Bukengeeze 33:20 - Kifuliiru

²⁰ Ku luhande lwa beene Gaadi, Musa anadeta: «Nayivuga Nahano, bwo akaheereza Gaadi ikihugo íkiyajabusiri. Emwe! Gaadi agwejiiri nga ndare ígweti igamaanyula ulusheeshe, kiri na purungu weꞌnyamiishwa yo agwata.

Bukengeeze 33:20 ပူးပေါင်းရင်းမြစ်များ

Ndondeko 49:19

«Gaadi, kundu agateerwa naꞌbiitani, haliko ye gabahima, anabashindibuke kwo.

Ndondeko 49:9

E mugala wani wa Yuda, ulyagagi nga mwana weꞌndare, keera úwavwajagira byo alonga i ruhiiviro, anashubi galukira mwiꞌbundo. Ulyagagi nga ndare íshubi jujamiri, inakoli gwejiiri. Aahago! Nyandi úwangaki givyula?

1 Kutondobola 4:10

Uyo Yabeeshi anatakira Rurema waꞌBahisiraheeri kwokuno: «Nakuyinginga, ungashaanire, unayushuule imbibi zaani. Ukuboko kwawe, kukizi ba kuguma na naani. Neꞌkyanya ngaaba ndi imbere liꞌgambo libi, unakizi ndanga, gira ndakizi lyanirwa.» Ngiisi kwo akahuuna Rurema, kwo Rurema akanamúgirira.

Zaburi 18:19

Yewe! Kundu nâli kolaga mu malibu, haliko banandeera. Kundu kwokwo, Nahano ananjuutira,

Zaburi 18:36

Uyamiri uli mu njuutira neꞌsiribo zaawe, gira ungize. Ukuboko kwawe kweꞌlulyo kugweti kuganzikamya. Ee ma! Ku butabaazi bwawe, ndi mu sikama.

Yeremiya 2:16

Kiri naꞌBamiisiri beꞌMefiisi, naꞌbeꞌTapaneshi, nabo keera bakamùteezagya ishoni, mu kumùnguula imishaku ku matwe.

Mika 5:8

Kwokwo, lyo mugalonga ukuhima abagoma biinyu. Ee! Yabo bagoma booshi, munakizi baminika.

Yoshwa 13:10

Bâli gaziizi utwaya twa mwami Sihooni waꞌBahamoori, úwâli twaziri ukutondeerera i Heshibooni, halinde ku lubibi lwaꞌBahamooni.

Yoshwa 13:8

Umulala gwa Rubeni, noꞌgwa Gaadi, neꞌkimaanye kyoꞌmulala gwa Manaasi boohe, bâli mali gwanwa bahaabwa ubwabo buhyane, uluhande lweꞌsheere lwoꞌlwiji Yorodaani. Musa, umukozi wa Nahano, ye kabagabulira bwo.