Bukengeeze 30:3 - Kifuliiru

³ Haaho, lyo Nahano, Rurema winyu agashubi mùgirira amiija, mu kumùyuvwirwa indengeerwa, anashubi mùkuumania mu milala yo akamùshabulira mwo.

Bukengeeze 30:3 ပူးပေါင်းရင်းမြစ်များ

Ndondeko 28:15

«Yuvwagwa! Tuyamiinwi. Ngiisi ho ugagenda, ngakizi kushuutira. Ha nyuma, na njubi kugalulira mu kino kihugo. Ndâye kujandirire. Neꞌmihango yoshi yo nꞌgakulagaania, ngagikwiza.»

Ndondeko 48:21

Ha nyuma, Yakobo anabwira Yusefu: «Lolaga, e mwana wani! Ngola ngaafwa. Kundu kwokwo, Rurema, mugayamanwa, anashubi mùgalulira mu kihugo kya bashokuluza biinyu.

1 Kutondobola 16:35

Muyiberekanie, ti: «E Rurema, Lukiza witu! Utukizagye maashi! Utukuumanie, unatukize mu binyamahanga, gira lyo tukizi huuza iziina lyawe, kwo liri lyeru. Ee! Tugakizi yiyuvwa, mu kukuyivuga.»

Nehemiya 1:9

Haliko, iri mwangangalukira, munasimbahe imaaja zaani, ngamùkuumania. Kundu mwangaba mukatwalwa ku mbeka yeꞌkihugo, ngashubi mùgalulira i Yerusaleemu. Mukuba, haaho ho nꞌgatoola kwo ngizi yikumbirwa.”

Hayubu 42:10

Uyo Hayubu, iri akaba keera ahuunira biira baage, Nahano anamúgalulira ibindu byage byoshi, nga kwo âli bihiiti ubwa mbere. Ee! Anamúheereza ubugira kabiri kaabyo.

Zaburi 107:3

Ee! Akamùshaaza mu mahanga gooshi, ukulyoka uluhande lweꞌsheere, na lweꞌmuga, na lweꞌmbembe, na lweꞌkisaka.

Zaburi 147:2

Ikyanya Abahisiraheeri bakaba keera bashaabuka mu mahanga, Nahano anabakuumania, gira bahunguuke. Kiri naꞌkaaya kaabo keꞌYerusaleemu, anakashakuulula.

Hisaaya 27:12

Kundu kwokwo, ku yikyo kyanya, Nahano agatondeera ukukuumania abandu baage, muguma-muguma, nga kwo bali mu hulumula ingano. Balya bandu, bagalyokera ku lwiji Hefuraati, halinde ku lubibi lweꞌMiisiri.

Hisaaya 43:5

«Aahago! Bwo tuliriinwi, mutayobohe. Mwe naꞌbaana biinyu, ngamùgalula ukulyoka isheere, noꞌkulyoka imuga, ninamùkuumanie imwani.

Hisaaya 54:7

Yikyo kyanya nꞌgakujanda, zâli riiri siku ngerwa naaho. Halikago ngola ngashubi kugalula, bwo ndi munandengeerwa bweneene.

Hisaaya 56:8

Balya Bahisiraheeri ábâli koli huuziri, Nahano Rurema akoli gweti agabakuumania, iri anadetaga kwokuno: «Ngaki kuumania abandi, gira bayiji yibiika ku bandu bo keera nakuumania.»

Yeremiya 12:14

Nahano adetaga kwokuno: «Yibyo binyamahanga bibi íbituuziri ha butambi lyaꞌbandu baani Abahisiraheeri, keera byashereeza ikihugo kyo nꞌgabaheereza. Ku yukwo, nabyo ngabishikula mu bihugo byabyo. Na ngize beene Yuda mu maboko gaabyo.

Yeremiya 23:3

Nahano ashubi detaga kwokuno: «Yabo bandu baani, kundu nꞌgabayimula mbu bagendi tuula i mahanga, haliko ngiisi ábaki sigiiri yo, nienyene ngaki bakuumania, na njubi bagalulira mu kihugo kyabo. Kwokwo, banashubi kizi buta, halinde banayushuuke. Ha nyuma, mu bandu baani, na ndoole mweꞌbindi birongoozi. Byohe, bigakizi bahahala. Batagaki yoboha, kandi iri kuhuumirwa. Ndaanaye úgaki teereka.

Yeremiya 29:14

Neꞌkyanya mugambona, ngamùlyosa mu mbohe. Kundu nie kamùyimula mu kino kihugo, na ndi nie wâli mùshabwiri, haliko ngashubi mùkuumania, na njubi mùgalulira hano.” Kwokwo, kwo Nahano adesiri.

Yeremiya 31:10

Mwe binyamahanga! Yuvwagwi ngiisi kwo Nahano atubwira. Iyo ndumwa yage, mukizi gimenyeesa mu batuuziri hala, ha butambi lyeꞌnyaaja. Mukizi babwira: «Kundu Nahano akashabulira Abahisiraheeri mu mahanga, halikago buno, akola agashubi bakuumania. Agakizi bakuya-kuya, nga kwoꞌmungere ali mu kuya-kuya ibibuzi byage.»

Kimombo 3:22

Urukundo lwa Nahano lutali mu heka. Na bwo atukuuziri bweneene, tutazi mirwa lwoshi-lwoshi.

Kimombo 3:32

Kundu angamújengeeza, si akiri mu múyuvwirwa ikimino. Ayamiri amúkuuziri bweneene, buzira kumúlekeerera.

Hezekyeri 11:17

«Ku yukwo, ubabwire kwo Rurema Nahamwabo adetaga kwokuno: Ngamùkuumania mu mahanga, ngiisi ho mushabukiiri. Ha nyuma, ninamùgalulire mu kihugo kiinyu kyeꞌHisiraheeri.

Hezekyeri 36:24

«Ngamùlyosa mu mahanga gooshi, ninamùkuumanie kuguma, halinde ninamùgalulire mu kihugo kiinyu.

Hezekyeri 39:28

Haaho, lyo bagaamenya ku kasiisa, kwo nie Nahano Rurema wabo. Mukuba nie kabatwala imbohe mu mahanga. Nie nashubi na bagalulira mu kihugo kyabo. Ndaanaye kiri noꞌmuguma wabo ye ngaasiga.

Mika 7:19

Uganashubi tuyuvwirwa indengeerwa. Ibyaha biitu ugabilibata-libata mwiꞌdako lyaꞌmagulu gaawe, ukabuli bilasha mu kalingi keꞌnyaaja.

Zakariya 10:9

Kundu nꞌgabashabulira mu mahanga, nga kwoꞌmundu ali mu biba imbuto, halikago bagakizi ngengeera iyo munda bali. Ikyanya bagaaba keera bakira, kuguma naꞌbaana baabo, lyo bagashubi galuka mu kihugo kyabo.

Barumi 11:23

Yabo Bahisiraheeri kwakundi, iri bangashubi yemeera Rurema, agashubi bananika kandi. Mukuba, Rurema ashobwiri ukushubi bananika.

Barumi 11:26

Kwokwo, lyaꞌBahisiraheeri booshi, nabo bagakizibwa, nga kwo biyandisirwi mu Mandiko Meeru, kwokuno: «Mu kaaya keꞌSayuni, mugalyoka Lukiza. Agagalulira beene Yakobo imwa Rurema.

Barumi 11:31

Na bwo mukola mu lubonerwa, kyo kitumiri boohe, batali mu músimbaha, halinde lyo nabo, bakalonge ukulubonerwa.

Bukengeeze 13:17

Mukuumanie ibindu byoshi, munabilunde haꞌbandu bali mu kuumanira, munabiyokye kuguma naꞌkaaya kooshi. Yibyo bindu, bibe ngiꞌtuulo lyoꞌkusiriiza imwa Nahano, Rurema winyu. Yako kaaya, kagayama biguuka halinde imyakuula. Katanâye ki shubi yubakululwa.

Bukengeeze 4:27

«Nahano agamùshabulira mu mahanga. Neꞌyo munda, mugasigala bagerwa naaho.