Bwigule 6:12 - Kifuliiru

¹² Ha nyuma, Ikyanabuzi kyananunguula inungu ya kalindatu. Lyeryo mu kihugo, mwanalenga sizigirye woꞌmusisi. Izuuba lyanayulubala, lyanashushaga nga busuuzu úbukalukwa mu bwoya bwoꞌmukara. Noꞌmwezi gwanadukula nga muko.

Bwigule 6:12 ပူးပေါင်းရင်းမြစ်များ

Hisaaya 24:23

Ha nyuma, Nahano woꞌbushobozi bwoshi ye gakizi twala i Yerusaleemu, ku mugazi Sayuni. Abatwali beꞌYerusaleemu, bagayibonera ubulangashane bwage. Yubwo bulangashane, bwo bulangashiini bweneene, kinatume izuuba noꞌmwezi bigaboneka nga bifwifwitiiri.

Hisaaya 29:6

Nie Nahano woꞌbushobozi bwoshi, na ndi nie gamùlwira. Ngayija mu mukungulo, na mu misisi, na mu lujongo, na mu kihuhuuta kya kwingi-kwingi, na mu muliro úguli mu jigiivya.

Hisaaya 34:4

Igulu ligabungwa-bungwa, nga kwo bali mu bunga ikitaabo kibungirize. Indonde íziryagagi kwiꞌgulu zooshi, zinajongoloke, zinayume nga bibabi byeꞌmilandira, kandi iri nga bishulu byumu byoꞌmutiini. Zooshi zinabugumukire mu kihugo.

Hisaaya 50:3

Kiri neꞌkyanyaanya, nie tumiri kiri mu hinduka kihulu. Na ndi mu kibwikira noꞌmwizingeerwe.»

Yuheeri 2:10

Ikyanya biri mu yegeera, idaho liri mu yami jugumba, di-di-di! Kiri niꞌgulu, liri mu lenga mweꞌkinyukura. Izuuba noꞌmwezi, binazinge ikihulu, Kiri neꞌndonde, zinayami zima.

Hamoosi 1:1

Ino ndumwa, Rurema akagimenyeesa umuleevi Hamoosi. Âli riiri mungere wa mu kaaya keꞌTekowa, mu kihugo kyeꞌBuyuda. Inadesiri hiꞌgulu lyeꞌkihugo kyeꞌHisiraheeri. Ku kyanya uyo Hamoosi akagiyigulirwa, umusisi muhamu gwâli mali hisa imyaka ibiri guleeziri. Kinali kyo kyanya Huziya âli twaziri mu kihugo kyeꞌBuyuda. Yerobwamu naye, mugala Yohaashi, ye wâli twaziri mu kihugo kyeꞌHisiraheeri.

Hamoosi 8:9

Rurema Nahamwitu adetaga kwokuno: «Yulwo lusiku, ngasoosagya izuuba, kanakiri kalenge-renge. Haaho mu kalenge-renge, ikihulu kinayidike mu kihugo.

Zakariya 14:5

Mwomwo mwiꞌyo ndekeera, mwo mugatibitira. Igayajabuka halinde i Hashali. Mugatibita, nga kwo bashokuluza biinyu nabo bakatibita hiꞌgulu lyoꞌmusisi, ku kyanya kyoꞌmwami Huziya weꞌBuyuda. Haaho, lyo Nahano Rurema wani, agayija ali kuguma naꞌbaganda baage bataluule.

Mataayo 11:21

«Yayewe imwawe, e kaaya keꞌKoraziine! Yayewe neꞌmwawe, e kaaya keꞌBetesahida! Birya bitangaaza byo nâli kizi gira imwinyu, íngibigirire mu kaaya keꞌTiiro na mu keꞌSidooni, nga bandu beꞌyo munda keera bakayambala ubusanganira, banayishiige noꞌmunyota-kiiko, mu kuyerekana kwo keera batwikira ku byaha byabo.

Mataayo 24:29

«Yizo siku za kahenabwera, mango zamala, izuuba ligayami yidika mweꞌkihulu, noꞌmwezi gutagaki tanguula. Kiri neꞌndonde zigakizi tibuka! Ee! Íbiri kwiꞌgulu byoshi bigajugumbana.

Mataayo 24:7

«Ikihugo kiguma kigagendi teera ikindi. Noꞌbwami buguma bugagendi teera ubundi. Ibihugo biguma bigateerwa noꞌmwena. Neꞌmisisi igakizi bilenga mwo.

Mataayo 27:45

Iri hakaba bikola bihe ndatu bya mwiꞌzuuba, ubwire bwanayidika mu kihugo kyoshi, halinde ukuhisa ku bihe mwenda.

Mataayo 27:54

Balya basirikaani, bâli gweti bagalanga Yesu, kuguma na nahamwabo. Mbu babonage ngiisi kweꞌkihugo kyajugumba, babona neꞌbindi byoshi íbikakoleka, banayoboha bweneene, banadeta kwokuno: «Ku kasiisa, uyu mundu ashuba Mwana wa Rurema!»

Mataayo 28:2

Lyeryo mu kihugo, mwanalenga umusisi muhamu bweneene. Mwiꞌgulu, mwanashonooka umuganda wa Nahano, anayegeera iyo shinda, anahirikira lirya ibuye ha butambi, analibwatala kwo.

Mariko 15:33

Iri hakaba bikola bihe ndatu bya mwiꞌzuuba, ubwire bwanayidika mu kihugo kyoshi, halinde ukuhisa ku bihe mwenda.

Bwigule 11:13

Ku kyekyo kihe, mu kihugo mwanalenga sizigirye woꞌmusisi. Ikihande kiguma kiꞌkumi kya yako kaaya kyanayami yihongoleka haashi. Hanayami fwa abandu bihumbi birinda. Na ábakafuuka, banahuumirwa ngana. Banatondeera ukuhuuza ubukulu bwa Rurema úli mwiꞌgulu.

Bwigule 16:18

Hanakizi ba ibiryamu, neꞌmilavyo, neꞌmikungulo. Mu kihugo, mwanalenga sizigirye woꞌmusisi. Noꞌkulyokera haꞌbandu bakatuulira mu kihugo halinde zeene, ndaagwo gundi musisi úguzindi shagania ikihugo nga gwo.

Bwigule 16:8

Umuganda wa kana, naye anamwaguliraga íbiri mu mutanga gwage kwiꞌzuuba. Izuuba lyanahanguulwa kwo likizi yokya abandu.

Bwigule 8:12

Umuganda wa kana naye, anadihiriza ikyeꞌmwage. Lyeryo ikihande kiguma kya kashatu kiꞌzuuba kyanatutumbwa, halinde ikihande kiguma kya kashatu kyoꞌmulege-rege kyanaba kihulu. Ikihande kiguma kya kashatu kyoꞌmwezi na kyeꞌndonde nabyo byanatutumbwa! Halinde ikihande kiguma kya kashatu kyoꞌbushigi kyanabula umulengeerwe gwakyo.

Bwigule 8:5

Ulya muganda, anayabiiraga umuliro mu katanda. Anaguyijuza ku mubangala, anaguvugumula mu kihugo. Lyeryo, hanaba ibiryamu, neꞌmilavyo, neꞌmikungulo. Hanalenga noꞌmusisi.