Bukengeeze 6:12 - Kifuliiru

¹² mukizi ba masu. Hatagirage úgayibagira Nahano. Mukuba, ye kamùlyosa mu buja mu kihugo kyeꞌMiisiri.

Bukengeeze 6:12 ပူးပေါင်းရင်းမြစ်များ

2 Baami 17:36

Mbe nie mugakizi yikumba naaho. Mukuba, nie kamùlyosa i Miisiri ku bitangaaza bya kahebuuza, na mu kati koꞌbushobozi. Mukizi nyikumba, iri munanvukamira. Mbe nie mugakizi tangira amatuulo.

2 Baami 17:38

Yikyo kihango kyo tukanywana, mutakiyibagire. Hatanabe umugisi gwoshi gwo mugayikumba.

Hayubu 8:13

«Kwo na kwokwo, ikyanya abandu bali mu yibagira Rurema, bali mu yuma duba-duba. Ikyanya bali mu ba bataki twaziizi Rurema, umulangaaliro gwabo, guli mu yami nyerera.

Zaburi 103:2

Ukizi huuza Nahano, utanayibagire ngiisi kwo uli mu genduukirwa mu kati kaage.

Zaburi 44:17

Bagweti bagandukiiriza, iri banannegura bweneene. Yabo bagoma bagweti bagaahiga naaho kwo baganyihoola.

Zaburi 59:11

Uyamiri unguuziri. Unagweti ugashokola injira imbere lyani, halinde ndonge ukuhima abagoma.

Zaburi 78:7

Kwokwo yizo maaja zaage, bakizi zikania, iri banakizi biika Rurema kwoꞌmulangaaliro. Ngiisi byo Rurema âli kizi gira, batayiji biyibagira.

Kulyoka 13:14

«Mu siku ízigayija, iri umwana wawe angakubuuza hiꞌgulu lya yiri igambo, unamúshuvye: “Nahano akakoleesa ubushobozi bwage bwaꞌkahebuuza, mu kutulyosa mu buja bweꞌkihugo kyeꞌMiisiri.

Kulyoka 13:3

Musa anabwira Abahisiraheeri: «Yulu lusiku lukulu, mukizi lukengeera. Mukuba, ku lwolwo lusiku, lyo mukashaaga mu buja, mwanalyoka mu kihugo kyeꞌMiisiri. Nahano akamùlyosa i Miisiri ku bushobozi bwage. (Mukengeere, kwo íbiri mweꞌsaama, mutakolwe kwo mwabilya.)

Kulyoka 6:6

«Ku yukwo, ubwirage Abahisiraheeri kwokuno: “Niehe, nie Nahano! Ngamùlyosa mu buja bwaꞌBamiisiri, mutaganaki bakolera. Ngamùguluula noꞌkuboko kwani kwoꞌbushobozi. Neꞌkyanya ngakizi bahana, ngakizi bagira mweꞌbitangaaza bya kahebuuza.

Migani 30:9

Mukuba, iri nangagala ukuhima ulugero, hali ikyanya ngakuyibagira, na ngizi deta: “Nahano ali nga nyandi?” Neꞌri nangakena, hali ikyanya nangazimba, na ngengeere nagayiriza iziina lya Rurema wani.

Hisaaya 17:10

E Bahisiraheeri, keera mukahinduliraga Rurema ingoto, anali ye gweti úgamùkiza. Mutaki kengiiri kwo Rurema yiꞌbuye lyo mwâli bishamiri mwo. Si muli mu gendi leeta imbuto nyiija mu binyamahanga, munayiji zibyala.

Hisaaya 51:13

Si nie Nahano, nie kamùbumba! Aaho! Kituma kiki wanyibagira? Nie katabika igulu, nanabiika neꞌndaliro zeꞌkihugo. Aahago! Yabo banakahambwa, kituma kiki muki bayobohiri? Kundu bâli kizi mùlibuza, banagire mbu bakizi mùshereeza, haliko leero bakolaga hayi?

Hosheya 2:13

Kundu aki gweti agayishambaaza mu siku ngulu, halikago ngazitwikiza zooshi. Kuli kudeta isiku ngulu za ngiisi mwaka, na zeꞌmbaluko yoꞌmwezi, na zeꞌSabaato.

Muharuuro 15:39

«Iyo minaganizo, ikyanya mugagibona, mugakizi kengeera imaaja zooshi za Nahano. Mukizi zisimbaha, buzira kukizi yifwija íbibishirwi mu mitima yinyu mwenyene, kandi iri mu masu giinyu.

Bukengeeze 32:18

«E Bahisiraheeri, si keera mukagayiriza Lwala, anali ye kamùbuta. Mukayibagira Rurema, anali ye tumiri muli bagumaana.

Bukengeeze 4:23

«Kwokwo, muyilange, mutayibagire ikihango kyo Nahano akanywana na niinyu. Hatanagire úgayibaajira imigisi mu kindu kyoshi íkiyimbwa kyagaza imwa Nahano. Si ukugira kwokwo, keera Rurema akamùlahiza! Alyagagi Nahano woꞌluugi bweneene, anali mu jigiivya ngoꞌmuliro.

Bukengeeze 4:9

«Aahago! Muloleekeze bwija. Galya magambo go mukayibonera, mutakolwe kwo mwagayibagira. Ikyanya mugaaba mukiri ho, hatagire ulusiku gagalyoka mu mitono yinyu. Si mukizi gaganuulira abaana biinyu, kiri na bijukulu biinyu.

Bukengeeze 8:10

Ikyanya mugaaba keera mwalya, munabe mukoli jeberiiri mu kihugo kiija kyo Nahano akamùheereza, haaho, mukizi tanga kongwa imwage.»

Bakolosaayi 2:8

Hatagire umundu úgamùgwata imbira, mu kumùteba ku magambo goꞌkumúlyeryega, ganali ga busha! Amagambo mwene yago, gali mu lyoka naaho mu bwenge bwaꞌbandu, na mu mabi ágatwaziri kino kihugo. Si gatalyosiri imwa Kirisito!

Batwi beꞌmaaja 2:12

Kundu Rurema âli riiri Nahano wa bashokuluza baabo, na kundu akabalyosa mu kihugo kyeꞌMiisiri, halikago banamújanda. Banatondeera ukukizi yikumba imigisi yaꞌbandu ábâli tuuziri ha butambi lyabo. Kwokwo, kwo bakayagaza Nahano bweneene.