Bukengeeze 24:15 - Kifuliiru

¹⁵ Yuvwagwa! Bwo ali nakahuku, iyo mbembo imúgooziri. Ku yukwo, ukizi múhemba ngiisi lusiku, mutanakizi lindirira mu hihwehwerwe. Mukuba, iri angatakira Nahano hiꞌgulu lyawe, ugabonekana kwo uli munabyaha.»

Bukengeeze 24:15 ပူးပေါင်းရင်းမြစ်များ

Hayubu 31:13

«Umukozi, kandi iri muja-kazi wani, iri nangabiiri nabanyaga ukuli kwabo, ninayami lahira ukubayuvwa,

Hayubu 31:38

«Indalo yani, iri yangandeziri kwo nagihubira, kiri niꞌringo, iri lyangabiiri liri mu nzimulira mbu ndi munamahube,

Hayubu 34:28

«Yabo bandu, bali mu liza kiri naꞌbakeni, halinde amalira gaabo, Rurema yenyene ali mu gayuvwa.

Hayubu 35:9

«Abandu, ikyanya bagweti bagalibuzibwa, bali mu lira ku kimombo, banali mu batabaaza abakulu, mu kugongeera bweneene.

Hayubu 7:2

Tunali nga baja ábayifwijiri ikimbehwa, na ngoꞌmukozi úgweti úgalindirira kwo ahembwe.

Zaburi 24:4

Ábahangwirwi ukugenda yo naaho, babe bandu baꞌmaboko gaabo gali shululu, neꞌmitima yabo, inabe iyeruusiri. Batagweti bagayikumba imigisi, batanali mu biika indahiro zeꞌbibeesha.

Zaburi 25:1

Izaburi ya Dahudi. E Nahano, ngweti ngayitanga imwawe,

Zaburi 86:4

Ndi mukozi wawe, we na ngweti ngayihega kwo. Aaho! Ukizi njambaaza.

Hisaaya 5:7

Iyo ndalo yeꞌmizabibu, gulyagagi mulala gwaꞌBahisiraheeri. Neꞌmizabibu miija, bali bandu beꞌBuyuda. Nahano woꞌbushobozi bwoshi ye mwene yo, anâli gikuuziri bweneene. Yabo bandu, Nahano âli loziizi kwo bakulikirage imaaja zaage, banatuule ku njira íkwaniini. Si bâli kizi yamiza-yamiza naaho, mu kukomeresania, iri banakizi yitana.

Yeremiya 22:13

Nahano anadetaga kwokuno: «E mwami Yoyakimu, yayewe imwawe! Si ugweti ugayiyubakira inyumba nyiija ku njira yoꞌkugungana! Ugweti uganayubaka inyumba ízishoneriini kwo, mu kulyalyania abandi bandu. Unali mu koleesania ku kimaama, buzira mbembo,

Balaawi 19:13

«Mutakizi libuzania, kandi iri kuzimbana. Abakozi biinyu, mutakizi laalana imbembo zaabo halinde shesheezi.

Balaawi 25:35

«Uwinyu Muhisiraheeri, iri angakena, anabe atashobwiri ukuyitabaala, ukwiriiri ukizi mútabaala, nga kwo wangatabaala ikinyamahanga, kandi iri mubalama úshumbisiri mu kihugo kiinyu.

Malaki 3:5

Nahano woꞌbushobozi bwoshi, adetaga kwokuno: «Ha nyuma, ngayiji mùhana. Ngayami yiji lega abanamaleere, naꞌbashule, naꞌbanabinyoma, na ábagweti bagagunga imbembo yaꞌbakozi, na ábali mu kizi libuza banamufwiri neꞌfuuvi, na ábali mu nyima ibinyamahanga ukuli kwabyo, na ngiisi ábatali mu ndwaza.

Mataayo 20:8

«Iri hakaba kakola kahuuna-huuna, mwene indalo anabwira umwimangizi weꞌmikolwa yage, ti: “Ufulusagye abakozi! Na mu kubahemba, utondeerere ku bazinda, unayukize ku bataazi.”

Mariko 10:19

Si uyiji-yiji ngiisi kweꞌmaaja zidesiri: “Utakizi yitana. Utanakizi shuleha. Utanakizi zimba. Utanakizi besherana. Utanakizi gungana. Ukizi simbaha yisho na nyoko.”»

Bukengeeze 15:9

«Mukizi ba masu. Hatagirage úgaaba neꞌnzaliro mbi, ti: “Si umwaka gwa kalinda gwoꞌkuhotola imyenda guli hoofi! Ku yukwo, ndagamúkaaba.” Nanga! Uyo mwene winyu mukeni, mutamúlole neꞌkisuure, mbu lyo hataki gire hyo mugamúheereza. Iri mwangagira kwokwo, angakengeera amùlega imwa Nahano, munaboneke kwo muli banamahube.

1 Timoteyo 5:18

Mukuba, biri biyandike mu Mandiko Meeru: «Ikyanya ugakoleesa ingaavu mu kubugumula ingano, utakolwe kwo wakizi gishweka ikinwanwa, mbu itagilye kwo.» Biri biyandike na kwokuno: «Umukozi akwaniini akizi hembwa.»

Yakobo 5:4

Yuvwagwi ngiisi kwaꞌbakozi biinyu bagweti bagayamiza! Keera bakakola mu ndalo ziinyu, mutanabahemba. Neꞌkyanya bali mu mùyimbulira imimbu, nabo ukuyamiza kwabo keera kwayuvwikana mu matwiri ga Nahano woꞌbushobozi bwoshi!