Bukengeeze 8:15 - Kifuliiru

¹⁵ «Ikyanya mukayingira muꞌlya namuhirye wiꞌshamba, mwanagwana amiiji ndaago, mwanahuumirwa, mwanahambiri hola neꞌnyoota. Mwanagwana na mweꞌmijoka yoꞌkukomana, kiri noꞌtumini. Kundu kwokwo, Nahano akamùhulukiza amiiji mu lwala.

Bukengeeze 8:15 ပူးပေါင်းရင်းမြစ်များ

Zaburi 105:41

Rurema anabalyokeza amiiji mu lwala. Kundu bâli riiri mwiꞌshamba, yago miiji ganakizi hinga nga lwiji.

Zaburi 114:8

Si ye kahindula ulwala lube kiziba! Kundu lwâli lwala lukomu, haliko lwanayiji shyoka mwoꞌtudota.

Zaburi 136:16

Anakizi rongoora abandu baage mwiꞌshamba. Urukundo lwage, luyamiri ho, halinde imyaka neꞌmyakuula.

Hisaaya 30:6

Ku biloziri inyamiishwa za mwiꞌshamba lyeꞌkisaka, Rurema adetaga kwokuno: «Abandu baani bali mu genda bahesiizi bapunda neꞌngamiya akanyamwala keꞌbindu, banaberuuze mu namuhirye wiꞌshamba, anali mwaꞌmagoorwa ga kwingi-kwingi, naꞌmakuba. Muli ifiizi zeꞌndare, naꞌmabuguma gaazo. Muli neꞌmijoka yaꞌmanjoka-njoka, neꞌbindi bihuume byeꞌmijoka. Bali mu gendi tengula Abamiisiri, mbu lyo babatabaala. Kundu kwokwo, balya Bamiisiri, ndaabyo bagabahanyira.

Hisaaya 35:7

Ishamba, kundu liduusiri, si ligatenga mweꞌnyaaja. Uluumagu lunazununuke mwoꞌtudota. Ibundo lyeꞌmirunga ligaamera mweꞌkibingu, naꞌkaliri.

Hisaaya 43:19

Lolagi! Ngolaga ngaagira igambo lihyahya. Na buno, likola mu boneka. Ka mutalibwini? Iyo munda mwiꞌshamba, ngaabera yeꞌnjira, ninahingiise mweꞌnyiiji.

Yeremiya 2:6

Bakaleka ukutee yisaliza, ti: “E balya! Kituma kiki tutakiri mu kulikira Nahano? Si ye katulyosa mu kihugo kyeꞌMiisiri, anaturongoora mwiꞌshamba, áhâli yumagusiri, hanâli yijwiri ibihomogolo! Iyo munda mwiꞌshamba, yâli yidisiri ikihulu, ndaanaye úwâli kizi gilenga, kandi iri agituula.”

Hosheya 13:5

Ikyanya mwâli riiri mwiꞌshamba, lyâli yumuusiri, halinde abandu banakizi nyooterwa. Kundu kwokwo, nâli kizi mùkuya-kuya bweneene.

Muharuuro 20:11

Lyeryo Musa anabangula ukuboko, anashulika irya ngoni ubugira kabiri ku lwala, amiiji ganayami lushyoka mwo. Yabo booshi, bananywa kuguma neꞌbitugwa byabo.

Muharuuro 21:6

Iri Nahano akayuvwa kwokwo, anatuma imijoka mu kati kaabo. Iyo mijoka, yâli naꞌmanjoka-njoka, yanakizi bakoma bweneene, halinde abingi baabo banafwa.

1 Bakorindo 10:4

Banakizi nywa na kyekirya kinywebwa kyagwo. Mukuba, Rurema âli kizi balyokeza amiiji mu lwala, lwanakizi bakulikira. Na yulwo lwala, ye Kirisito yenyene.

Bukengeeze 1:19

«Ukukulikirana na ngiisi kwo Nahano, Rurema witu âli mali tukyulira, twanayimukaga yaho ku mugazi Horebu. Mwenyene mukayibonera ngiisi kwo tukalenga muꞌlya namuhirye wiꞌshamba, lyanâli kizi tuhahaza bweneene. Twanashokola injira, halinde mu migazi yaꞌBahamoori, twanahika i Kadeeshi-Barineya.

Bukengeeze 32:13

«Akabaleeza mu marango, anabaliisa imimbu ya mu yikyo kihugo. Anabadahira ubuuki mu nyaala, anabamegeza imizehituuni ku lwajwe.