Bukengeeze 31:18 - Kifuliiru

¹⁸ Na kundu bayiganyire mwene yukwo, si ngagenderera naaho ukubabisha amalanga gaani. Mukuba, bagaaba bakola mu gira amabi bweneene, mu kuhindukira ibindi-bindi íbiri mu yikumbwa.

Bukengeeze 31:18 ပူးပေါင်းရင်းမြစ်များ

2 Baami 22:13

«Bwo keera twabona kino kitaabo, mugendi hanuusa Nahano hiꞌgulu lyani, na hiꞌgulu lyaꞌBayuda booshi, gira tulonge ukusobanukirwa na íbiri mwo. Si ngiisi íbiyandisirwi mwo, balya bashokuluza biitu batâli kizi bisimbaha. Kyo kitumiri Nahano akoli turakariiri bweneene.»

Kulyoka 34:15

Kwokwo, ngiisi ábatuuziri mu kirya kihugo kyabo, hatagire kihango kyo muganywana mwe nabo. Mukuba, imigisi yabo, ikyanya bali mu giyikumba, banagitangire amatuulo, niinyu bangamùlaalika. Munakengeere mwalya ku yago matuulo gaabo.

Hisaaya 48:8

Kundu kwokwo, mutazindi nyuvwa, kandi iri kusobanukirwa. Kiri na yaho keera, mutâli kizi ndega amatwiri. Nduula nimùyiji, kwo mulyagagi ngulani. Ukulyokera ho mukabutirwa, muyamiri mugweti mugaahuna naaho.

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Hisaaya 64:7

Kundu kwokwo, e Nahano! Si we Daata! Tuli ngiꞌbumba. Naawe uli mubuuvi. Tweshi, we katulema naꞌmaboko gaawe.

Yeremiya 33:5

Kundu kwokwo, bitagaaziga! Iyo munda, inyumba ízisigiiri yo, zigayijula mweꞌbirunda byaꞌbandu. Mukuba ngabayitiisa ku buraakari bwani. Yaka kaaya, bwaꞌbandu baako babihuusiri bwenene, ngatee kajandirira.

Hezekyeri 39:23

«Ibinyamahanga bigaamenya kwo íbitumiri Abahisiraheeri bakatwalwa imbohe mu bindi bihugo, bwo bâli bihuusiri imbere lyani. Kwokwo naani, nanabahindulira ingoto, nanaleka abagoma bakizi bayita mwiꞌzibo.

Bukengeeze 31:19

«Buno, e Musa mwe na Yoshwa! Muyandike luno lwimbo, munaluyigirize Abahisiraheeri. Nabo, banalusingule mu mitima, gira lukambeere kamasi.

Bukengeeze 32:20

Anadeta: “Yaba, bakoli bihuusiri ngana-ngana. Batanali bemeera. Kwokwo, ndagaki batanduula. Aaho! Leka tulole ngiisi ho bagaherera.

Batwi beꞌmaaja 2:17

Kundu kwokwo, balya Bahisiraheeri batâli kizi batwaza, banaba nga bashule, mu kukizi yikumba imigisi yeꞌmahanga. Kundu bashokuluza baabo bâli kizi simbaha Nahano, si abaana baabo boohe, bâli kizi mútenguha.