Bwigule 14:10 - Kifuliiru

¹⁰ uyo, Rurema agamúniesa ku buraakari bwage, kwo buli nga maavu geꞌngangu. Keera anabufuka mu rusoozo, buzira kubushukira. Uyo mundu agakizi libuukira mu muliro, imbere lyaꞌbaganda beeru, neꞌmbere lya kirya Kyanabuzi.

Bwigule 14:10 ပူးပေါင်းရင်းမြစ်များ

Ndondeko 19:24

Lyeryo ngana mwiꞌgulu, Nahano anatibulira imbigi zoꞌmuliro mu kaaya keꞌSoodoma na mu keꞌGomora.

Hayubu 18:15

Inyumba zaabo, zikola zigajigiivibwa. Umuliro gwaꞌmakala, gugaziyaka kwo.

Hayubu 21:20

Boonyene, banalonge ukumenya ngiisi kwo bagashereezibwa. Banakizi libuuka ku buraakari bwa Rurema woꞌbushobozi bwoshi.

Zaburi 11:6

Agabatibulira kwiꞌbengesheeshe lyoꞌmuliro, gunali mu gulumira bweneene, ikyuka kyagwo kinabayifuke kwo. Kwokwo, kwo bagakizi hanirizibwa.

Zaburi 37:34

Ukizi langaalira Nahano, unakizi múkulikira. Kwokwo, lyo agakukuza, halinde unatwale ikihugo. Haliko, balya banangora-mabi boohe, ugaabona ngiisi kwo bashaazibwa mwo.

Zaburi 52:6

Si ufitiirwi naaho ku magambo goꞌkushereezania, unayamiri uli mu beesha!

Zaburi 60:3

E Rurema, si ukoli turakariiri. Keera ukatujanda, wanatushaabula. Kundu kwokwo, we kongwa, ushubi tugalulira imwawe.

Zaburi 73:10

Yibyo byoshi, byo bitumiri abandu bali mu bakulikira. Ee! Bali mu mira amagambo gaabo nga miiji,

Zaburi 75:8

Si Rurema naaho, ye yamiri ali mutwi weꞌmaaja. Ee ma! Ye mu kuza muguma, anatindimaze ugundi.

Zaburi 91:8

Yibyo byoshi, ugabiyibonera naꞌmasu gaawe, unabone ngiisi kwo banangora-mabi bagayiji hanwa.

Hisaaya 29:9

Munahuumirwe ngana, munabe munyerere. Muyigirage nga mbumi, mbu lyo mutakizi bona. Mukizi laluka ngana, halinde munakizi bambaajira. Si yukwo kulaluka kwinyu, kutabaagage ku njira yaꞌmaavu.

Hisaaya 30:33

Uyo mwami waꞌBahasuriya, Nahano âli mali gwanwa ashungika kwo agamújigiiviza i Topeti. Ee! Iyo munda, iri ikirimbi-rimbi, kinayisiri. Yikyo kirimbi-rimbi, kiri mwiꞌbengesheeshe lyoꞌmuliro, gunali mweꞌshaali nyingi. Yugwo muliro, Nahano agaguyasa, mu kugufuuha noꞌmuuka gwage, gunayami yaka nga lwiji úluli mwoꞌmuliro.

Hisaaya 34:9

Utudota tweꞌHedoomu tugahinduka kabulimbo. Kiri noꞌluvu lugagulumira. Ikihugo kyoshi kigahinduka kabulimbo ákayasiri umuliro.

Hisaaya 51:17

E Yerusaleemu, uvyukage, unayimuke! Keera Nahano akakurakarira, anakuhana ku bute bwage, kwo buli nga divaayi mu rusoozo. Iyo divaayi, wanagigutiira. Neꞌkyanya ukagimala lwoshi, wanatondeera ukubambaajira.

Yeremiya 25:27

Nahano anambwira: «Ugendi bwira abandu kwo Nahano woꞌbushobozi bwoshi, Rurema waꞌBahisiraheeri, adetaga kwokuno: “Ngolaga ngamùlwisa, halinde ninamùzimiize. Ku yukwo, mugire munywe bweneene, halinde munalaluke, munashale. Munakizi gwa haashi, halinde mutanahashe ukuvyuka.”

Yeremiya 49:12

Nahano adetaga kwokuno: «Abandu baguma, bâli kizi hanwa, kundu ndaabwo buhube bahiiti. Aahago! Mwe Bahedoomu, ka itali yo haahe, kwo niinyu mugaahanwa? Ukuhanwa, mugaahanwa ngana!»

Yeremiya 51:57

Yabo Bababeeri, ngalalusa abakulu baabo, naꞌbanabwenge baabo, kiri naꞌbatwali baabo, na baguvuruneeri naꞌbasirikaani baabo. Yabo booshi, bagagwejera mwiꞌro lyeꞌmyaka neꞌmyakuula, batanâye ki vyuke.» Kwokwo, kwo Mwami adesiri, anali ye Nahano woꞌbushobozi bwoshi!

Kimombo 4:21

E bandu beꞌHedoomu, mwe mutuuziri mu kihugo kyeꞌHuuzi! Kituma kiki mugweti mugashambaala? Si kiri na niinyu, mugaki nywa ku rusoozo lwoꞌburaakari bwa Nahano! Neꞌkyanya mugalunywera kwo, mugalaluka, halinde banamùhogole imirondo, munasigale bukondwe.

Hezekyeri 38:22

«Uyo Googi, ngamúhaniiriza ku kiija, noꞌkuyitwa. Ngamúniekeza kweꞌnvula ngayu yoꞌlugungu, na yoꞌmuliro. Yibyo byoshi, ngamútibulira ku byo, kuguma naꞌbasirikaani baage, na ngiisi milala ígamúyibiika kwo.

Habakuki 2:16

Aaho! Kundu mukiri mu longa ulushaagwa, haliko masaasa atabukwa, mugaki teezibwa ishoni. Niinyu, mugaanywa idivaayi, munakizi yibumbulika neꞌndalwe. Emwe! Nahano yenyene agamùyijira ku buraakari bwage. Kwokwo, niinyu, ubulangashane bunahinduke ishoni!

Mataayo 20:22

Yesu anashuvya: «Yibi byo mugweti mugambuuna, mutabiyiji! Aaho! Ka mugaahasha ukunywa ku rusoozo lwaꞌmalibu lwo nganywera kwo?» Nabo, ti: «Ee! Tugaahasha!»

Mataayo 25:41

«Haliko, ngiisi ábagaaba bali uluhande lweꞌlumosho, boohe, agababwira kwokuno: “Munjaagirage hano! Mukuba mukoli daasirwi! Mugende mu muliro gweꞌmyaka neꞌmyakuula, gulya úgukabiikirwa Shetaani naꞌbaganda baage.

Mataayo 26:39

Yesu, anashegera ha mbere hiniini, anagwa buubi, halinde amalanga ganahika haashi, anatondeera ukuhuuna Rurema kwokuno: «E Daata, luno rusoozo lwaꞌmalibu, maashi, iri byangaziga, ulunjaagize! Kundu kwokwo, ngiisi byo uloziizi, bibe byo bigakoleka. Si bitabe byo ndoziizi!»

Mariko 8:38

«Abandu ba kino kibusi kibi, batatwaziizi Rurema! Aaho! Umundu, ikyanya agaaba ali imbere lyabo, anafwagage ishoni hiꞌgulu lyani, na hiꞌgulu lyaꞌmagambo gaani, uyo, yoꞌMwana woꞌMundu naye agazifwira ku kyanya âye yije mu bulangashane bwa Yishe, ali kuguma naꞌbaganda baage bataluule!»

Mariko 9:44

Neꞌmivuuzi yayo itali mu fwa!]

Mikolezi 10:22

Nabo, ti: «Twatumwa noꞌmukulu muguma waꞌbasirikaani, iziina lyage Korineryo. Uyo Korineryo, agweti agahuuzibwa naꞌBayahudi booshi. Mukuba, asimbahiri Rurema, anali mu gira íbikwaniini imbere lyage. Na buno, umuganda amúbwira kwo akutumire, gira akayuvwe ngiisi byo ugamúganuulira.»

Bukengeeze 29:23

«Abandu baꞌmahanga gooshi, bagabuuza: “Emwe! Kituma kiki Nahano akayogogoza yiki kihugo mwene yuku? Si agweti agakirakarira ngana-ngana.”

2 Batesaloniki 1:7

Kwokwo, kundu muki ryagagi mu hahazibwa buno, agaki mùluhuula. Kiri na nyiitu kwakundi, agatuluhuula. Yukwo kuluhuuka, tugakulonga ku kyanya Nahamwitu Yesu âye yije ukulyoka mwiꞌgulu. Agaboneka mu mbigi zoꞌmuliro íziri mu yigwima. Anabe ali kuguma neꞌbikalage byaꞌbaganda baage.

Yuda 1:7

Mukengererage na ku bandu ba mu kaaya keꞌSoodoma, naꞌba mu keꞌGomora, naꞌba mu twaya tweꞌbutambi. Mukuba, nabo, bâli kizi yidulumbika mu bitalaalwe. Abashosi banakizi higula, mu kushulehana boonyene kwa boonyene. Kyanatuma bagalibuukira mu muliro gweꞌmyaka neꞌmyakuula. Abandu ba zeene, bakwiriiri bakizi balolera kwoꞌmugani.

Bwigule 15:7

Mu birya bingisho-ngisho bina, kiguma kyanafumbasa yabo baganda balinda imitanga irinda íkatulwa mu nooro. Iyo mitanga, yâli yijwiri mwoꞌburaakari bwa Rurema. Anali ye yolya úyamiri ho imyaka neꞌmyakuula!

Bwigule 16:19

Lyeryo, kalya kaaya kahamu kanapwamuuka mweꞌbihande bishatu. Kiri noꞌtundi twaya twa mu mahanga gooshi, natwo twanayihongoleka haashi. Yako kaaya kahamu keꞌBabeeri, Rurema akakakengeera, mu kukanywesa ku rusoozo úluyijwiri mwoꞌburaakari bwage. Yubwo buraakari bwage, bwanakalalusa nga maavu geꞌngangu!

Bwigule 18:3

Abaami ba mu mahanga gooshi keera bakakashuleha. Yubwo bushule bwako bwanalalusa abandu beꞌyo munda hooshi nga maavu geꞌngangu. Abadandaza ba mu yago mahanga gooshi, keera bakagala ku kanyabungaka keꞌbindu ko kâli kizi yisimiisa mwo.»

Bwigule 18:6

Ngiisi kwo kakagirira abandi, kube kwo niinyu mugakagirira, kiri noꞌbugira kabiri kaakwo.

Bwigule 19:15

Noꞌyo úwâli barongwiri, mu kanwa kaage, mwâli mubangikage ingooti nyugi. Agagikoleesa, mu kuminika abandu baꞌmahanga gooshi: «Agabatwala neꞌngoni yeꞌkyuma.» Noꞌburaakari bwa Rurema woꞌbushobozi bwoshi, agabuyerekana mu kubukandagirira mu mukenge.

Bwigule 19:20

Haliko, yikyo kirara, ikyanya kikalwa, kyanagwatwa imbira, kuguma noꞌlya muleevi weꞌbibeesha. Uyo muleevi, ye wâli kizi gira ibyereso byeꞌkitangaaza hiꞌgulu lyakyo, mu kukizi teba balya bandu ábakabiikwa kwo yako kamangu kaakyo, noꞌkukizi yikumba yugwo mugisi gwakyo. Kwokwo, kirya kirara, noꞌyo muleevi weꞌbibeesha, ku kyanya byâli ki bwinagi, byanalashwa mu nyenga yoꞌmuliro. Gunali mu yaka bweneene ngeꞌkibiriiti!

Bwigule 20:10

Lyeryo Shetaani, ulya woꞌkubahendereza, analashwa mwiꞌrya nyenga yoꞌmuliro! Iyo nyenga iri mu yaka bweneene. Munali mwo kirya kirara noꞌlya muleevi weꞌbibeesha nabo bâli kola balashe. Baganayama bagweti bagalibuukira mwo, ubushigi niꞌzuuba, halinde imyaka neꞌmyakuula!

Bwigule 20:14

Narufu na Nakuzimu, nabo banalashwa mwiꞌrya nyenga yoꞌmuliro. Neꞌyo nyenga yoꞌmuliro, lwo lufu lwa kabiri.

Bwigule 21:8

Haliko, abahemu boohe, ahandu haabo hagaaba mwiꞌrya nyenga yoꞌmuliro kwo guli mu yaka bweneene. Bagalashwa mwo, kuguma na ábatali mu mbiika kwoꞌbwemeere, naꞌbanabitalaalwe, na ábali mu yitana, na ábali mu yerula, na ábali mu logana, na ábali mu yikumba imigisi, na ábali mu beesha booshi. Yulwo, lwo lugaaba ulufu lwa kabiri.»