Bwigule 2:17 - Kifuliiru

¹⁷ «Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúheereza ku byokulya íbibishirwi, binali mu buuzibwa Mana. Ninamúheereze niꞌbuye lyeru íriyandisirwi kwiꞌziina lihyahya. Yiryo iziina, ndaaye gundi úgalimenya, átali yolya úlihaabirwi.»

Bwigule 2:17 ပူးပေါင်းရင်းမြစ်များ

Zaburi 25:14

Ngiisi ábasimbahiri Nahano, ayamiri ali uluhande lwabo, anali mu bamenyeesa ikihango kyage.

Zaburi 36:8

Urukundo lwawe, lulyagagi lwaꞌkahebuuza, lutanali mu hera. Abakulu, kiri naꞌbakiga, bali mu tibitira mu kimbehwa kyeꞌbyubi byawe.

Kulyoka 16:33

Ha nyuma, Musa anabwira Harooni: «Uyabiire urukuzo, unabiike mweꞌbilo bibiri byeꞌmana. Yulwo rukuzo lweꞌmana, unalubiike imbere lya Nahano, lunasingulwe, hiꞌgulu lyoꞌkukengeeza abaana biinyu ábagaki yija.»

Migani 14:10

Ndaaye úwangamenya ngiisi kwoꞌwabo ali mu lyanirwa. Kiri neꞌkyanya ashambiiri, ndaaye ye bangashambaalira kuguma.

Migani 3:32

Mukuba, yabo banangora-mabi, Nahano abashombiri. Si ábakwaniini, boohe, ali mu babiika kwoꞌbwira.

Hisaaya 56:4

Si yabo batungule, Nahano adetaga hiꞌgulu lyabo kwokuno: «Abatungule bakwaniini bakizi simbaha ulusiku lwani lweꞌSabaato, banakizi gira ngiisi byo ndoziizi, banabe basimbahiri ikihango kyani.

Hisaaya 56:5

Abandu mwene yabo, ngakengeeza amaziina gaabo mu nyumba yani, kiri na ku bibambaazi. Yago maziina gaabo gagalumbuuka, ukuhima goꞌmundu úbusiri abatabana naꞌbanyere. Ngamúyinika iziina írigayama ho, litanâye hotolwe.»

Hisaaya 62:2

E Yerusaleemu, ibinyamahanga byoshi bigaabona amiija gaawe. Abaami baabo banabone ubulangashane bwawe. Haaho, lyo Nahano yenyene aganakuyinika iziina lihyahya.

Hisaaya 65:13

«Ku yukwo, nie Nahano Rurema, nadetaga kwokuno: Ku kyanya abakozi baani bagalonga ibyokulya neꞌbinywebwa, haliko mwehe kwo muli bandu babi, mugaaba muki shalisiri, iri munanyotiirwi. Abakozi baani bagakizi ba bashambiiri, haliko mwehe, munabe mujojobiiri.

Hisaaya 65:15

Balya bakozi baani, ngabayinika iziina lihyahya. Si mwehe, Nahano Rurema agamùyita. Niꞌziina liinyu, bagakizi likoleesa mu kudaakana.

Mataayo 13:11

Yesu, anabashuvya: «Ngiisi íbyâli bishamiri mu bwami bwa mwiꞌgulu, mwehe keera mukabimenyeesibwa. Haliko abandi, boohe, batakalonga ukubimenya.

Mariko 7:16

Umundu, iri angaba ahiiti amatwiri goꞌkuyuvwa, ayuvwe!]»

Yohana 4:32

Haliko, Yesu anabashuvya: «Ngoli hiiti ibyokulya byo mutayiji.»

1 Bakorindo 2:14

Iri umundu angaba atali mwoꞌMutima gwa Rurema, atashobwiri ukuyakiira íbiri mu lyoka imwagwo. Biri mu ba nga buhwija imwage. Atanashobwiri ukusobanukirwa nabyo. Si Umutima Mweru naaho gwo gwangamúsobanulira byo.

Bakolosaayi 3:3

Keera mukafwa. Na buno, ubugumaana bwinyu bukoli singwirwi mu kati ka Kirisito imwa Rurema.

Bwigule 14:3

Yabo bandu bihumbi igana na makumi gana na bina, bâli yimaaziri imbere lyeꞌkitumbi kyoꞌbwami, neꞌmbere lya birya bingisho-ngisho bina íbiri bigumaana, neꞌmbere lya balya bashaaja. Yabo booshi, bâli gweti bagayimba ulwimbo luhyahya. Ndaanaye úwâli shobwiri ukuluyiga, bátali baabalya bandu bihumbi igana na makumi gana na bina naaho, kwo bakaguluulwa mu kihugo.

Bwigule 19:16

Na ku yiryo ikanju lyage, na ku kibero kyage, kwâli kuyandike iziina íridesiri kwokuno: «Mwami wa baami, na Nahano wa banahano».

Bwigule 2:11

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, atagaki shereezibwa noꞌlufu lwa kabiri.»

Bwigule 2:7

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúhanguula kwo alye ku bitumbwe byeꞌkiti kyoꞌbulamu, kirya kya mu Paradiizo ya Rurema.»

Bwigule 3:22

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero!»

Bwigule 3:6

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero.»