Bwigule 14:5 - Kifuliiru

⁵ Mu kati kaabo, ndaaye úwâli kizi beesha. Ndaanabwo buhube úbubali mwo.

Bwigule 14:5 ပူးပေါင်းရင်းမြစ်များ

Zaburi 32:2

Na bwo atakiri mu hendana mu mutima gwage, yibyo byaha, Nahano atakiri mu múharuurira byo.

Zaburi 34:13

Mu kati kiinyu, ka hali úloziizi ukutuula bwija? Anabe ali mu yifwija ukubona isiku nyingi nyiija?

Zaburi 55:11

Ubushigi niꞌzuuba, bagweti bagazunguluka mu kaaya, iri banalibuzania, noꞌkuvyulana mweꞌnzigo.

Migani 8:8

Amagambo gooshi ágali mu lyoka mu kanwa kaani, gatungiini. Mu kati kaago, ndaalyo írihengamiri, ndaanalyo írishobiri.

Lwimbo Lwija 4:7

E mukundwa wani, unonosiri ngana-ngana. Ndaanako kashembo ko uhiiti.

Hisaaya 53:9

Ee! Ndaalyo igambo libi akagira, ndaanalyo lyoꞌbulyalya írikalyoka mu kanwa kaage. Kundu kwokwo, akaziikwa kuguma naꞌbanyazi. Hanali haꞌbagale bakaziikwa.

Danyeri 6:4

Uyo Danyeri, mu kati kaꞌbaabo booshi, ye wâli kizi kola bwija, halinde anamenyeekana kwo ye wa mbere. Uyo mwami analooza ukumúkuza, gira abe ye gaaba mukulu woꞌbutwali bwage bwoshi.

Hosheya 10:2

Balya bandu, imitima yabo ikoli tebesiri bweneene. Bakoli kwaniini ukuhanwa. Yutwo tutanda twabo, Nahano akola agatuhongola. Na zirya nguliro zaabo ndaluule, akola agazivungula-vungula.

Sefaniya 3:13

Abahisiraheeri ábagaaba basigiiri, batagaki huba, batagaanaba banabibeesha, bataganaki henderezania. Si bagakizi longa ibyokulya, banagwejere. Ndaanaye mundu úgayiji bateera ikyoba.»

Malaki 2:6

Bâli kizi yigiriza mu kati koꞌkuli, buzira kushobania. Banâli kizi gira íbikwaniini, mu kati koꞌkuli, iri banayagiisa abandu bingi, halinde batwikire ku mabi.

Mataayo 12:34

«Si mwehe muli baana boꞌmujoka! Aahago! Bwo muli babi, kuti kwo mwangadeta amagambo miija? Si amagambo goꞌmundu agweti agaadeta, gali mu lyoka mu biyijuliiri mu mutima gwage!

Luka 23:4

Balya bakulu baꞌbagingi, kuguma na ábâli yiguziri yaho, Pilaato anababwira kwokuno: «Uyu mundu, ndaabwo buhube bwoshi bwo namúbona kwo!»

Yohana 1:47

Uyo Natanaheri, iri Yesu akamúbona agweti agamúyijira, anadeta: «Lolagi! Uyu, ali Muhisiraheeri nirizina. Ndaanabwo bulyalya úbumúli mwo.»

Bahefeso 5:27

Kwokwo, lyo alonga ukuliyakiira likola mwoꞌbulangashane, linakola lyeru. Linabe buzira hitorotonde hyoshi, kandi iri hifunye, kandi iri tundi tushembo twoshi.

Bakolosaayi 1:22

Haliko buno, Rurema keera akayinywaniisa kuguma na niinyu ku njira yaꞌmagala ga Kirisito. Mukuba, Kirisito akayitwa, gira mukaleetwe imbere lya Rurema mukoli yerusiibwi. Munabe buzira buhube, halinde mutanâye ki legwe.

Baheburaniya 9:14

Aaho! Ka itali yo haahe kwoꞌmuko gwa Kirisito gwo gugakizi yeruusa imitima yitu ku mikolezi íyatudwakaza, halinde lyo tukizi kolera Rurema úli mugumaana! Mukuba, Kirisito akayitanga ku njira yoꞌMutima Mweru, gira lyo aba ituulo lizira kashembo. Noꞌyo Mutima Mweru, ayamiri ho.

1 Peturu 1:19

Si mukaguluulwa ku muko gwa Kirisito. Gunali neꞌkishingo bweneene. Mukuba, ye kyanabuzi íkizira kashembo kooshi, kandi iri bulema bwoshi.

1 Peturu 2:22

«Ndaakyo kyaha kyo akagira. Ndaanalyo igambo lyoꞌbulyalya írikalyoka mu kanwa kaage.»

1 Peturu 3:10

Mukuba, «Iri umundu angalooza ukutuula bwija, anakizi bona isiku nyiija, akwiriiri akizi hangirira akanwa kaage katakizi deta amabi, atanakizi lyalyania.

Yuda 1:24

Rurema ye shobwiri ukukizi mùlanga, gira mutagwe. Anamùyimangike imbere lyage mu kati koꞌbulangashane. Munashambaale ngana-ngana! Munabe buzira kashembo kooshi.