Bwigule 21:4 - Kifuliiru

⁴ Imigenge yoshi, kundu igakereka mu masu gaabo, agagihotola. Hatagaki ba ulufu, kandi iri ikigandaaro, kandi iri amalira, kandi iri ubulyanirwe. Mukuba, ibya keera byoshi, bigaaba keera byalenga.»

Bwigule 21:4 ပူးပေါင်းရင်းမြစ်များ

Zaburi 144:4

Si abandu balyagagi nga muuka naaho! Isiku zaabo ziri mu lenga duba, nga kimbehwa.

Hisaaya 25:8

Ee! Nahano Rurema agaamala ulufu, halinde imyakuula. Na kundu abandu booshi bakiri mu lira ku migenge, haliko iyo migenge, agagihotola ku malanga gaabo. Na kundu bakateezibwa ishoni mu kihugo, haliko yizo shoni, zigaamala. Kwokwo, kwo Nahano adesiri.

Hisaaya 30:19

E bandu beꞌSayuni, mwe mutuuziri i Yerusaleemu! Ku kasiisa, mutâye ki bululuke. Iri mwangatabaaza Nahano, agakizi mùyuvwa, anamùshuvye duba.

Hisaaya 35:10

Ee! Iyo njira, ngiisi bo Nahano agaaba keera akiza, bo bagagigaluka mwo, banayiji yingira mu kaaya keꞌSayuni, bagweti bagayimba ku bushambaale. Bagakizi ba naꞌmalega, halinde imyaka neꞌmyakuula, mu kati koꞌbushambaale. Umwizingeerwe neꞌkimombo, bigaaba keera byamala lwoshi-lwoshi.

Hisaaya 51:11

E Nahano! Bwo ukaguluula abandu baawe, bagaki galuka i Yerusaleemu, bagweti bagatamba-tamba ku kisegengo. Emwe! Bagaaba bashambiiri imyaka neꞌmyakuula! Umwizingeerwe neꞌkimombo, bigaaba keera byamala lwoshi. Amalanga gaabo gagaaba gakoli yijwiri ibimwemwe.

Hisaaya 60:20

Izuuba litâye ki mùsookere. Kiri na bushigi, umwezi gutâye ki fwifwitire. Mukuba, Nahano yenyene, ye gakizi mùtanguulira imyaka neꞌmyakuula! Kinatume ukujengeerwa kwinyu kugaamala lwoshi-lwoshi.

Hisaaya 61:3

I Sayuni, kundu abandu bakola mu yibwandalika mu munyota-kiiko, haliko agabaheereza ulushembe úlunonosiri. Na kundu bajengiirwi, agabashiiga amavuta, halinde balangashane. Na ngiisi ábagaaba bavunisiri imitima, agabashambaaza. Yabo bandu, Nahano agababyala mu ndalo yage, gira abayerekane mwoꞌbulangashane bwage, Bagakizi gira íbikwaniini, bagaanaba bakaniri ngeꞌbiti bila byeꞌmyalooni.

Yeremiya 31:12

Bagataaha bagweti bagayimba ku kisegengo ku mugazi Sayuni. «Ngabaheereza ingano, neꞌdivaayi, naꞌmavuta, neꞌbibuzi, kiri neꞌngaavu. Yibyo byoshi, ikyanya ngabaheereza byo, imitima igashenguuka neꞌbimwemwe. Bagaaba nga ndalo yo bali mu nywisa, batanâye ki libuzibwe.

Yeremiya 31:13

Ku yikyo kyanya, abanyere bagakizi tamba ku busiime, kiri neꞌmisore naꞌbashaaja. Kundu bakiri mu jengeerwa, haliko ngaki bashambaaza. Ngakizi baholeeza, halinde umwizingeerwe gwabo gunahinduke bushambaale.

Hosheya 13:14

Yabo bandu, ka ngwiriiri nyiji bakiza mu shinda? Ka mbakize na Narufu? Nanga, maashi! E Narufu! Uleetage ikiija! Na naawe, e Nakuzimu! Uyiji bashereeza! Ee! Ndagaki babonera kandi ulukogo!»

Mataayo 24:35

Igulu neꞌkihugo, bigaahera. Haliko amagambo gaani, goohe gatâye here!

1 Bakorindo 15:26

Noꞌmugoma úgazindi shereezibwa, ye Narufu.

1 Bakorindo 7:31

Na ábagweti bagadandaza, nabo batabuyitange mwo lwoshi. Mukuba, kino kihugo nga kwo kiri, kikola kigaamala.

2 Bakorindo 5:17

Umundu, iri angaba akoli tuuziri mu kati ka Kirisito, akola kiremwa kihyahya. Ibya keera, biri mu ba keera byalenga. Ibihyahya, byo bikola ho!

2 Bakorindo 6:17

Nahano adetaga kwokuno: «Mugire mubayilyose mwo, munabayihandule kwo! Hatagire ikindu kyoꞌmuziro kyo mugakizi huma, gira lyo nimùyakiira.»

Baheburaniya 12:27

Yiryo igambo «lindi liguma» liyerekiini kwo íbikabumbwa byoshi bigaki shaganibwa, binashaazibwe, halinde íbitangashaganibwa bibaagage byo bigasigala.

2 Peturu 3:10

Lulya lusiku lwo Nahano agagalukaga kwo, lugatutubiira nga muzimba. Igulu ligayami nyerera ku kilundumo kihamu. Na byoshi binasiriizibwe ku muliro. Kwokwo, ikihugo na íbiri mwo byoshi, binasigale bwanuula.

1 Yohana 2:17

Ikihugo, neꞌbyaꞌbandu bali mu yifwija, byoshi bigalenga. Si iri umundu angagira byo Rurema aloziizi, yehe agaalama imyaka neꞌmyakuula.

Bwigule 20:13

Ngiisi ábakafwira mu nyaaja, zikabayulubula. Narufu na Nakuzimu nabo, banatanga bo bâli gweti. Ngiisi mundu anatwirwa ulubaaja ukukulikirana neꞌmikolezi yage.

Bwigule 20:14

Narufu na Nakuzimu, nabo banalashwa mwiꞌrya nyenga yoꞌmuliro. Neꞌyo nyenga yoꞌmuliro, lwo lufu lwa kabiri.

Bwigule 21:1

Haaho, nanabonaga igulu lihyahya, neꞌkihugo kihyahya. Mukuba, igulu lya mbere, neꞌkihugo kya mbere, byâli mali lenga. Kiri neꞌnyaaja, zitâli ki riiri ho.

Bwigule 22:3

Mu yako kaaya, mutagaki bonekaga íbidaasirwi. Ikitumbi kya Rurema kyo kigaaba mwo, neꞌkya yikyo Kyanabuzi. Abakozi baage bagakizi múyikumba,

Bwigule 7:17

Mukuba, kirya Kyanabuzi, ngiisi kwo kiri ha kati keꞌkitumbi kya Rurema, kyo kigakizi baragira. Kinakizi barongoora ha shyoko zaꞌmiiji goꞌbulamu. Imigenge yoshi íkeresiri mu masu gaabo, Rurema agagihotola.»