Bwigule 14:7 - Kifuliiru

⁷ Uyo muganda, anadeta kwiꞌzu lihamu kwokuno: «Mukizi simbaha Rurema! Munakizi múhuuza! Mukuba, ikyanya kyo agaatwa kweꞌmaaja, keera kyahikaga. Kwokwo, mukizi múyikumba! Mukuba, ye kabumba igulu, neꞌkihugo, neꞌnyaaja, neꞌshyoko zeꞌnyiiji.»

Bwigule 14:7 ပူးပေါင်းရင်းမြစ်များ

Ndondeko 22:12

Uyo muganda, ti: «Utaki kolwe kwo wakolera umwana kwiꞌbala. Buno, keera nabona kwo usimbahiri Rurema. Mukuba, uyu mwana wawe weꞌkininga, utashiginya ukumútanga, libe ituulo.»

Nehemiya 9:6

Wehe naaho, we Nahano. We kabumba igulu, na byoshi íbiri mwo. We kabumba neꞌndonde zooshi. We kabumba neꞌkihugo na byoshi íbiri mwo. We kabumba neꞌnyaaja, na ngiisi íbiri mwo. Yibyo byoshi, we tumiri biri bigumaana. Byoshi íbiri kwiꞌgulu, biyamiri bigweti bigakuyikumba.

Zaburi 115:15

Ee! Nahano abe ye gakizi mùgashaanira. Mukuba, ye kabumba igulu neꞌkihugo.

Zaburi 124:8

Ubutabaazi bwitu, tuli mu bulongera kwiꞌziina lya Nahano, ulya úkalema igulu neꞌkihugo.

Zaburi 33:6

Nahano akabumba igulu, mu kudeta naaho. Kirya kyanya akalibumba, anabumba na íbiriri kwo byoshi.

Zaburi 36:1

Imwoꞌmwimangizi waꞌbimbi. Izaburi ya Dahudi, umukozi wa Nahano.

Zaburi 89:7

E Nahano, yaho mu kyanyaanya, nyandi úwangakuyegeera? Mu bindi byoshi íbiri mu yikumbwa, si ndaakyo íkikushushiri!

Zaburi 95:5

Inyaaja ziri zeꞌmwage, bwo ye kazibumba. Kiri noꞌbulambo, akabubumba yenyene.

Kulyoka 20:11

Mu yizo siku ndatu, mwo Nahano akabumba igulu, neꞌkihugo, neꞌnyaaja, na byoshi íbibiri mwo. Si ulusiku lwa kalinda, iri lukahika, analuhuuka. Ku yukwo, analugashaanira, analutaluula.

Hisaaya 40:3

Umundu agweti agayiberekania kwiꞌzu lihamu, ti: «Mushongaanize Rurema Nahamwitu injira mwiꞌshamba. Ee! Mugendi múgololera yo, halinde alonge ho agakizi lenga bwija.

Hisaaya 40:6

Izu ligweti ligaadeta: «Uberangire!» Nanabuuza: «Aaho! Biki byo nangaberangira?» Na wa naye, ti: «Udetage kwaꞌbandu booshi bali nga byasi. Kundu bali mu ba banonosiri, halikago, bali mu ba, ngoꞌtwaso naaho útugweti tugaholoka.

Hisaaya 40:9

E Sayuni, ulyagagi ndumwa yoꞌkuleeta Imyazi Miija. Kwokwo, uzamuukirage kwiꞌrango lyoꞌmugazi, gira ugimenyeese. E Yerusaleemu, ugendi berangira, utanagire mbu uyobohe. Ugendi bwira utwaya tweꞌBuyuda: «Lola! Rurema winyu, yonago!»

Hisaaya 42:12

Abatuulaga ba mu tulira, nabo bakizi huuza Nahano.

Hisaaya 44:23

Ewe igulu! Uyimbage ku bushambaale. Si Nahano keera akakola bweneene! E kihugo, ukizi banda akabuuli, awi yiyi yiyi! Na niinyu mwe migazi! Muyitulikanie mu kuyimba, kuguma neꞌmbako, neꞌbiti byayo byoshi. Nahano keera akaguluula Abahisiraheeri, beene Yakobo, anabayereka ubulangashane bwage.

Hisaaya 58:1

Nahano adetaga kwokuno: «Ukizi banda akashiba! Utanayihangirire! Uyiberekaanie bukayu, kwiꞌzu nga lyeꞌkibuga! Umenyeese abandu baani ngiisi kwo keera bahubira Rurema, mu kukizi yifunda mu byaha.

Yeremiya 10:10

Kundu kwokwo, Nahano naaho, ye Rurema woꞌkuli. Yehe, ye Rurema úli mugumaana, anali ye mwami weꞌmyaka neꞌmyakuula. Ikyanya ali mu raakara, ikihugo kiri mu yami jugumbana. Yubwo buraakari bwage, ibinyamahanga bitangabuyigenderera.

Hezekyeri 7:2

«E mwana woꞌmundu, Rurema Nahamwitu abwira Abahisiraheeri kwokuno: Kikola kyanya kyeꞌmberuuka! Ee! Amahanga gooshi gahika ku mbeka!

Hezekyeri 7:6

Ulwinyu, lwamala, ndaanakwo kundi! Keera lwamala lwoshi-lwoshi!

Danyeri 8:19

anashubi mbwira: “Lolaga! Ngola ngakumenyeesa ngiisi íbigakoleka mu kyanya kyoꞌburaakari bwa Rurema. Yaga mabone gali hiꞌgulu lyeꞌsiku zeꞌmberuuka.

Hosheya 8:1

«BwaꞌBahisiraheeri bakahongolaga ikihango kyani, batanatwaziizi imaaja zaani, abagoma bagayiji bayihwika kwo nga nyunda, mu kubateera, wa vwi! Kwokwo, mugirage mudihirize ibibuga, mu kubakengula!

Mataayo 25:13

Yesu anashubi deta: «Ku yukwo, mukizi ba masu! Mukuba, ulusiku lwo ngagalukira kwo, neꞌkihe kyalwo, mutabiyiji.

Luka 17:18

Ka ndaaye gundi úwagaluka ukuyiji yivuga Rurema, ha nyuma lya yiki kinyamahanga naaho?»

Mikolezi 14:15

«E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

Yoshwa 7:19

Ulya Hakani, Yoshwa anamúbwira kwokuno: «E mwana wani, uhuuze Nahano Rurema waꞌBahisiraheeri, mu kudeta ukuli. Aahago! Ngiisi byo wakola, ubimbwehuke. Utakolwe kwo wabimbisha.»

1 Peturu 4:7

Ukuheza kwa byoshi, kukolaga hoofi. Ku yukwo, mukwiriiri mukizi ba masu. Munakizi yihangirira, halinde lyo mushobola ukukizi huuna Rurema.

Bwigule 11:13

Ku kyekyo kihe, mu kihugo mwanalenga sizigirye woꞌmusisi. Ikihande kiguma kiꞌkumi kya yako kaaya kyanayami yihongoleka haashi. Hanayami fwa abandu bihumbi birinda. Na ábakafuuka, banahuumirwa ngana. Banatondeera ukuhuuza ubukulu bwa Rurema úli mwiꞌgulu.

Bwigule 11:18

Ibinyamahanga byâli kizi raakara. Halikago buno, we kola ugaaba noꞌburaakari! Kikola kyanya kyoꞌkutwa imaaja za abafwiri. Na booshi ábâli kizi shereeza ikihugo, buno nabo ukola ugabashereeza. Haliko, abakozi baawe abaleevi, ukola ugabahemba, kuguma naꞌbataluule baawe, bwo bali mu simbaha iziina lyawe, ukutondeerera ku bagunda, halinde ukuhisa ku banalushaagwa.»

Bwigule 15:4

E Nahano! We Mwami waꞌmahanga gooshi. Nyandi útangakusimbaha? Na nyandi útangahuuza iziina lyawe? Wenyene, ulyagagi mweru. Neꞌmikolezi yawe íkwaniini. Keera wanagiyerekana ku bweranyange. Kyo kitumiri abandu baꞌmahanga gooshi bagakizi yiji kuyikumba.»

Bwigule 16:9

Kyanatuma abandu bagahiira ngana neꞌndugumbo yalyo. Kundu kwokwo, yabo bandu batanatwikira ku byaha byabo, mbu bahuuze Rurema. Halikago, banatondeera ukutuka iziina lyage. Mukuba, yago malibu, ye wâli noꞌbushobozi bwoꞌkugahamuliza.

Bwigule 18:10

Na hiꞌgulu lyoꞌkulibuzibwa kwako, bagahuumirwa. Banayisunge hala nako, iri banayiganyira kwokuno: «Yayewe imwawe! Yayewe imwawe, e kaaya kahamu keꞌBabeeri, we shuba kikalage! Si ku kino kihe kiguma naaho, keera walonga ikihano kyawe!»

Bwigule 18:17

Haliko, ku kino kihe kiguma naaho, akanyabungaka keꞌbindu byawe byoshi, keera byashereezibwa lwoshi!» Ngiisi birongoozi byaꞌmashuba, nabyo bigayisunga hala na yako kaaya, kuguma naꞌbashooji booshi, na ngiisi ábali mu genda naꞌmashuba, na ngiisi bandi ábali mu kola mu byeꞌnyaaja.

Bwigule 18:19

Yabo booshi, bagayitumuulira ulukungu mu matwe gaabo, iri banabululuka ku kimombo. Banayamize kwokuno: «Yayewe imwawe! Yayewe imwawe, e kaaya kahamu! Ikyanya beene amashuba booshi bâli kizi koleesa amashuba gaabo mu nyaaja, bâli kizi galira ku bugale bwako. Halikago, ku kino kihe kiguma naaho, keera kano kaaya kayami shereezibwa lwoshi!»

Bwigule 19:5

Lyeryo, mu kitumbi kyoꞌbwami, mwanayiberekaania izu, lyanadetaga kwokuno: «E bakozi ba Rurema witu, mwe mugweti mugamúsimbaha! Mumúhuuze mweshi, ukulyokera ku bagunda halinde ku bakulu!»

Bwigule 4:11

«E Rurema, Nahamwitu, we kwaniini ukuhaabwa ubulangashane, noꞌlushaagwa, noꞌbushobozi. Mukuba, byoshi íbiri ho, we kalooza kwo bibaagage ho, we kanabibumba.»

Bwigule 4:9

Ulya úbwatiiri ku kitumbi kyoꞌbwami, ye yamiragi ho imyaka neꞌmyakuula. Na ngiisi kyanya birya bingisho-ngisho bina biri mu yimba inyimbo zoꞌkumúheereza ubulangashane, noꞌlushaagwa, noꞌbwivuge,

Bwigule 8:10

Umuganda wa kashatu naye, anadihiriza ikyeꞌmwage. Mu kyanyaanya mwanatibukaga nangungubanga weꞌndonde, ígweti igagulumira nga kimole. Iyo ndonde, yanahonera mu kihande kiguma kya kashatu kyeꞌnyiiji, na mu kyeꞌshyoko!

1 Samweri 6:5

Na íbigaatuma mugagitula, mukuba yibyo byombi byo biri mu shereeza ikihugo kiinyu. «Ikyanya mugaagira kwokwo, lyo mugaaba mwasimbaha Rurema waꞌBahisiraheeri. Hali ikyanya angaleka ukumùhana, analeke neꞌmigisi yinyu, neꞌkihugo kiinyu.