Bukengeeze 32:11 - Kifuliiru

¹¹ Anaba nga nyunda úli mu hinda hiꞌgulu lyeꞌngisha yayo, agweti agakomeereza ibyana byage ukubalala. Ali mu yajuula ibyubi, gira abitege, anabitwale ku byubi byage.

Bukengeeze 32:11 ပူးပေါင်းရင်းမြစ်များ

Ndondeko 1:2

Ikihugo kyâli riiri kimaata, kitanâli riiri neꞌnjusho yoshi. Ikihulu namudidi kyâli yidisiri hiꞌgulu lyaꞌmabenga gaꞌmiiji. Noꞌmutima gwa Rurema gwâli kizi leera hiꞌgulu lyago.

Zaburi 18:10

Rurema anayanuula igulu, anashonookera haashi, atabisiri ibibungu biiru mwiꞌdako lyaꞌmagulu gaage.

Kulyoka 19:4

“Mwenyene, keera mukabona ngiisi kwo nꞌgagirira Abamiisiri. Neꞌkyanya nꞌgamùleeta hano, nâli kizi mùleeta nga kwo nyunda ali mu twala abaana baage ku byubi.

Hisaaya 31:5

Nga kwoꞌtunyuni tuli mu balala mu kyanyaanya, mu kulanga ingisha, kwo na kwokwo, Nahano agakizi langa i Yerusaleemu. Ee! Agakizi gihahalira, iri anagishuutira, halinde anagiguluule.»

Hisaaya 40:31

Halikago, ikyanya bali mu biika Nahano kwoꞌmulangaaliro, lyeꞌndege ziri mu kana buhyahya. Banabe nga nyunda úgweti úgakizi balala buzira kushagaania ibyubi hiꞌgulu. Yabo batabana, kundu bangasuula umulindi, batagaluha. Na kundu bagayitonda, batangahola.

Hisaaya 46:4

Nganayama ndi Rurema winyu, halinde ku kyanya mwâye be bashaaja, munabe mukoli hiiti invwi. Ee! Nie kamùbumba. Kwokwo, ngakizi mùkuya-kuya, na ngizi mùtengetera, na ngizi na mùkiza.

Hisaaya 63:9

Ku kyanya Abahisiraheeri bâli kizi longa amakayu, naye, bâli kizi galongera kuguma. Anabakiza, mu kubalungikira umuganda. Na bwo abakuuziri, kyanatuma agakizi bayuvwirwa indengeerwa, anabaguluula. Âli kizi batengetera, iri anababetula.

Yeremiya 13:11

«Nga kwoꞌmundu ali mu shweka umukaba mu kibuno, kwo na kwokwo naani nꞌgashweka Abahisiraheeri naꞌBayuda, gira bakizi ba bandu baani. Kwokwo, lyo bamenyekane kwiꞌziina lyani, linakizi yivugwa mu kati koꞌlushaagwa. Halikago, batanandwaza.» Kwokwo, kwo Nahano adesiri.

Hosheya 11:3

Nienyene, nie kamúyigiriza ukugenda, nanakizi músholera, mu kumúgwatira ku maboko. Kundu kwokwo, ataki bwinagi kwo nie kamúlera! Atanaki ndwaziizi.

Bukengeeze 33:12

Ku luhande lwa beene Binyamiini, Musa anadeta: «Nahano, akuuziri umulala gwa Binyamiini. Ali mu bazunguluka mu kubalanga. Rurema wage atali mu luha mu kumúkingira, anatuuziri mu migazi yage.»

Baheburaniya 11:3

Ku njira yoꞌbwemeere, kwo tuyijagi kweꞌbindu byoshi bikabumbwa mu kukyula kwa Rurema. Ee! Byoshi íbiri mu boneka, akabibumba mu bitâli bonesiri.

Bwigule 12:14

Haliko, ulya mukazi anahaabwa ibyubi bibiri íbiri nga bya nyunda-mashiiji, gira abalalire mwiꞌshamba heꞌyo daragooni itangahika. Hanali ho Rurema âli mali gwanwa amúteganulira, kwo ho agakizi múlangira ku myaka ishatu neꞌmyezi irindatu.

Bwigule 12:4

Irya daragooni, yanazunguza umukira. Gwanayami maanyula ikihande kiguma kya kashatu kyeꞌndonde. Yanazivugumulaga mu kihugo. Yanagenda áhali uyo mukazi, gira itegeere umwana ye agaabuta, ikamúbakule.