Bukengeeze 3:22 - Kifuliiru

²² Abandu beꞌyo munda, mutakizi bayoboha. Si Nahano yenyene, ye gamùlwira.”

Bukengeeze 3:22 ပူးပေါင်းရင်းမြစ်များ

2 Kutondobola 13:12

«E balya, Rurema ali kuguma na nyiitu, anali ye mu turongoora. Abagingi baage, bakola bagadihiriza ibibuga, banaturongoore mwiꞌzibo, gira tumùteere. E maashi Bahisiraheeri! Muleke ukuhagana na Nahano Rurema wa bashokuluza biinyu. Si mutagamúhima!»

2 Kutondobola 20:17

Mutali mwe mugabalwisa. Mugwanwe naaho mukoli yimaaziri ho. Kwokwo, munalindire, halinde mubone ngiisi kwo Nahano agamùhimira. E maashi bandu beꞌBuyuda, naꞌbeꞌYerusaleemu! Mutayobohe, mutanashenguke imitima. Kusheezi, mugendi balangiiza naaho. Nahano, mugayamanwa.”»

2 Kutondobola 20:29

Abandu baꞌmaami gooshi, mbu bayuvwe ngiisi kwo Nahano keera ahima abagoma baꞌBahisiraheeri, banayami gwatwa neꞌkyoba bweneene.

Zaburi 44:3

Wâli kizi koleesa ubushobozi bwawe, mu kuyimula abandu beꞌmahanga, wanabahaniiriza bweneene. Ahandu haabo, wanahabiika bashokuluza biitu, wanakizi bagenduusa.

Kulyoka 14:14

Nahano yenyene agamùlwira. Kwokwo, mukwiriiri mutuuze naaho.»

Kulyoka 14:25

Yago magaare, Nahano anakizi hangatiiza amapine gaago. Kyanatuma gagakizi genda ku makayu, banatondeeza ukuyamiza: «E balya, yaba Bahisiraheeri, tubatibite. Si Nahano yenyene agweti agabalwira!»

Muharuuro 21:34

Kundu kwokwo, Nahano anabwira Musa: «Uyo mwami Hoogi, utamúyobohe. Keera namúbiika mu maboko gaawe, kuguma naꞌbasirikaani baage booshi, kiri neꞌkihugo kyage. Ugamúgira nga kwo ukagira mwami Sihooni, waꞌBahamoori, úwâli tuuziri i Heshibooni.»

Bukengeeze 1:30

Si Nahano, Rurema winyu ali mu genda imbere liinyu. Yenyene agamùlwira, nga kwokulya akamùgirira irya munda i Miisiri,

Bukengeeze 20:1

«Hali ikyanya mwangagendi lwisa abagoma biinyu, munabone kweꞌfwarasi zaabo zihimiri izeꞌmwinyu. Kiri naꞌmagaare gaabo, naꞌbasirikaani, nabyo byo bihimiri ibyeꞌmwinyu. Kundu kwokwo, mutagire mbu muyobohe. Si Nahano, Rurema winyu keera akamùlyosa i Miisiri, munaki ririinwi!

Bukengeeze 20:4

Si Nahano, Rurema winyu muyamiinwi! Ye gagwanwa amùlwikiza abagoma biinyu, anamùhimire.”

Bukengeeze 3:21

«Ku kyekyo kyanya, nanakomeereza Yoshwa: “Keera wayibonera ngiisi kwo Nahano Rurema wawe akayita balya baami babiri baꞌBahamoori. Kwo na kwokwo, kwo aganagira naꞌbaami beꞌkihugo kyo mugajabukira mwo, i kajabo keꞌYorodaani.

Bukengeeze 3:23

«Ku yikyo kyanya, nanahuuna Nahano, ti:

Yoshwa 10:42

Akabahima booshi, kuguma naꞌbaami baabo. Ku kyekyo kyanya kiguma, anabanyaga ibihugo byabo. Mukuba, Nahano Rurema waꞌBahisiraheeri, ye wâli kizi balwira.

Yoshwa 23:10

Umundu muguma mu kati kiinyu, agakizi lwisa abagoma kihumbi, anabayimule. Mukuba, Rurema Nahamwinyu ye gweti úgamùlwira, nga kwo âli mali gwanwa amùlagaania.