Bwigule 11:13 - Kifuliiru

¹³ Ku kyekyo kihe, mu kihugo mwanalenga sizigirye woꞌmusisi. Ikihande kiguma kiꞌkumi kya yako kaaya kyanayami yihongoleka haashi. Hanayami fwa abandu bihumbi birinda. Na ábakafuuka, banahuumirwa ngana. Banatondeera ukuhuuza ubukulu bwa Rurema úli mwiꞌgulu.

Bwigule 11:13 ပူးပေါင်းရင်းမြစ်များ

Ndondeko 6:4

Mu yizo siku, kiri na ha nyuma lyazo, hâli riiri ibihagange byaꞌbandu mu kihugo. Yibyo bihagange, yabo baana ba Rurema, bâli kizi bibuta ku yabo banyere baꞌbandu. Yaho keera, yibyo bihagange byo byâli riiri ndwani, byo byanâli lumbuusiri bweneene.

Hisaaya 29:6

Nie Nahano woꞌbushobozi bwoshi, na ndi nie gamùlwira. Ngayija mu mukungulo, na mu misisi, na mu lujongo, na mu kihuhuuta kya kwingi-kwingi, na mu muliro úguli mu jigiivya.

Yeremiya 13:16

Mukizi huuza Rurema Nahamwinyu, átazi mùyingiza mu kihulu, mútanazi siitara mu migazi hiꞌgulu lyeꞌkihulu. Kundu mulangaalire kwoꞌmulengeerwe gugamùtanguulira, haliko hali ikyanya angamùtumira ikibungu kiiru, neꞌkihulu namudidi.

Yohana 9:24

Balya Bafarisaayo banashubi tumiraga uyo mundu, banamúbwira: «Huuzagya Rurema, mu kudeta ukuli! Si ulya mundu ye udesiri kwo akukiza, tuyiji-yiji kwo ali munabyaha!»

Mikolezi 1:15

Iri hakalenga siku niini, abandu ba Yesu bâli kumaniri kuguma, bakola nga bandu igana na makumi gabiri. Haaho, Peturu anayimuka ha kati kaabo,

Yoshwa 7:19

Ulya Hakani, Yoshwa anamúbwira kwokuno: «E mwana wani, uhuuze Nahano Rurema waꞌBahisiraheeri, mu kudeta ukuli. Aahago! Ngiisi byo wakola, ubimbwehuke. Utakolwe kwo wabimbisha.»

Bwigule 11:11

Yizo siku zishatu neꞌkitolo, iri zikaba keera zalenga, Rurema anashubi yingiza yabo baleevi bombi mwoꞌmuuka. Banashubi ba bagumaana, banayimuka. Ikyanya abandu bakabonaga kwokwo, booshi banahuumirwa.

Bwigule 11:19

Haaho, inyumba ya Rurema íri mwiꞌgulu, yanayiguka. Na kalya Kajumba keꞌKihango kyage kanaboneka. Lyeryo, mwanaba ibiryamu, neꞌmilavyo. Mwanaba neꞌmikungulo, iri munavuduka invula nyingi yoꞌlugungu. Mwanalenga noꞌmusisi.

Bwigule 14:7

Uyo muganda, anadeta kwiꞌzu lihamu kwokuno: «Mukizi simbaha Rurema! Munakizi múhuuza! Mukuba, ikyanya kyo agaatwa kweꞌmaaja, keera kyahikaga. Kwokwo, mukizi múyikumba! Mukuba, ye kabumba igulu, neꞌkihugo, neꞌnyaaja, neꞌshyoko zeꞌnyiiji.»

Bwigule 15:4

E Nahano! We Mwami waꞌmahanga gooshi. Nyandi útangakusimbaha? Na nyandi útangahuuza iziina lyawe? Wenyene, ulyagagi mweru. Neꞌmikolezi yawe íkwaniini. Keera wanagiyerekana ku bweranyange. Kyo kitumiri abandu baꞌmahanga gooshi bagakizi yiji kuyikumba.»

Bwigule 19:7

Tukizi shagaluka noꞌkushambaala, iri tunakizi múhuuza! Mukuba, ubuhya bweꞌKyanabuzi, keera bwahika! Noꞌmuhya keera ayitegaanura.

Bwigule 3:4

Kundu kwokwo, mu kati kiinyu i Saridi, bandu bagerwa batazi yulubaza imirondo yabo. Yabo bandu, bo tugakizi gendanwa, bayambiiti imirondo myeru. Mukuba, bo bakwaniini imbere lyani.

Bwigule 6:12

Ha nyuma, Ikyanabuzi kyananunguula inungu ya kalindatu. Lyeryo mu kihugo, mwanalenga sizigirye woꞌmusisi. Izuuba lyanayulubala, lyanashushaga nga busuuzu úbukalukwa mu bwoya bwoꞌmukara. Noꞌmwezi gwanadukula nga muko.

Bwigule 8:5

Ulya muganda, anayabiiraga umuliro mu katanda. Anaguyijuza ku mubangala, anaguvugumula mu kihugo. Lyeryo, hanaba ibiryamu, neꞌmilavyo, neꞌmikungulo. Hanalenga noꞌmusisi.

1 Samweri 6:5

Na íbigaatuma mugagitula, mukuba yibyo byombi byo biri mu shereeza ikihugo kiinyu. «Ikyanya mugaagira kwokwo, lyo mugaaba mwasimbaha Rurema waꞌBahisiraheeri. Hali ikyanya angaleka ukumùhana, analeke neꞌmigisi yinyu, neꞌkihugo kiinyu.