Bukengeeze 32:21 - Kifuliiru

²¹ Ikyanya bakakolera imigisi yabo, itanali ye Rurema, lyo bakanvyula mwoꞌluugi. Bakandaakaza neꞌmigisi yabo ya busha-busha. Ku kasiisa, ngola ngagashaanira abandi bandu, halinde nabo bayuvwe uluugi. Emwe! Ngabayagaza, mu kugashaanira ugundi mulala, gunali muhwija.

Bukengeeze 32:21 ပူးပေါင်းရင်းမြစ်များ

1 Baami 14:22

Ku kyanya kyoꞌyo Rehobwamu, Abayuda banakizi gira amabi imbere lya Nahano. Kundu bashokuluza baabo bâli kizi múraakaza, mu kukizi yifunda mu byaha, haliko boohe, yo haahe!

1 Baami 14:9

«“Si wehe, amabi go uyamiri ugweti ugaakola, gabihuusiri bweneene. Yago mabi, gahimiri ga ábakatanga imbere lyawe booshi. Keera ukandaakaza bweneene, wananjandirira, wanayigirira ibindi-bindi íbiri mu yikumbwa, binali migisi naaho íkatulwa mu nooro.

1 Baami 16:13

Na íbitumiri bikakoleka kwokwo, bwoꞌyo Baasha bo na mugala Hela, bâli kizi yifunda mu byaha. Yabo bombi, bâli kizi yikumba imigisi, banashimya naꞌBahisiraheeri kwo nabo bakizi giyikumba. Kwokwo, kwo bakaraakaza Nahano Rurema waꞌBahisiraheeri.

1 Baami 16:26

Âli kizi gayidulumbika mwo nga Yerobwamu mugala Nebati, mu kukizi yikumba imigisi, anakizi hubiisa Abahisiraheeri, mbu nabo bagiyikumbe. Kwokwo, kwo bâli kizi raakaza Rurema Nahamwabo.

2 Baami 17:11

Na ha katanda keꞌyo mizimu, banakizi yokera hoꞌmubadu. Kwokwo, kwo bâli kizi kulikira imigeeza yaꞌbandu bo Nahano akabayimulira, halinde banakizi raakaza Nahano bweneene.

2 Baami 17:15

Yabo Bahisiraheeri, ikyanya Rurema akagira mbu abayereke amategeko gaage, mu kubakengula, batanamútwaza. Kiri neꞌkihango kyo âli mali gwanwa agira na bashokuluza baabo, batanakitwaza. Si bâli kizi yidulumbika mu byeꞌmigisi, kundu iri tufwa-busha, halinde nabo boonyene banayiji ba tufwa-busha. Kundu Nahano akabakengula kwo batakizi kulikira imigeeza yeꞌbihugo íbyâli bazungulusiri, haliko byeyo-byeyo byo bâli kizi yifunda mwo.

2 Baami 21:6

Uyo Manaasi anatanga kiri na mugala wage, libe ituulo lyoꞌkusiriiza. Anakizi yifunda mu byaꞌmaleere, iri anakizi laguza, noꞌkuhanuusa ábali mu ganuuza imizimu, naꞌbalozi. Âli kizi yifunda mu bihigo bingi imbere lya Nahano, halinde anamúraakaza bweneene.

2 Baami 22:17

Ubute bwani hiꞌgulu lyeꞌYerusaleemu, bugakayuuka, butaganaki hooha. Mukuba, yabo bandu keera bakanjanda, banakola mu yokera imigisi umubadu, banakoli nyagaziizi, mu kukizi giyibaajira”

Zaburi 31:6

E Nahano, nasikiiriza uburambe bwani mu maboko gaawe. Kwokwo, bwo uli Rurema woꞌkuli, unguluule.

Zaburi 78:58

Banayubakira imigisi yabo imbeero. Kwokwo, kwo bakayagaza Rurema, anagwatwa noꞌluugi.

Hisaaya 65:3

Bali mu ngyokola bweneene ubwakya-ubwayira. Bali mu shiiba mu ndalo zaabo bagweti bagayikumba imigisi. Banakizi giyokera umubadu ku tutanda tuyubake naꞌmatafaari.

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Yeremiya 18:15

Halikago abandu baani, boohe, keera bakanyibagira. Bagweti bagayokera imizimu umubadu. Injira nyiija yo bâli tuuziri mwo, keera bakagijanda, banakola mu vujuuka mu mishodoko.

Yeremiya 2:11

Aahago! Ka hali abandu ábakagomboola imigisi yabo, mbu bayabiirage igindi? Aahabi! Iyo migisi, abandu batangagigomboola kundu yoshi iri ya busha-busha! Halikago abandu baani boohe, keera bakanjanda, na ndi nie mwene ubulangashane. Bagweti bagakizi yikumba imigisi, kundu ndaako kamaro ihiiti.

Yeremiya 5:7

Nahano adetaga kwokuno: «E batuulaga beꞌYerusaleemu, kituma kikagi nangaki mùkejeerera? Si kiri naꞌbaana biinyu keera bakanjanda! Banakola mu kizi biika indahiro kwiꞌziina lyeꞌmigisi, itanakwiriiri ukuyikumbwa. Kundu nâli kizi mùheereza ngiisi íbyâli kizi mùgoora, halikago mwanakizi yifunda mu bushule. Mwanâli kizi shiiba mu nyumba zaꞌbashule.

Yeremiya 7:18

Abaana bali mu sheenya ishaali. Bayishe banazitwane mwoꞌmuliro, abakazi nabo banakizi kaata umushyano, banagulingaanie mweꞌbitumbula, gira baholeze umuzimu mukazi Mugoli wa kwiꞌgulu. Banakola mu nyaagaza bweneene, mu kutangira imizimu yabo amatuulo geꞌdivaayi.

Yeremiya 8:19

Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Hezekyeri 8:3

Anagolola íbiri nga kuboko, anangwatira ku mushaku. Umutima gwa Rurema gwanandengeza hiꞌgulu lyeꞌkihugo, gwanayami ndwala halinde i Yerusaleemu. Nâli ki riiri mu kati kaꞌmabone ga Rurema. Nanahikaga ha mulyango gweꞌmbembe, ho bali mu yingirira mu lubuga lweꞌkati lweꞌnyumba ya Rurema. Na mu yulwo lubuga, mwâli teresirwi umugisi, úgwâli tumiri Rurema agateerwa noꞌluugi.

Yona 2:8

E Nahano, iri nꞌgabonaga kwo ngola ngaafwa, nanakukengeera. Nanayami kutabaaza, kwo uli mu nyumba yawe ndaluule.

Mikolezi 11:15

«Aaho! Iri nꞌgaba ngi tondiiri ukuganuulira yabo bandu, lyeryo ngana Umutima Mweru gwanabashonookera kwo, nga kwokulya nyiitu, gukatushonookera kwo ku ndondeko.

Mikolezi 14:15

«E bashosi, lekagi maashi, mwe kongwa mwe! Si na nyiitu tuli bandu nga mwe! Tunali mu mùmenyeesa Imyazi Miija, gira mutwikire ku magambo mwene yaga ga busha-busha! Munabaagage bandu ba Rurema úli mugumaana. Si ye kabumba igulu, neꞌkihugo, neꞌnyaaja, na íbibiri mwo byoshi.

Barumi 10:19

Nabuuzagya kandi: Balya Bahisiraheeri, ka batakasobanukirwa? Tutee lola ku magambo go Musa akadeta, kwokuno: «Ngakoleesa abandu ábatali ba mu mulala nirizina, banabe ndaabyo bayiji, gira lyo nimùvyule mwoꞌluugi, munayagalwe.»

Barumi 9:25

Biri nga kwo Rurema adesiri mu kitaabo kya Hosheya, kwokuno: «Abandu, kundu bangaba batali beꞌmwani, haliko ngabahamagala kwo bali bandu baani. Kiri noꞌmulala gwo ndakuuziri buno, ngaki deta kwo bakola bakundwa baani.»

1 Bakorindo 10:22

Ka tuloziizi ukuteera Nahano uluugi? Kandi iri, ka mutoniri kwo twe tuhiiti imisi ukumúhima?

Bukengeeze 32:16

Abahisiraheeri bakamúvyula mwoꞌluugi, mu kuyikumba ibindi-bindi íbiri mu yikumbwa. Bakamúyagaza, mu kukizi biyikumba, binali bya kuyagazania naaho.

Bukengeeze 32:17

Bâli kizi tangira imizimu amatuulo goꞌkusiriiza, itanali ye Rurema. Si iri migisi yo batashubi yiji. Yâli riiri mihyahya, ítayijikiini. Kiri na bashokuluza baabo, batakagimenya.

1 Samweri 12:21

«Si imigisi, bwo iri mizira kamaro, yohe mukizi gitwikira kwo. Mukuba, itangamùgashaanira, itanganamùkiza. Si iri tufwa-busha naaho.