Bukengeeze 2:7 - Kifuliiru

⁷ «Mukengeere ngiisi kwo Nahano, Rurema winyu akamùgashaanira mu byoshi byo mwâli kizi gira. Neꞌkyanya mwâli kizi yubuuba-yubuuba muꞌyo namuhirye wiꞌshamba, âli kizi mùlanga. Mwiꞌyi myaka makumi gana, mwanaba muyamiinwi. Ndaanahyo íhiteerwa ku shinda hyo mukabula.

Bukengeeze 2:7 ပူးပေါင်းရင်းမြစ်များ

Ndondeko 12:2

Ngakugira ubaagage mulala úguhimbiri, na ngizi kugashaanira. Iziina lyawe, ngakizi lilumbuusa. Hiꞌgulu lyawe, ngakizi gashaanira kiri naꞌbandi.

Ndondeko 24:35

Noꞌyo Hiburahimu, Rurema keera akamúgashaanira, anakola mugale bweneene. Keera Nahano akamúheereza inguuli zeꞌbibuzi, na zeꞌmbene, na zeꞌngaavu, kiri neꞌnguuli zeꞌngamiya, neꞌza bapunda. Na kwakundi, keera akalonga inooro nyingi, neꞌharija, kuguma naꞌbakozi, abashosi naꞌbakazi.

Ndondeko 26:12

Nahano anakizi gashaanira Hisake. Yugwo mwaka, iri akabyala imbuto zaage mu kihugo, anabeerwa, anayimbula ubugira kali igana.

Ndondeko 30:27

Haliko Labaani anashuvya: «Nakuyinginga, we kongwa, utee bwatala. Imbuko zambwira kwo hiꞌgulu lyawe, kyo kitumiri Nahano akangashaanira.

Ndondeko 39:3

Uyo Potifaari, naye âli bwini ngiisi kwo Nahano bâli yamiinwi, na ngiisi kwo âli kizi múgenduusa mu kati ka byoshi.

Ndondeko 39:5

Ukulyokera ku kyanya uyo Potifaari akagira Yusefu abe mwimangizi weꞌnyumba yage, na weꞌbindu byage byoshi, Nahano anakizi gigashaanira bweneene. Imigashani yage, yanaboneka yumwo mu nyumba, kiri na mu ndalo.

Nehemiya 9:21

Wanahisa imyaka makumi gana, ubalaaziri kwokwo mwiꞌshamba. Ku yikyo kyanya, ndaahyo bakabula. Ibyambalwa byabo, bitakahula. Kiri neꞌshando zaabo, zitakanaheema.

Hayubu 23:10

«Kundu kwokwo, Rurema ayiji-yiji ulugeezi lwani. Neꞌkyanya agangeza, agambona kwo ndi shululu, ngeꞌnooro muguuhya.

Zaburi 1:6

Amasu ga Nahano, gayamiri gali mu tanduula ábakwaniini. Si banangora-mabi boohe, injira zaabo ziri mu bahabura.

Zaburi 107:4

Yabo bandu baage, baguma baabo bâli gweti bagajeba-jeba mwiꞌshamba. Kundu bâli bagagendi tuula mu kaaya, haliko batanakabona.

Zaburi 31:7

Ikyanya abandu bali mu yikumbaga imigisi mizira kamaro, ndi mu bashomba bweneene. E Nahano, niehe mbiisiri umulangaaliro gwani imwawe.

Zaburi 90:17

E Rurema, Nahamwitu, ukizi tugashaanira. Ngiisi byo tuli mu gira naꞌmaboko giitu, ukizi tusikamiza byo. E waliha, irya mikolwa yaꞌmaboko giitu, ukizi gisikamya.

Kulyoka 16:35

Abahisiraheeri, bakamala imyaka makumi gana bagweti bagaalya imana, halinde ukuhisa ku kyanya bakahika mu kihugo kyeꞌKaanani. Mukuba, mu Kaanani, mwo bakashubi gwana ibindi byokulya.

Yeremiya 2:2

kwo ngendi menyeesa abatuulaga beꞌYerusaleemu, ti: «Ngi kengiiri kweꞌkyanya mwâli ki riiri nga muhya-kazi wani, mwâli nvitiirwi kwo bweneene. Mwâli njagalukiiri. Neꞌkyanya nꞌgamùleeza mwiꞌshamba, mwanakizi ngulikira, kundu ndaazo mbuto ízimeziri mwo.

Hosheya 13:5

Ikyanya mwâli riiri mwiꞌshamba, lyâli yumuusiri, halinde abandu banakizi nyooterwa. Kundu kwokwo, nâli kizi mùkuya-kuya bweneene.

Hamoosi 2:10

Nie kamùlyosa mu kihugo kyeꞌMiisiri, nanahisa imyaka makumi gana, ngweti ngamùrongoora mwiꞌshamba. Kwokwo, lyo mulonga ukuyabiira ikihugo kyaꞌBahamoori, kibe kyeꞌmwinyu.

Muharuuro 1:1

Ikyanya Abahisiraheeri bakahisa imyaka ibiri bashaaziri i Miisiri, bâli shumbisiri mwiꞌshamba lyeꞌSinaayi. Mu lusiku lwa mbere lwoꞌmwezi gwa kabiri, Nahano anaganuuza Musa mwiꞌheema lyeꞌmihumaanano, anamúbwira kwokuno:

Muharuuro 14:33

«“Yabo baana biinyu, bagaahisa imyaka makumi gana, bagweti bagajeba-jeba mwiꞌshamba, halinde ku kyanya mweshi mugaaba keera mwafwira mwo. Na íbitumiri bagakizi libuuka kwokwo, bwo mutâli riiri bemeera imwani.

Muharuuro 14:34

«“Balya bagahirizi, ikyanya bâli kizi gahiriza ikihugo, bakahisa isiku makumi gana. Kwo na kwokwo, mugaahisa yeyo myaka makumi gana, mugweti mugalibuuka hiꞌgulu lyeꞌbyaha biinyu. Neꞌkyanya mugalibuuka, lyo mugayiji menya kwo ngola mugoma winyu.

Muharuuro 22:12

Rurema anamúbwira: «E Balaamu, utakolwe mbu mugendanwe, bwaꞌBahisiraheeri bakoli gashaniirwi. Ku yukwo, utashubi gendi badaaka.»

Muharuuro 32:13

«Yabo Bahisiraheeri, kwokwo kwo Nahano akabarakarira, anabaleka bakizi genda bagayangaara mwiꞌshamba halinde ukuhisa imyaka makumi gana. Yikyo kibusi kyoshi íkikahubira Nahano, kyanahera.

Luka 22:35

Ha nyuma, Yesu anabuuza abigirizibwa baage, ti: «Ikyanya nâli kizi mùtuma buzira ludaha lweꞌfwaranga, na buzira ifumba, na buzira biraato, ka hali íbikamùgoora?» Banamúshuvya: «Ndaabyo!»

Yohana 10:27

Ibibuzi byani, mbiyiji-yiji. Biri mu nyuvwiriza, binali mu ngulikira.

Bukengeeze 1:19

«Ukukulikirana na ngiisi kwo Nahano, Rurema witu âli mali tukyulira, twanayimukaga yaho ku mugazi Horebu. Mwenyene mukayibonera ngiisi kwo tukalenga muꞌlya namuhirye wiꞌshamba, lyanâli kizi tuhahaza bweneene. Twanashokola injira, halinde mu migazi yaꞌBahamoori, twanahika i Kadeeshi-Barineya.

Bukengeeze 1:46

Mwanahisa isiku nyingi, mushumbisiri iyo munda i Kadeeshi.

Bukengeeze 2:14

twâli mali hisa imyaka makumi gashatu na munaana, ho tukalyokera i Kadeeshi-Barineya, halinde twajabuka ulwiji Zereedi. Ku yikyo kyanya, booshi ábâli lyosiri i Miisiri, beꞌkiimo kyoꞌkugenda mwiꞌzibo, bâli mali fwa, nga kwo Nahano âli mali gwanwa abiika indahiro.

Bukengeeze 2:6

Neꞌri mwangalonga ibyokulya imwabo, kandi iri magoloovi, mukwiriiri mubigule.”

Bukengeeze 29:4

«Akahisa imyaka makumi gana, agweti agamùrongoora mwiꞌshamba. Mwiꞌyo myaka, imirondo yinyu, kiri neꞌbiraato biinyu, bitakamùhulira kwo.

Bukengeeze 29:5

Ndaayo imikate yo mukalya. Mutananywa idivaayi, kandi iri ikindi kilalusa. Yibyo byoshi bikaba kwokwo, gira lyo mulonga ukumenya kwo niehe nie Nahano, Rurema winyu.

Yoshwa 5:6

Yabo Bahisiraheeri ábakalyoka i Miisiri bakola neꞌmyaka yoꞌkugenda mwiꞌzibo, batakasimbaha Nahano. Kyanatuma bagaahisa imyaka makumi gana, bagweti bagadalamba-dalamba mwiꞌshamba, halinde banaliherera mwo. Mukuba, Nahano akabiika indahiro kwo batagayingira mu kirya kihugo íkiyeziri mwaꞌmata noꞌbuuki, kundu âli mali kiheereza bashokuluza baabo.