Bwigule 18:20 - Kifuliiru

²⁰ We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.

Bwigule 18:20 ပူးပေါင်းရင်းမြစ်များ

Zaburi 107:42

Mwene yago magambo, ikyanya abatuudu bali mu gabona, bali mu kizi shambaala. Si banangora-mabi boohe, banatibaalirwe.

Zaburi 109:28

Leka bakizi ndaaka. Halikago wehe, ugakizi ngashaanira. Ikyanya bagandeera, bagwatwe neꞌshoni. Si ndi mukozi wawe! Aaho! Ngagenderera ukukizi shambaala.

Zaburi 18:47

Nahano ayamiri ho. Na bwo ye lwala lwani, akizi yivugwa. Rurema wani akizi huuzibwa. Ye Lwala lwani, ye na Lukiza wani.

Zaburi 48:11

Ukuboko kwawe kwoꞌbushobozi, kuyijwiri amiija, niꞌziina lyawe liyijikiini hooshi. Kyo kitumiri ugakizi yivugwa, halinde heꞌkihugo kihekiiri.

Zaburi 58:10

Rurema agayami baminika duba-duba, ukuhima kweꞌnyungu ziri mu longa ukuduuta ku muliro gweꞌshaali.

Zaburi 94:1

E Rurema Nahamwitu, we mwene ukuyihoola. Ee! We mwene ukuyihoola. Aahago! Ukizi tutanguulira ubulangashane bwawe.

Migani 11:10

Abandu biija, ikyanya bali mu genduukirwa, booshi mu kaaya bali mu shambaala. Banali mu banda akabuuli, awi yiyi yiyi, ikyanya banangora-mabi bali mu fwa!

Hisaaya 26:21

Lolagi! Nahano akola agalyoka mwiꞌgulu. Abandu beꞌkihugo bakiri mu gira amabi, kinatume agabahana hiꞌgulu lyago. Abiitani, kundu bâli kizi yona umuko mu kihugo, haliko yugwo muko, gutagaki shubi bishama.

Hisaaya 44:23

Ewe igulu! Uyimbage ku bushambaale. Si Nahano keera akakola bweneene! E kihugo, ukizi banda akabuuli, awi yiyi yiyi! Na niinyu mwe migazi! Muyitulikanie mu kuyimba, kuguma neꞌmbako, neꞌbiti byayo byoshi. Nahano keera akaguluula Abahisiraheeri, beene Yakobo, anabayereka ubulangashane bwage.

Hisaaya 49:13

E igulu! Ubandage akabuuli, awi yiyi yiyi! Na naawe, e kihugo! Ushambaalage. Na niinyu, e migazi! Mukizi yitulikania mu kuyimba. Kundu abandu ba Nahano bâli kizi shundeera, haliko buno, akola mu bayuvwirwa indengeerwa, anakola mu baholeeza.

Sefaniya 3:15

Kundu Nahano âli kizi kuhana, haliko keera akaleka, anashaabula abagoma baawe. Nahano yenyene, ye mwami waꞌBahisiraheeri, aganayama amùtuuziri mwo. Mutanaki shubi yoboha, mbu mugalonga inguuke.

Bahefeso 2:20

Munakoli ba nga luubako úluyubasirwi ku lutaliro lweꞌndumwa naꞌbaleevi. Na Yesu Kirisito yenyene, yiꞌbuye lyoꞌkukania akagongo kaalwo.

Bahefeso 3:5

Yako kambishwa hiꞌgulu lya Kirisito, yaho keera Rurema atâli zaazi kabishuulira abandu. Haliko buno, keera abimenyeesagya indumwa zaage ndaluule, kuguma naꞌbaleevi baage, ku njira yoꞌMutima Mweru.

Bahefeso 4:11

Yoyo Kirisito, ye kagabulira abandu ibigabi. Baguma, anababiika zibaagage ndumwa. Naꞌbandi, anababiika babe baleevi. Anabiika naꞌbandi, kwo bakizi menyeesa abandu Imyazi Miija. Naꞌbandi, kwo babe bangere baꞌmashengero. Naꞌbandi, kwo babe bigiriza.

Bukengeeze 32:42

Ingooti yani, igatongeera abagoma baani. Na ndobeke imyambi yani mu muko gwabo. Ndaayo ndwani ígatoloboka, Ábagwatwa imbohe, igabayita. Inatole amatwe geꞌbirongoozi byabo.”

2 Peturu 3:2

Ndoziizi mukizi kengeera íbikadetwa naꞌbaleevi beeru ba keera. Mukizi kengeera noꞌlubaaja lwo Nahamwitu Lukiza akamùbwira ku njira yeꞌndumwa ziinyu.

Yuda 1:17

E bakundwa baani! Mukizi kengeera amagambo geꞌndumwa za Nahamwitu Yesu Kirisito. Mukuba, keera zikamùbwira kwokuno:

Bwigule 12:12

Ku yukwo, igulu likizi shambaala, kuguma na byoshi íbituuziri mwo. Si yayewe imweꞌkihugo, neꞌmweꞌnyaaja! Mukuba, Shetaani keera abiyikira kwo. Anakoli rakiiri bweneene! Akoli yiji kweꞌsiku ízikoli músigaliiri, zikolaga ngerwa naaho.»

Bwigule 18:6

Ngiisi kwo kakagirira abandi, kube kwo niinyu mugakagirira, kiri noꞌbugira kabiri kaakwo.

Bwigule 6:10

Iyo mitima yabo, yanateerera umulaga kwokuno: «E Nahano woꞌbushobozi bwoshi! Ulyagagi mweru, unali woꞌkuli. Aaho! Ugalindirira halinde mangoki ukatuyihoolere, mu kutwa imaaja zaꞌbandu beꞌkihugo? Si bo bakatuyita!»

Batwi beꞌmaaja 5:31

«E Nahano, ngiisi kwo ukaminika Siseera, kube kwo ugakizi minika abandi bagoma baawe booshi. Si abiira baawe, bakizi yaka ngiꞌzuuba, ku kyanya liri mu tunduuka.» Ikihugo kyeꞌHisiraheeri, kyanahisa imyaka makumi gana, kiri mwoꞌmutuula.