Bukengeeze 26:10 - Kifuliiru

¹⁰ Kwokwo buno, ngoli tuuziri mu kihugo kyo Nahano akambeereza, keera nanayeza. Kyo kitumiri namúleetera lino itomola.” «Iyo mimbu, uyo mundu agitereke imbere lya Nahano, Rurema winyu, anafukame mu kumúyikumba.

Bukengeeze 26:10 ပူးပေါင်းရင်းမြစ်များ

1 Kutondobola 29:14

Haliko, niehe ndyagagi nga nyandi? Kiri naꞌbandu baani, bali banyandi, halinde tukutangire kwoku ku mutima úgushenguusiri? Si ibindu byoshi bilyosiri imwawe! Kwokwo, yibi byo twakutangira, biri byeꞌmwawe wenyene.

Zaburi 22:27

Abakeni bagayiji lya, banayigute. Kwokwo, ngiisi ábagweti bagalooza Nahano, bagakizi múyivuga, banalonge ukulama imyaka neꞌmyakuula.

Zaburi 22:29

Mukuba yago mahanga gooshi, Nahano ye gatwaziri.

Zaburi 86:9

Si we kabumba abandu baꞌmahanga gooshi! Booshi bagakizi yiji kuyikumba, banakizi menyeesania ubulangashane bwiꞌziina lyawe.

Zaburi 95:6

Aaho! Bwo Nahano ye katubumba, muyijage, tuyiname imbere lyage, mu kumúyikumba, tukizi múfukamira.

Kulyoka 22:29

Mukizi gira kwokwo na ku ngaavu ya mbere ukubutwa, kiri na ku byanabuzi biinyu. «Yabo baana beꞌbitugwa, muleke batee mala isiku zirinda bali ku banyina. Haliko, ku lusiku úlugira umunaana, munabandangire.

Kulyoka 23:19

«Ikyanya muli mu yimbula, mutangage itomola imwa Nahano, Rurema winyu. «Na kwakundi, mutadeekere ikyanabuzi, kandi iri kyanahene, mu mata ga nyina.

Migani 10:22

Ikyanya Nahano ali mu tugashaanira, tuli mu gala. Atanali mu yushuula ubugale bwitu kwaꞌmalibu.

Migani 3:9

Ukizi simbaha Nahano ku bindu byawe, unakizi mútomoza ku mwimbu gwawe.

Hisaaya 66:23

Abandu booshi bakwaniini bakizi yiji nyikumba, ku ngiisi lusiku lukulu lweꞌmbaluko yoꞌmwezi, na ku ngiisi lusiku lweꞌSabaato.

Barumi 2:1

Ewe! Kundu ugweti ugatwira uwinyu ulubaaja, haliko na wenyene ulyagagi muhubi! Ee! Ikyanya ugweti ugatwira uwinyu ulubaaja kwo agira amabi malebe, uli mu ba waluyitwira wenyene. Mukuba, na naawe uli mu gira gaago-gaago!

1 Bakorindo 10:31

Nangashuvya: «Ngiisi byo ugakizi gira, kuba kulya, kandi iri kunywa, kandi iri ngiisi bindi byoshi, ukizi bigira ku njira yo Rurema agakizi yivugwa mwo.»

Bukengeeze 18:4

Munakizi batomoza ku mimbu yinyu yeꞌngano, na yeꞌdivaayi, na yaꞌmavuta, kiri na ku bwoya bweꞌbibuzi byo mugaaba mwakema.

Bukengeeze 26:17

Zeene, mwalagaania Nahano kwo ye gaaba Rurema winyu, na kwo mugakizi kola nga ngiisi kwo aloziizi, iri munasimbaha imaaja zaage, neꞌmigeeza yage naꞌmategeko gaage. Kwokwo, ukizi músimbaha.

Bukengeeze 26:2

ngiisi muguma winyu akizi yabiira itomola lyeꞌmimbu yo ayeza. Iyo mimbu, agibiike mu lugega, anagitwale mu kaaya ko Nahano agaaba atoola kwo akizi yikumbirwa mwo.

Bukengeeze 26:4

«Yulwo lugega, uyo mugingi agaluyabiira, analutereke ku katanda ka Nahano, Rurema winyu.

Bukengeeze 8:18

Nanga maashi! Mukengeere kwo Nahano, Rurema winyu, ye mu mùshoboleesa ukugala. Na kirya kihango kyo akanywana na bashokuluza biinyu, akiri mu kisimbaha halinde zeene.

Bwigule 22:9

Haliko anambwira: «Uleke! Si twembi tuli bakozi ba Yesu, tuli kuguma naꞌbandi beene winyu abaleevi, kiri naꞌbandi booshi ábasimbahiri yaga magambo ámayandike mu kino kitaabo. Rurema naaho, abe ye ugakizi yikumba!»