Bukengeeze 33:16 - Kifuliiru

¹⁶ Kwokwo, ubugale bwoshi bwa yiki kihugo, kuguma noꞌbugashaane bwa Rurema, ulya úkahuluka mu kishungu-shungu bikwire mu mulala gwa Yusefu. Yehe, ye kaba mutwali wa beene wabo.

Bukengeeze 33:16 ပူးပေါင်းရင်းမြစ်များ

Ndondeko 37:28

Yabo badandaza beꞌMidyani, iri bakahikaga yaho, yabo bakulu ba Yusefu banamúlyosa mu kirimbi-rimbi, banamúguliisa ku kishingo kyeꞌbingorongoro makumi gabiri. Kwokwo, banatwala Yusefu i Miisiri.

Ndondeko 37:36

Balya Bamidyani, iri bakahika i Miisiri, banaguliisa Yusefu imwoꞌmukulu muguma, iziina lyage Potifaari. Potifaari, âli riiri muguma wa mu batwali ba Faraho, anâli mukulu waꞌbasirikaani ábâli kizi múlanga.

Ndondeko 37:8

Balya bakulu baage, banamúbuuza: «Ka mwangayuvwa ibala? Ka uloziizi ukutubwira kwo we gaaba mwami witu?» Yusefu, ikyanya âli kizi loota, anakizi deta byo aloota, kyanatuma yabo bakulu baage bagakaviiriza ukumúshomba.

Ndondeko 43:32

Iri bakabireeta, banamúbiikira haage-haage. Na beene wabo nabo, banababiikira haabo-haabo. Kiri naꞌBamiisiri ábâli laalisirwi na Yusefu, nabo banabiikirwa haabo-haabo. Mukuba, Abamiisiri, bâli kizi neena ukushangiira naꞌBaheburaniya, mbu bwo bâli riiri kizira.

Ndondeko 49:26

Imigashani yo wahaabwa na yisho, ihimiri imigashani yeꞌmigazi íyamiri ho. Inahimiri na byoshi íbigiri kwo. Iyo migashani yoshi, ikizi beera kwiꞌtwe lya Yusefu, na ku kashanga-mutwe kaage. Mukuba, akuliiri bakulu baage booshi.

Zaburi 24:1

Izaburi ya Dahudi. Ikihugo, na byoshi íbikiri mwo, biri bya Nahano. Amahanga gali geꞌmwage, kuguma na booshi ábagatuuziri mwo.

Zaburi 50:12

Nga nangashalisiri, ndangakubwiziri. Haliko, ikihugo na byoshi íbikiri mwo, biri byeꞌmwani.

Zaburi 89:11

We kayita ikihuume Rahabu, mu kukifuta-futa, wanashaabula abagoma baawe ku bukalage bwawe.

Kulyoka 2:2

Uyo mukazi anaheeka inda, anabuta umwana woꞌbutabana. Na bwoꞌyo mwana âli riiri mwija bweneene, kyanatuma agaamala imyezi ishatu ali mu múbishiiriza.

Yeremiya 8:16

Yuvwagwi ngiisi kweꞌfwarasi zaꞌbagoma zigweti zigafuura iriira munda imbembe, mu kihugo kya beene Daani! Si zikola mu girigimba, halinde idaho linajugumbane! Abagoma bakola mu njira, gira bagayiji shereeza ikihugo kiitu, na íbikiri mwo byoshi. Bagashereeza utwaya twoshi, na booshi ábatutuuziri mwo.»

Muharuuro 26:28

Imilala íkalyoka mu Yusefu, yo yeyi: Manaasi na Hifurahimu.

Mariko 12:26

«Kiri na Musa akamenyeesa kwaꞌbafwiri bagazuuka. Mukuba, ikyanya akayandika hiꞌgulu lya kirya kishungu-shungu, anayandika kwo Rurema akamúbwira kwokuno: “Nie Rurema wa Hiburahimu, na wa Hisake, na wa Yakobo.”

Luka 2:14

«Rurema úli mwiꞌgulu akizi huuzibwa! Kiri na mu kihugo, umutuula gukizi ba mwo, imwaꞌbandu bo asiimiri!»

Mikolezi 7:35

«Yoyo Musa, ye bashokuluza biitu bakalahira mu kumúbwira: “Nyandagi úkakubiika kwo ube mutwali witu, unabe mutwi weꞌmaaja ziitu?” Kundu kwokwo, Rurema yenyene ye kamútuma, gira abe ye mutwali wabo, abe na Lukiza wabo, ukukulikirana na ngiisi kwoꞌlya muganda akagwanwa amúbwira mu kishungu-shungu.

1 Bakorindo 10:26

Mukuba, «Ikihugo, na byoshi íbikiri mwo, biri bya Nahano.»

1 Bakorindo 10:28

Haliko, hali ikyanya umundu angamùbwira: «Iyi nyama, keera yatangwa ituulo imweꞌmigisi.» Lyoki, mutaki gilye, gira lyoꞌyo mundu, atasigale ateezirwi neꞌbihamba.

Baheburaniya 7:26

Ku yukwo, Yesu ye mugingi mukulu, anashobwiri ukukizi tutabaala mu magoorwa giitu. Ayamiragi ali mweru. Ndaanabyo byo ahubiri kwo, kandi iri byo ayulubiiri kwo. Keera akanakuzibwa mwiꞌgulu, ho akoli handwirwi naꞌbanabyaha booshi.