Bwigule 2:23 - Kifuliiru

²³ Abakulikizi baage, ngabayita. Kwokwo, lyaꞌbandu ba mu mashengero gooshi bagaamenya kwo nie mu loleekeza íbiyifundereziizi mu mitima yaꞌbandu. Ngiisi muguma winyu, ngamúhemba ukukulikirana na ngiisi kwo âli kizi gira.

Bwigule 2:23 ပူးပေါင်းရင်းမြစ်များ

1 Kutondobola 17:18

«Ndi mukozi wawe, unanyiji bwija. Aaho! Ndayiji ngiisi kwo nangaki deta, bwo keera wanzimbahiisa.

1 Kutondobola 28:9

«Na naawe, e mugala wani Sulumaani, ukizi yemeera Rurema wa yisho. Unakizi múkolera ku mutima gwawe gwoshi. Unakizi múlooza ku nzaliro zaawe. Mukuba, Nahano ali mu lola ngiisi mundu mu mutima gwage, anakoli yiji neꞌshungi zaage. Iri wangamúlooza, ugamúbona. Haliko, iri wangamújajaaka, naye agakujanda lwoshi-lwoshi.

1 Kutondobola 29:17

E Rurema wani, nyiji kwo weꞌri mu geza umutima, unali mu siima abandu boꞌkuli. Kwokwo, naani, natanga yibi bindu byoshi ku mutima úgushenguusiri, na buzira kuhidikwa. Na buno, mbwini ngiisi kwo bano bandu baawe, nabo keera bakutangira mu kati koꞌbushambaale.

2 Kutondobola 6:30

e maashi! Ubayuvwirize yaho utuuziri mwiꞌgulu. Ubakoge, iri unashuvya ngiisi muguma nga kwo akuhuuna. Mukuba, we yiji-yiji imitono yaꞌbandu booshi.

Hayubu 24:23

Kundu Rurema angabaleka bakizi tuula mu mutuula, haliko amasu gaage gayamiri gali mu baloleekeza.

Zaburi 139:1

Izaburi ya Dahudi, imwoꞌmwimangizi waꞌbimbi. E Nahano, keera ukangahiriza, unakoli nyiji lwoshi.

Zaburi 26:2

E Nahano, utee geza íbiri mu mutima gwani, unageze neꞌnzaliro zaani.

Zaburi 44:21

E Rurema witu, túkibe tukayibagira iziina lyawe, tunatibitire imweꞌmigisi,

Zaburi 62:12

Rurema keera akadeta amagambo, nanayuvwa kwo gali gabiri. Ubwa mbere: wehe naaho, we Rurema woꞌbushobozi.

Zaburi 7:9

E Nahano, we riiri hiꞌgulu lya booshi. We nali mu twa imaaja zaꞌbandu booshi. Aahago! Bwo ndaabwo buhube mbiiti, undwirage imaaja mu kati koꞌkuli.

Yeremiya 11:20

Kwokwo, nanahuuna Rurema: «E Nahano woꞌbushobozi bwoshi! Si uyamiri uli mu twa imaaja mu kati koꞌkuli, unali mu geza byaꞌbandu bafundereziizi mu mitima yabo, na mu nzaliro zaabo! Ku yukwo, ndoziizi mbonage ngiisi kwo ugabayihoola. Keera nayibiika mu maboko gaawe.»

Yeremiya 17:10

«Kundu kwokwo, niehe Nahano, imitima yaꞌbandu, ndi mu giloleekeza. Kiri neꞌnzaliro zoꞌmundu, ndi mu zigahiriza, ninamúhembe ukukulikirana na ngiisi kwo akakola.

Yeremiya 20:12

E Nahano woꞌbushobozi bwoshi! We mu geza ábakwaniini. Uli mu loleekeza íbiyifundereziizi mu mitima yabo, kiri na mu menge gaabo. Kwokwo, ngoli yibiisiri imwawe, gira umbulanire. Yabo bagoma, lekaga mbone ngiisi kwo ugabayihoola.

Sefaniya 1:11

Mwe mutuuziri haꞌkaguliro, mukizi bululuka! Mukuba abadandaza booshi bagaminikwa, kuguma na ábali mu vuuja ifwaranga.

Mataayo 16:27

«Umwana woꞌMundu âye yije mu bulangashane bwa Yishe, ali kuguma naꞌbaganda baage, anahembe ngiisi mundu, ukukulikirana na íbyâli kizi kola.

Luka 16:15

Yesu anababwira: «Mwehe, mugweti mugayigira imbere lyaꞌbandu nga mwe mukwaniini. Kundu kwokwo, Rurema ayiji-yiji íbiri mu mitima yinyu. Ee! Ngiisi byaꞌbandu bali mu huuza, byebyo byo Rurema ali mu negura!»

Yohana 21:17

Yesu anashubi múbuuza ubwa kashatu: «E Simooni mugala Yohana! Ka unguuziri?» Peturu anajengeerwa bweneene, bwo Yesu keera amúbuuza ubugira kashatu: «Ka unguuziri?» Kyanatuma agamúshuvya, ti: «E Nahamwitu, si uyiji byoshi! Uyiji-yiji kwo ngukuuziri.» Yesu anadeta kwokuno: «Ukizi heereza ibibuzi byani byo bigakizi lya.

Yohana 4:16

Yesu, ti: «Utee gendi bwira yibalo, munayijanwe hano.»

Mikolezi 1:24

Haaho, banahuuna Rurema, ti: «E Nahano, we yiji-yiji íbiri mu mitima yaꞌbandu booshi. Aaho! Mu yaba bombi, utuyerekage ngiisi ye watoola,

Barumi 14:12

Kwokwo, ngiisi muguma witu, agayishuviza yenyene imbere lya Rurema.

Barumi 8:27

Ayamiri ayiji-yiji íbiyifundereziizi mu mitima yitu. Kwokwo, ngiisi byoꞌMutima Mweru guli mu deta, Rurema ali mu ba abiyiji bwija. Mukuba, guli mu tuhuunira ukukulikirana noꞌbulooze bwa Rurema.

2 Bakorindo 5:10

Tweshi, tukwiriiri tuyimange imbere lya Kirisito, gira tutwirwe ulubaaja! Ngiisi muguma witu anahembwe ku byo âli kizi gira ikyanya âli ki tuuziri mu magala, biba biija, kandi iri bibi.

Bagalatiya 6:5

Ngiisi mundu, akwiriiri akizi vigalala ku muteekerwa gwage yenyene.

Bukengeeze 13:11

Ku yukwo, uyo mutebani, ayitwe mu kulashwa amabuye. Mukuba, akagira mbu amùhandule ku Nahano, anali ye Rurema úkamùlyosa mu buja mu kihugo kyeꞌMiisiri.

Bukengeeze 17:13

Mango mumúhana, Abahisiraheeri booshi bagayuvwa, banatondeere ukuyoboha. Kwokwo, batanaki shubi yikangaata.»

Bukengeeze 19:20

«Ngiisi byo mwagira, abandi bagabiyuvwa, banatondeere ukuyoboha ukukizi gira amabi mwene yago.

Bukengeeze 21:21

Haaho, abashosi booshi ba mu kaaya bagamúyita mu kumúlasha amabuye. Kwokwo, kwo mugaaba mwamala amabi mu kati kiinyu. Kiri naꞌBahisiraheeri booshi bagayuvwa ngiisi íbyakoleka, banatondeere ukuyoboha.»

Baheburaniya 4:13

Mu byoshi íbiryagagi ho, ndaakyo íki bishamiri mu masu ga Rurema. Si byoshi biri mu ba ku bweranyange imbere lyage! Aganaki tubuuza hiꞌgulu lyabyo.

1 Peturu 1:17

Muli mu bwira Rurema «E Daata!» Anali ye mu kizi twa imaaja zaꞌbandu booshi ukukulikirana neꞌmikolezi yabo. Ndaanayo ndoola yo ahiiti. Ku yukwo, ikyanya mugaaba muki tuuziri mu kihugo, mukizi yoboha, bwo mukishumbisiri mwo naaho.

Bwigule 2:11

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, atagaki shereezibwa noꞌlufu lwa kabiri.»

Bwigule 2:7

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúhanguula kwo alye ku bitumbwe byeꞌkiti kyoꞌbulamu, kirya kya mu Paradiizo ya Rurema.»

Bwigule 20:12

Nanabona na ábakafwa, abagunda naꞌbakulu, bayimaaziri imbere lyeꞌkitumbi kyoꞌbwami. Haaho, ibitaabo byanayajuulwa. Neꞌkitaabo kyoꞌbulamu nakyo kyanayajuulwa. Yabo ábakafwa, banatwirwa ulubaaja ukukulikirana neꞌmikolezi yabo, nga kwo byâli yandisirwi mu bitaabo.

Bwigule 20:13

Ngiisi ábakafwira mu nyaaja, zikabayulubula. Narufu na Nakuzimu nabo, banatanga bo bâli gweti. Ngiisi mundu anatwirwa ulubaaja ukukulikirana neꞌmikolezi yage.

Bwigule 22:12

«Mumenye bwija kwo ngola bu galuka! Neꞌkyanya ngagaluka, na mbe ngola neꞌmbembo, lyo ngahemba ngiisi bandu, ukukulikirana na ngiisi kwo bâli kizi gira.

Bwigule 6:8

Nanalangiiza, nanabona ifwarasi yeꞌkivuuzo! Na úwâli gishoniri kwo, iziina lyage ye Narufu. Âli kulikiirwi na Nakuzimu. Yabo bombi, banahaabwa ubushobozi bwoꞌkuyita ikihande kiguma kya kana kyaꞌbandu booshi ba mu kihugo, kuba ku njira yeꞌngooti, kandi iri ku mwena, kandi iri ku kiija, kandi iri ku nyamiishwa.

1 Samweri 16:7

Nahano anamúbwira kwokuno: «E Samweri, uyu, keera namúlahira. Utakizi lolera umundu ku njusho yage, kandi iri ku mutumba gwage. Yibyo byaꞌmagala, si byaꞌbandu nabo bali mu lola kwo. Haliko niehe, ndi mu loleekeza naaho ku biri mu mutima.»