Bwigule 21:25 - Kifuliiru

²⁵ Inyiivi za mu kaaya, zitâye yigalwe. Mukuba, mutâye be bushigi.

Bwigule 21:25 ပူးပေါင်းရင်းမြစ်များ

Hisaaya 60:11

Inyiivi ziinyu zigakizi yama ziri nyigule. Zitanâye ki yigalwe, buba bushigi, kandi iri mwiꞌzuuba. Kwokwo, lyeꞌbinyamahanga bigakizi yija bimùshegwiri ubugale bwabo. Abaami baabo, banabe basholiirwi nga mbohe imbere liinyu.

Hisaaya 60:20

Izuuba litâye ki mùsookere. Kiri na bushigi, umwezi gutâye ki fwifwitire. Mukuba, Nahano yenyene, ye gakizi mùtanguulira imyaka neꞌmyakuula! Kinatume ukujengeerwa kwinyu kugaamala lwoshi-lwoshi.

Zakariya 14:7

Emwe! Lulya lusiku, lugaaba kwalwo-kwalwo. Nahano yenyene naaho ye lusobanukiirwi. Si umulege-rege gutagaki ba noꞌbukiiri, kandi iri ubushigi. Ulukeera lugakizi tanguula, kiri mu kabigingwe.

Bwigule 21:12

Yako kaaya, kâli zungulusirwi noꞌluzitiro luhamu bweneene, lwanâli riiri lula! Lwâli riiri neꞌmiryango ikumi niꞌbiri. Na kwiꞌyo miryango, kwâli biisirwi abaganda ikumi na babiri. Na ngiisi mulyango gwâli laliirwi noꞌmuganda muguma-muguma. Ngiisi mulyango gwanâli yandisirwi kwiꞌziina lyoꞌmulala muguma-muguma gwaꞌBahisiraheeri, kwo iri ikumi niꞌbiri.

Bwigule 21:15

Uyo muganda úwâli kizi nganuuza, âli fumbiiti ingoni íkatulwa mu nooro, gira agere yako kaaya, kuguma neꞌmiryango yako, noꞌluzitiro lwako.

Bwigule 21:23

Yako kaaya katalyagagi niꞌgoorwa mbu kayakirwe niꞌzuuba, kandi iri mwezi. Mukuba, ubulangashane bwa Rurema, bwo buli mu katanguula mwo. Kirya Kyanabuzi, lyo niꞌtara lyamwo.

Bwigule 22:5

Mu yako kaaya, mutagaaba ubushigi. Batagaanaba niꞌgoorwa lyoꞌkukizi yakirwa niꞌzuuba, kandi iri lyoꞌkukizi molekerwa niꞌtara. Mukuba, Nahano Rurema, yenyene ye gakizi batanguulira. Baganayama batwaziri imyaka neꞌmyakuula!