Danyeri 10:9 - Kifuliiru

⁹ «Ulya mundu, nanayuvwa ngiisi kwo agweti agaadeta. Neꞌkyanya nꞌgayuvwiriza izu lyage, nanayami gwa buubi, nanayingira mwiꞌro lyaꞌkahondo-hondo.

Danyeri 10:9 ပူးပေါင်းရင်းမြစ်များ

Ndondeko 15:12

Izuuba, iri likaba likola ligasooka, Hiburamu ngana, iro lyanamúlemba. Ikihulu kya namudidi, kyanamúyizingira kwo, anatondeera ukuyoboha.

Ndondeko 2:21

Kwokwo, uyo mushosi, Nahano Rurema anamúbiika mwiꞌro lyaꞌkahondo-hondo. Neꞌri akaba aki huniiri, Nahano Rurema anamúlyosa mwoꞌlubavu luguma, anahashubaania neꞌminyofu.

Hayubu 33:15

«Ikyanya abandu bali mu hunira mu ngingo zaabo bushigi, banabe keera balembwa niꞌro lyaꞌkahondo-hondo, lyo Rurema ali mu bayereka ibirooto, kiri naꞌmabone.

Hayubu 4:13

Bwâli riiri bushigi, ikyanya abandu bali mu loota ibirooto, ikyanya iro lyaꞌkahondo-hondo liri mu bahuniza.

Lwimbo Lwija 5:2

«Kundu nâli huniiri, si umutima gwani gwâli ki laliiri, nanayuvwa ikindu kyalasa. Kiziga, umukundwa wani ye gweti úgayiguza. Anambwira kwokuno: “E mukundwa wani, unali ngunde yani! Ulyagagi weꞌmwani.”» «Aaho! E mwali wani mukundwa, unyigulire maashi! Wehe uli ngunde yani, ndaako kashembo ko uhiiti. Itwe lyani liyijwiri ikimi. Noꞌmushaku gwani, gwaloba noꞌbutonyanga bwa mu bushigi.»

Danyeri 10:16

Ha nyuma, uyo úkashusha nga mundu, anambuma ku kanwa, nanatondeera ukushubi deta. «Nanabwira uyo úwâli yimaaziri imbere lyani kwokuno: “E nahamwitu! Yaga mabone go nabona, ganjengula bweneene! Na buno, ngoli luhiri.

Danyeri 8:18

«Ikyanya akaba akiri mu nganuulira yaho ndambamiri, iro lyaꞌkahondo-hondo lyanandemba. Kyanatuma agangwata, ananyimusa,

Habakuki 3:16

Iri nꞌgayuvwa kwokwo, ibya mu nda byanalyamuza liguma, gyuu! Akanwa kaani, kanakizi shushubira. Neꞌndege zanayami tera! Balya bandu bagweti bagatuteera, kundu kwokwo, ngalindirira ku bwigenderezi, halinde balonge ukuminikwa.

Luka 22:45

Neꞌri akaheza ukuhuuna Rurema, anayimuka, anagalukira ho akasiga abigirizibwa baage, anagwana keera bahunira. Mukuba, bâli kola noꞌmwizingeerwe.

Luka 9:32

Ku kyekyo kyanya, Peturu na yabo baabo bâli mali lembwa niꞌro, haliko, iri bakasisimuka, banabona kwo Yesu akola mu bulangashane! Banabona na yabo bashosi bombi, bakoli yimaaziri ha butambi lyage.

Bwigule 1:17

Ulya Mwana woꞌMundu, iri nꞌgamúbonaga, nanayami gwa mu magulu gaage, nanaba nga úkoli fwiri. Haliko, anambuma kwo noꞌkuboko kwage kweꞌlulyo. Anambwira: «Utayobohe! Nie Ndangiro. Na ndi nie Nyukizo.