Bukengeeze 4:37 - Kifuliiru

³⁷ Nahano âli kuuziri bashokuluza biinyu, kyo kitumiri akamùtoola, mweꞌbibusi byabo. Yehe yenyene, ye kamùlyosa mu kihugo kyeꞌMiisiri, ku bushobozi bwage bwaꞌkahebuuza.

Bukengeeze 4:37 ပူးပေါင်းရင်းမြစ်များ

2 Kutondobola 16:9

«Amasu ga Nahano gali mu langiiza-langiiza hooshi mu kihugo. Na ngiisi ábamúyibiisiri kwo, ku mitima yabo yoshi, ayamiri ali mu basikamya. Haliko, yibi wagira, biryagagi bya buhwija. Ukulyokera buno, abagoma baawe bakola bagakizi kuteera.»

Zaburi 32:8

Rurema adesiri kwokuno: «Ngakizi kuhindula ube mwitegeereza. Na nguyereke injira yo ukwaniini ukukizi lenga mwo. Na ngizi kuhanuula, iri na ngizi kutanduula.

Zaburi 34:15

Atwikirage ku mabi, anakizi gira amiija. Akizi fiitirwa ku byangaleeta umutuula, binabe byo agakizi kulikiriza.

Zaburi 44:3

Wâli kizi koleesa ubushobozi bwawe, mu kuyimula abandu beꞌmahanga, wanabahaniiriza bweneene. Ahandu haabo, wanahabiika bashokuluza biitu, wanakizi bagenduusa.

Kulyoka 12:41

Ku lwolwo lusiku lwoꞌkuhisa imyaka magana gana na makumi gashatu, abandu booshi ba Nahano bakalyoka mu kihugo kyeꞌMiisiri, ngiisi bandu mu ndeeko yabo.

Kulyoka 12:51

Ku lwolwo lusiku, Nahano akalyosa Abahisiraheeri mu kihugo kyeꞌMiisiri, ndeeko-ndeeko.

Kulyoka 13:14

«Mu siku ízigayija, iri umwana wawe angakubuuza hiꞌgulu lya yiri igambo, unamúshuvye: “Nahano akakoleesa ubushobozi bwage bwaꞌkahebuuza, mu kutulyosa mu buja bweꞌkihugo kyeꞌMiisiri.

Kulyoka 13:3

Musa anabwira Abahisiraheeri: «Yulu lusiku lukulu, mukizi lukengeera. Mukuba, ku lwolwo lusiku, lyo mukashaaga mu buja, mwanalyoka mu kihugo kyeꞌMiisiri. Nahano akamùlyosa i Miisiri ku bushobozi bwage. (Mukengeere, kwo íbiri mweꞌsaama, mutakolwe kwo mwabilya.)

Kulyoka 13:9

Yulwo lusiku, kigaaba kimenyeeso kyoꞌkukizi mùkengeeza. Yikyo kimenyeeso, kigaaba nga kibiisirwi ku maboko giinyu, na ku malanga giinyu. Kwokwo, mukizi kengeera ukudeta amigirizo ga Nahano. Mukuba, akamùlyosa mu kihugo kyeꞌMiisiri ku bushobozi bwage bwaꞌkahebuuza.

Kulyoka 33:14

Nahano anamúshuvya: «Nienyene, tugakizi gendanwa, na nguluhuuse.»

Hisaaya 43:4

Emwe! Yabo bandu bingi, keera nꞌgabatanga, lyo nimùlonge. Mukuba, nimùkuuziri, ninamùsimbahiri. Mwehe, mwe muli neꞌkishingo bweneene imbere lyani.

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Yeremiya 31:1

Nahano adetaga kwokuno: «Ku yikyo kyanya, ngaaba nie Rurema weꞌmilala yoshi yaꞌBahisiraheeri. Nabo, banabe bo bandu baani.»

Yeremiya 31:3

Yaho kishangi, nie Nahano nꞌgabahulukira kwo, nanababwira: “Nyamiri nimùkuuziri halinde imyaka neꞌmyakuula! Kyo kitumiri ngi genderiiri ukumùkejeerera.

Malaki 1:2

Nahano adeta kwokuno: «Nyamiri nimùkuuziri! Kundu kwokwo, mugweti mugannakira, ti: “Aahabi! Kutagi kwo utukuuziri?” Naani, ti: “Ulya Hesahu, ka atâli ye mwene wabo Yakobo? Kundu kwokwo, nꞌgakunda Yakobo.

Muharuuro 20:16

Haliko, ikyanya tukatakira Nahano mu kumúlirira, anatuyuvwa, anatutumira umuganda wage, gira ayiji tulyosa i Miisiri. Na buno, tukolaga hano i Kadeeshi, mu kaaya ákabibikiinwi neꞌkihugo kyawe.

Barumi 9:5

Yabo Bahisiraheeri, bo balyosiri mwiꞌkondo lya bashokuluza biitu ba keera, nga kwo Kirisito naye âli balyosiri mwo. Uyo Kirisito, analyagagi ye Rurema úli hiꞌgulu lya byoshi. Tukizi múyivuga imyaka neꞌmyakuula! Bikizi ba kwokwo!

Bukengeeze 10:15

Yaho kare, akayibiika ku bashokuluza biinyu naaho, anabakunda. Na buno, mweꞌbibusi byabo, keera akamùtoola mu gindi milala. Kwo na kwokwo, bibonekeriiri.

Bukengeeze 23:5

Mukuba, ikyanya mwâli kizi lyoka i Miisiri, batakayiji músanganira neꞌbyokulya, kandi iri magoloovi. Si bakamùtumira umunamaleere Balaamu mugala Behoori, umutuulaga wa mu kaaya keꞌPetoori, mu kihugo kyeꞌMezopotamiya. Uyo Balaamu, banamúbulika, mbu ayiji mùdaaka.

Bukengeeze 33:12

Ku luhande lwa beene Binyamiini, Musa anadeta: «Nahano, akuuziri umulala gwa Binyamiini. Ali mu bazunguluka mu kubalanga. Rurema wage atali mu luha mu kumúkingira, anatuuziri mu migazi yage.»

Bukengeeze 33:3

Ku kasiisa, Nahano akuuziri imilala yaꞌBahisiraheeri, anali mu bakingira. Yabo booshi, bali mu kizi vwagarara mu magulu gaage, gira akizi bayigiriza.

Bukengeeze 4:34

«Ka hangayimbwa ugundi úli mu yikumbwa, úkashaaza umulala gwage mu buja bwoꞌgundi mulala? Si ndaaye! Haliko, Nahano, Rurema winyu, yehe akamùgirira kwokwo mu masu giinyu. Âli gweti agalibuza Abamiisiri. Si mwehe, anamùkolera amagambo mahamu ku bukalage bwage. Gali ga kahebuuza, ganasomeziizi bweneene.

Bukengeeze 7:6

Mwehe, muli mulala mutaluule imwa Nahano, Rurema winyu. Mu bandu booshi ba mu mahanga, mwehe mwe akatoola, kwo mukizi ba mulala gwage gwa yenyene.

Bukengeeze 9:5

Yikyo kihugo, iri mwangakigwata, kutali kudeta mbu bwo muli bandu ábakwaniini, kandi iri mbu muli bandu boꞌkuli. Aahabi! Haliko, mumenye kwo Nahano agamùyimulira bo, ku bwenge bâli bihuusiri, na bwo aloziizi ukusimbahiisa indahiro yo akanywana na bashokuluza biinyu, Hiburahimu, na Hisake, na Yakobo.