumwe byaꞌmaboko, neꞌbyaꞌmagulu, banakizi toola íbyatibuka ku kashasha kaani. Na buno, ngiisi byo nꞌgabakolera, keera naani Rurema abingolera.» Ulya mwami, banamútwala i Yerusaleemu, anashaajira yo.