Bukengeeze 9:19 - Kifuliiru

¹⁹ Emwe! Akaraakara ngana, halinde analoozi gira mbu amùminike. Kwokwo, nanatondeera ukujuguma, nanatondeera ukumùhuunira imwa Nahano, halinde ananyuvwa.

Bukengeeze 9:19 ပူးပေါင်းရင်းမြစ်များ

Zaburi 106:19

Yabo bandu, ikyanya bâli riiri ku mugazi Horebu, banayabiiraga inooro, banatula mwoꞌmugisi gweꞌnyana, banakizi guyikumba, kundu boonyene bo bakaguyitulira.

Zaburi 106:23

Iri hakatama, Rurema anakyulaga kwo agabashereeza. Halikago umutoolwa Musa, anayitambika ha kati kaage naꞌbandu baage, anamútakira kwo aleke ukubarakarira. Kyanatuma atagaki bashereeza.

Zaburi 78:59

Rurema, iri akayuvwa ngiisi kwaꞌBahisiraheeri bagweti bagaadeta, anaraakara bweneene, anabajanda lwoshi-lwoshi.

Zaburi 99:6

Musa na Harooni, bâli riiri mu bagingi baage. Samweri naye, âli mu bandu ábâli kizi mútabaaza. Neꞌkyanya Abahisiraheeri bâli kizi mútabaaza ku malira, anakizi bashuvya.

Kulyoka 32:14

Kwokwo yubwo buhanya, kundu Nahano âli mali bushungikira abandu baage, haliko atanaki bukoleesa.

Kulyoka 33:17

Nahano, ti: «Nyiji iziina lyawe, unali mu nzimiisa. Ku yukwo, ngiisi byo wambuuna, ngabigira.»

Kulyoka 34:10

Nahano anashubi bwira Musa: «Twembi, tukola tuganywana ikihango, na ngizi gira ibisoomeza imbere liinyu mweshi. Yibyo bisoomeza, ndaago gandi mahanga go byâli kizi koleka mwo. Niehe, nie Nahano. Ibisoomeza byo ngamùkolera mweshi, yabo bandi bagabibona kwo biri bya kahebuuza.

Muharuuro 11:2

Balya Bahisiraheeri, mbu babone kwokwo, banatondeera ukutakira Musa. Lyeryo, Musa naye anatakira Nahano bweneene. Gulya muliro gwanahota.

Bukengeeze 10:10

«Nꞌgahisa isiku makumi gana, ubushigi niꞌzuuba, ndi ku mugazi, nga kwokulya kwa mbere. Ku yikyo kyanya kandi, Nahano anayuvwa amahuuno gaani, anayemeera kwo atagaki mùshereeza.

Bukengeeze 11:17

Iri mwangakolwa mbu mukizi gira kwokwo, ku kasiisa Nahano agamùrakarira, anashweke igulu, halinde invula inahangame. Kundu Nahano amùheziizi kino kihugo kiija, haliko kigagubuuka, munazimiirire mwo.

Bukengeeze 9:20

«Ku yikyo kyanya, Nahano akarakarira kiri na Harooni. Âli loozi múyita, haliko naye, nanamúhuunira.

Bukengeeze 9:8

«Ku mugazi gweꞌHorebu, mukaraakaza Nahano bweneene, halinde analoozi mùminika.

Baheburaniya 12:21

Yibyo byoshi, bikabaleezagya mweꞌkinyukura, halinde kiri na Musa yenyene anadeta: «Ngweti ngajuguma neꞌkyoba.»