Bukengeeze 33:12 - Kifuliiru

¹² Ku luhande lwa beene Binyamiini, Musa anadeta: «Nahano, akuuziri umulala gwa Binyamiini. Ali mu bazunguluka mu kubalanga. Rurema wage atali mu luha mu kumúkingira, anatuuziri mu migazi yage.»

Bukengeeze 33:12 ပူးပေါင်းရင်းမြစ်များ

2 Samweri 12:24

Ha nyuma, Dahudi anakuya-kuya mukaage Batisheeba, anamúmenya. Neꞌri akaheeka inda, anabuta umwana woꞌbutabana, banamúyinika iziina Sulumaani. Ulya mwana, Nahano anamúkunda bweneene.

2 Samweri 12:25

Na bwo Nahano âli múkuuziri, kyanatuma agaatuma umuleevi wage Natani imunda Dahudi, kwo Dahudi ayinike umwana iziina Yedidiya, (kuli kudeta: mukundwa wa Nahano).

1 Baami 12:21

Ulya Rehobwamu âli loziizi ukulwisa ubwami bwaꞌBahisiraheeri, gira abugalule mu butwali bwage. Kyanatuma ikyanya akahika i Yerusaleemu, anakuumania abasirikaani boꞌmulala gwaꞌBayuda, naꞌba mu gwa Binyamiini. Booshi kuguma, bâli riiri bihumbi igana na makumi galimunaana.

2 Kutondobola 11:1

Ikyanya Rehobwamu akahika i Yerusaleemu, anakuumania abasirikaani boꞌmulala gwaꞌBayuda, naꞌba mu gwa Binyamiini. Booshi kuguma, bâli riiri bihumbi igana na makumi galimunaana. Mukuba, âli loziizi ukulwisa ubwami bwaꞌBahisiraheeri, gira abugalule mu butwali bwage.

2 Kutondobola 15:2

anagendera mwami Hasa, anamúbwiririra kwokuno: «E Hasa, undege amatwiri. Kiri na niinyu, mwe bandu booshi boꞌmulala gwaꞌBayuda, noꞌgwa Binyamiini. Iri mwangayama muli mu yibiika ku Nahano, mugakizi yamanwa. Neꞌri mwangakizi múlooza, mugamúbona. Haliko, iri wangamújajaaka, naye agamùjajaaka lwoshi-lwoshi.

Zaburi 132:14

Anadeta: «Hano, ho ngakizi luhuukira, halinde imyaka neꞌmyakuula. Hano handu, ho ngabwatala ku kitumbi kyani kyeꞌkyami. Ee! Haahano!»

Zaburi 60:5

Abandu baawe, keera ukabayingiza mu makuba bweneene. Idivaayi yo watuheereza, keera yatulalusa, na buno tukola mu bambaajira.

Zaburi 91:4

Ee ma! Ayamiri ali mwemeera. Kwokwo, aganakuvumbeera mu byubi byage. Mu mashala gaage, mwo ugakizi tibitira, halinde anabe siribo yoꞌkukizi kushuutira.

Kulyoka 28:12

Yago mabuye kwo gali gombi, unagahogeke mu birya bihogo biꞌkangaata. Ko kagaaba kalangikizo koꞌkukengeeza irya milala ikumi niꞌbiri yaꞌBahisiraheeri. Yago maziina, Harooni akizi gayambala ku bitugo byage, mu kuyija imbere lyani.

Hisaaya 37:22

Nadeta hiꞌgulu lyage kwokuno: Ewe! Abandu beꞌSayuni bagweti bagakunegura lwoshi, banali mu kushekeereza. Ikyanya uli mu shaaga, abandu beꞌYerusaleemu banasigale bagweti bagakuzuugiza amatwe, mu kukugayiriza.

Hisaaya 37:35

Ngalanga kano kaaya, na ngakize, hiꞌgulu lyoꞌlushaagwa lwani, na hiꞌgulu lyoꞌmukozi wani Dahudi.»

Hisaaya 51:16

Keera nakuheereza amagambo, gira ukizi gadeta. Ngamùbwikira naꞌmaboko gaani, mu kumùlanga. Nie kayajuula igulu. Nie kanabiika indaliro zeꞌkihugo. Keera nanabwira abandu beꞌSayuni kwokuno: “Mwehe, mwe bandu baani.”»

Yeremiya 12:7

Nahano ashubi detaga kwokuno: «Balya Bahisiraheeri, kundu bashuba beꞌmwani, si keera nꞌgabajanda. Na kundu bashuba katoni kaani, keera nꞌgababiika mu maboko gaꞌbagoma.

Muharuuro 34:21

Na woꞌmulala gwa Binyamiini, hali Heridaadi mugala Kisiloni.

Mataayo 23:37

«E Yerusaleemu, e Yerusaleemu! Si we gweti ugayita abaleevi! Ee ma! Ngiisi ábali mu tumwa imwawe, uli mu balasha amabuye. Nâli loziizi ukukuumania abandu baawe, nga kweꞌngoko iri mu vumbeera ibyanagoko byayo. Haliko mutanalooza!

Bukengeeze 12:10

Haliko ha nyuma hiniini, mugajabuka ulwiji Yorodaani, munakituule mwo. Na kundu abagoma biinyu bagaaba bamùsokaniini, Nahano agamùhaliza bo, halinde munalonge ukutuula mu butoge.

Bukengeeze 32:11

Anaba nga nyunda úli mu hinda hiꞌgulu lyeꞌngisha yayo, agweti agakomeereza ibyana byage ukubalala. Ali mu yajuula ibyubi, gira abitege, anabitwale ku byubi byage.

Bukengeeze 33:11

E Nahano, ugashaanire imisi yabo, uyemeere imikolwa yo bali mu kola. Abagoma baabo, ubatwise indege. Ábali mu bagayiriza, utaleke kwo bayinamuke.»

Bukengeeze 4:37

Nahano âli kuuziri bashokuluza biinyu, kyo kitumiri akamùtoola, mweꞌbibusi byabo. Yehe yenyene, ye kamùlyosa mu kihugo kyeꞌMiisiri, ku bushobozi bwage bwaꞌkahebuuza.

Batwi beꞌmaaja 1:21

Abayebuusi bo bâli tuuziri mu kaaya keꞌYerusaleemu. Yabo Bayebuusi, beene Binyamiini banayabirwa ukubayimula mwo. Halinde na zeene, baki tuuziri mwo, kuguma na beene Binyamiini.

1 Samweri 10:20

Uyo Samweri, iri akaba keera aleetaga irya milala yoshi yaꞌBahisiraheeri imbere lya Nahano, umulala gwa Binyamiini gwanaba gwo gugatoolwa.