Bukengeeze 29:18 - Kifuliiru

¹⁸ «Yago madaaki, hali ikyanya muguma winyu angagayuvwa, anayidese, ti: “Kundu ndi mu haasa-haasa mu bitali nga byo, ndaalyo igoorwa. Ngatuula naaho mu butoge.” Ehee! Kundu angaba agweti agaadeta kwokwo, si agayikululira umwama. Kiri naꞌbandu biija, nabo agabaleetera gwo.

Bukengeeze 29:18 ပူးပေါင်းရင်းမြစ်များ

Zaburi 10:13

E Rurema, kituma kiki nangora-mabi agweti agakushekeereza? Si agweti agakubwira, mbu: «Ndaakwo ugweti ugangira.»

Zaburi 69:21

noꞌkukizi nduka. Keera navunika umutima, na ngoli shengusiri. Ngweti ngalooza umundu woꞌkumboleeza, si ndaaye úli ho, kiri noꞌmuguma!

Yeremiya 23:15

Yabo baleevi beꞌYerusaleemu, Nahano woꞌbushobozi bwoshi, adetaga kwokuno hiꞌgulu lyabo: «Yabo baleevi, bo batumiri abandu baani bakoli himbusiri mu kino kihugo kyoshi. Kwokwo, ngabaliisa ibyokulya bilulu, na mbanywese umubamba.»

Yeremiya 23:17

«Balya bandu banjombiri, banali mindagabika. Bali mu kizi gira nga ngiisi kwo baloziizi. Kundu kwokwo, bali mu hendana, ti: “Nahano adesiri kwo mugakizi longa umutuula! Ndaakyo kiteero mwâye longe!”

Yeremiya 8:14

Abandu ba Rurema banabuuza: «E balya, kituma kiki tuki bwatiiri hano? Leka tugendi yingira mu twaya tuzitire, mube mwo tugaafwira. Si keera tukahubira Rurema Nahamwitu! Keera anatwa uluhango, kwo atuminike. Keera atuheereza amagoloovi ágali mwo kolobwe, mbu tunywe.

Yeremiya 9:15

Ngabashabulira mu mahanga gooshi, ngiisi ho batayiji. Kiri na bashokuluza baabo, batakahamenya. Ngabalandiriza nvumbiiti ingooti, halinde mbazimiize booshi-booshi.»

Hosheya 10:4

Yabo Bahisiraheeri bagweti bagalagaania amagambo ga kwingi-kwingi, banali mu gabiika kweꞌndahiro zeꞌkinyoma. Kwokwo, mu kutwa imaaja, ukuli kukola mu bambalwa, nga kishuka íkimeziri mu ndalo mbinge, kinali mwo kolobwe.

Hamoosi 6:12

Aahago! Keꞌfwarasi zangagirigimba ku lwajwe? Kandi iri, kaꞌbandu bangakoleesa ingaavu mu kululima kwo? Aahabi! Haliko mwehe, keera mwahindula ukuli, kube nga kolobwe. Na ngiisi íbikwaniini, mwabihindula bibe bilulu.

Mikolezi 8:23

Nabona kwo ukiri mwoꞌluugi! Neꞌbyaha byawe, bikoli kushwesiri.»

Bukengeeze 29:19

Umundu mwene uyo, ku kasiisa Nahano atâye múkoge. Si agayami múrakarira, anamúbiike kwaꞌmadaaki gooshi ágadesirwi mu kino kitaabo. Nahano aganayami zimya iziina lyage mu kihugo.

Bukengeeze 32:32

Abagoma biitu bali ngoꞌmulandira úgwabyalwa mu ndalo zeꞌSoodoma na zeꞌGomora. Bali nga muzabibu úguli neꞌmihuli milulu, inali mwo kolobwe.

Baheburaniya 12:15

Mukizi ba masu! Hatagirage muguma winyu úgateera ubugashaane bwa Rurema! Mutanaleke umundu abe ngiꞌsina lilulu mu kati kiinyu. Mukuba, mwene uyo, angaleeta akalugi mu bandu bingi, anabayulubaze.

Baheburaniya 3:12

Kwokwo, e beene witu! Mukizi yilanga bwija, hatagire muguma winyu úgaaba noꞌmutima gwaꞌkazingati. Mutabe bandu bazira bwemeere, mbu mujandagire Rurema úli mugumaana.