Bwigule 20:9 - Kifuliiru

⁹ Yabo bandu bakalenga hooshi, mu kuyiji sokanana haꞌbandu ba Rurema bashumbisiri mu kaaya ko akuuziri. Haliko mwiꞌgulu mwanahonaga umuliro, gwanayami bajigiivya!

Bwigule 20:9 ပူးပေါင်းရင်းမြစ်များ

Ndondeko 19:24

Lyeryo ngana mwiꞌgulu, Nahano anatibulira imbigi zoꞌmuliro mu kaaya keꞌSoodoma na mu keꞌGomora.

2 Baami 6:15

Iri bukakya shesheezi, umukozi wa Hirisha anavyuka, anahulukira imbuga. Lyeryo, anabona abasirikaani basokaniini akaaya, bali naꞌmagaare giꞌzibo, kiri neꞌfwarasi zaago. Ulya mukozi, anagalukira mu nyumba, anabuuza: «E nahamwitu, buno tugirage kuti?»

Hayubu 38:18

Ka uyiji ngiisi heꞌkihugo kihekiiri? Yago gooshi, iri wangaba ugayiji, umbwire.

Zaburi 106:18

Ha nyuma, umuliro gwanayiji gulumira mu bakulikizi baabo. Kwokwo, kwo balya banakuhambwa gukasingooka.

Zaburi 97:3

Umuliro guli mu gwanwa imbere lyage, gugweti gugasavya. Guli mu jigiivya abagoma baage booshi.

Hisaaya 30:33

Uyo mwami waꞌBahasuriya, Nahano âli mali gwanwa ashungika kwo agamújigiiviza i Topeti. Ee! Iyo munda, iri ikirimbi-rimbi, kinayisiri. Yikyo kirimbi-rimbi, kiri mwiꞌbengesheeshe lyoꞌmuliro, gunali mweꞌshaali nyingi. Yugwo muliro, Nahano agaguyasa, mu kugufuuha noꞌmuuka gwage, gunayami yaka nga lwiji úluli mwoꞌmuliro.

Hisaaya 37:36

Mu bwobwo bushigi, umuganda wa Nahano anayingira mu shumbi yaꞌBahasuriya, anayita mwaꞌbandu bihumbi igana na makumi galimunaana na bitaanu. Iri bukakya, ku kyanya abandu bakiri mu vyuka, banagwana birya birunda byoshi bilambamiri haashi.

Hezekyeri 38:16

Munagendi teera abandu baani Abahisiraheeri, mu kubazinga nga kulya ikibungu kiri mu zinga ikihugo kyoshi. E Googi! Ku kyanya ngamùlungika kwo mugendi teera ikihugo kyani, lyeꞌbinyamahanga bigaamenya kwo nie namùkoleesa, binayibonere ngiisi kwo ndi mweru.

Hezekyeri 38:22

«Uyo Googi, ngamúhaniiriza ku kiija, noꞌkuyitwa. Ngamúniekeza kweꞌnvula ngayu yoꞌlugungu, na yoꞌmuliro. Yibyo byoshi, ngamútibulira ku byo, kuguma naꞌbasirikaani baage, na ngiisi milala ígamúyibiika kwo.

Hezekyeri 38:9

Haaho, mwe naꞌbasirikaani baawe booshi, mugagendi bateera, munabazinge nga kihuhuuta, halinde munabwikire ikihugo kyabo nga kibungu.

Hezekyeri 39:6

Ikihugo kyeꞌMagoogi, ngakiduulika mwoꞌmuliro, gunajigiivye kiri naꞌbatuulaga booshi ba mu tulira, kundu bajeberiiri. Kwokwo, lyo booshi bagaamenya ku kasiisa kwo nie Nahano.

Mika 2:13

Kundu mushuba mu gwatwa imbohe mu mahanga, haliko ikirongoozi kiinyu kigahongola inyiivi zaꞌbagoma, anamùlyose yaho. Ee! Mwami winyu, agakizi mùrongoora. Na Nahano yenyene, agakizi mùshokolera injira.»

Habakuki 1:6

Ngola ngashimya Abababeeri, kwo bali bandu bazira kimino, banateeziri ikyoba. Bagweti bagalenga-lenga mu mahanga gooshi, iri banagaaza ibihugo bya beene.

Muharuuro 11:1

Abahisiraheeri, banayuvwa kwo keera bahaha, kyanatuma bagakizi yidodombera Nahano. Iyo midodombo yabo, iri Nahano akagiyuvwa, anabarakarira bweneene. Kyanatuma agabatulagiza mweꞌnguba, yanayami jigiivya uluhande luguma lweꞌshumbi.

Muharuuro 16:35

Haaho, balya bandu magana gabiri na makumi gataanu ábâli fumbiiti imibadu mu sheetezo, Nahano anayami batibulira kwoꞌmuliro, gwanabajigiivya booshi.

Luka 17:29

Halikago, ku lusiku lwoꞌyo Luutu akashaaga i Soodoma, umuliro gweꞌkibiriiti gwanayami tibuka ukulyoka mwiꞌgulu, gwanabajigiivya lwoshi!

Luka 19:43

«Mu siku ízigayija, abagoma baawe bagakusokanania uluzitiro lukayu, lyo hatagire umundu úgafuushuka.

Luka 21:20

«Mango mwabona kwaꞌkaaya keꞌYerusaleemu kakoli sokaniinwi naꞌbasirikaani, lyo mugaamenya kwo kakola kagashereezibwa.

Luka 9:54

Abigirizibwa baage, Yakobo na Yohana, mbu babonage kwokwo, banamúbuuza: «E Nahamwitu, ka uloziizi tuhuune umuliro mwiꞌgulu, gubatibukire kwo, halinde gubajigiivye?»

Bukengeeze 23:14

Yaho mu shumbi, ukwiriiri ukizi ba neꞌfuka, gira ngiisi musirikaani úgakizi gendi yitabaala, alonge ubulyo bwoꞌkuhumba ho agabiika imyanda. Anabe noꞌbulyo bwoꞌkushubi gifulira.

2 Batesaloniki 1:8

Kwokwo, ngiisi ábakalahira ukumenya Rurema, banabe batasimbahiri Imyazi Miija ya Nahamwitu Yesu, agabahana ngana-ngana.

Baheburaniya 13:13

Ku yukwo na nyiitu, tugwanage Yesu inyuma lyaꞌkaaya. Nga ngiisi kwo akalonga ishoni, na nyiitu tugendi zilonga.

Bwigule 11:5

Neꞌkyanya umugoma angagira mbu atugire buligo, umuliro gugahuluka mu tunwa twatwo, gunayami bajigiivya. Ee! Umundu, iri angalooza ukutugira buligo, kwokwo kwo agayitwa.

Bwigule 13:13

Kyanakizi gira neꞌbyereso bihamu byeꞌkitangaaza, halinde kyanakizi lyosagya kiri noꞌmuliro kwiꞌgulu, kinaguhoneze mu kihugo imbere lyaꞌbandu booshi!