Bukengeeze 16:19 - Kifuliiru

¹⁹ Mutakizi hengeka imaaja. Hatanagire indoola yo mugakizi gira mu bandu. Mutanakolwe kwo mwayakiira ikitulire. Mukuba, ikitulire kiri mu humaaza abitegeereza, halinde abandu ábakwiriiri banakengeere bahengeka imaaja.

Bukengeeze 16:19 ပူးပေါင်းရင်းမြစ်များ

Zaburi 15:5

Ali mu kaabana, buzira kutona kwo agayungulwa. Neꞌkyanya bali mu múshonga ikitulire, mbu lyo ahana umuzira buhube, ali mu kilahira. Yago miija gooshi, ngiisi úli mu kizi gagira, yehe atâye kakazibwe.

Kulyoka 18:21

«Haliko ku gindi mikolwa, mu yaba bandu booshi, utoolage mwo ábakwaniini, banabe basimbahiri Rurema, batanabe boꞌkutulirwa. Yabo bandu, uheereze baguma ubutwali bwoꞌkuyimangira abandu kihumbi-kihumbi, naꞌbandi abandu igana-igana, kandi iri bandu makumi gataanu-gataanu, kandi iri bandu ikumi-kumi.

Kulyoka 23:2

«Kundu abandu bingi bangakizi yifunda mu mabi, utabakulikire mu go. Neꞌkyanya mugakizi tanga ubumasi imbere lyaꞌbandu, mutakizi shovya ukuli, mu kukulikira ibibeesha byaꞌbandu bingi.

Kulyoka 23:3

«Ikyanya abakeni bagakizi kuleetera ulubaaja, utakizi bakundirira, mbu bwo bali bakeni.

Migani 15:27

Umundu munamahuku ali mu yingiza imbaga yage mwaꞌmakuba. Si úshombiri ikitulire yehe, agaalama.

Migani 17:23

Nangora-mabi ali mu yakiira ikitulire, gira agendi shobeka íbikwaniini.

Migani 18:5

Ukugingika banangora-mabi, butali bwija. Butanali bwija ukuyima umuzira buhube ukuli kwage.

Migani 24:23

Yaga magambo nago, gali gaꞌbitegeereza: Ikyanya mugaatwa imaaja, butali bwija ukizi kundirira baguma.

Migani 24:28

Utakizi tangira umutuulani wawe ubumasi bweꞌbibeesha. Utakizi múbangaaniza.

Migani 31:5

Si iri bangakizi laluka, bagakizi yibagira ngiisi byeꞌmaaja zidesiri, banakengeere bayima ábagoozirwi ukuli kwabo.

Mwigiriza 7:7

Kiri noꞌmwitegeereza, iri angalibuza umundu, iri ahinduka muhwija. Neꞌkyanya ayabiira ikitulire, kiri mu múshereeza.

Hisaaya 1:17

Muyigage ukugira amiija. Ngiisi byo Rurema aloziizi, bikizi ba byo niinyu muloziizi. Ngiisi ábagoozirwi, mukizi batabaala. Ifuuvi, mukizi ziheereza íbizikwaniini! Na banamufwiri kwakundi, mukizi babulanira.»

Hisaaya 1:23

Abatwali baawe, si keera bahuna imbere lyani, banakola biira baꞌbazimba! Bakoli gweti bagayakiira imbuli, mbu bagire íbitali nga byo, banali mu tulirwa. Batakiri mu bulanira ifuuvi, batanakiri mu hahala banamufwiri.

Hisaaya 33:15

Abandu bangakira, iri bangakizi gira íbikwaniini, banabe bagweti bagaadeta ibyoꞌkuli, banabe batagweti bagalyalyania, mbu lyo bagala, banabe batanali mu lya ikitulire. Kiri noꞌkuyuvwa igambi lyoꞌkuyitana, batasiimiri, batanaloziizi ukubona íbitali nga byo.

Yeremiya 5:28

Bakoli jeziri, naꞌmagala gakoli shogahiri. Ibitalaalwe byabo, bitahiiti ho byangahekera. Batali mu bulanira ifuuvi ku njira yoꞌkuli. Naꞌbakeni, bali mu bayima ukuli kwabo.»

Hezekyeri 18:8

Ikyanya ali mu haana umwenda, atali mu langaalira ubunguke. Atali mu gira amabi, si ali mu twa imaaja mu kati koꞌkuli.

Hezekyeri 22:12

«Baguma biinyu bagweti bagakizi yitana, lyo bahaabwe imbuli. Banali mu kizi haana umwenda, mu kulooza ubunguke bwingi! Banagweti bagakizi nyaga ibya beene mu kugungana. Balya bandu, keera banyibagira lwoshi! Kwokwo, kwo nie Rurema Nahamwinyu ndesiri.

Balaawi 19:15

«Ikyanya mugakizi twa imaaja, mutakizi zishobania, mbu lyo mukizi kundirira abakeni, kandi iri abanalushaagwa. Halikago, mukizi zitwa ku njira íkwaniini.

Mika 7:3

Balyagagi beeshu mu kukola amabi naꞌmaboko gaabo. Abimangizi, naꞌbatwi beꞌmaaja, bali mu huuna ikitulire. Abagale, ngiisi byo baloziizi, kwo banali mu gira igambi lyoꞌkubilonga.

Habakuki 1:4

Imaaja zitakiri mu simbahwa, zitanakiri mu twibwa ku njira íkwaniini. Halikago, abandu bakola mu zishobania, kyo kitumiri banangora-mabi naaho bo bakola mu sinda.

Mikolezi 10:34

Peturu anababwira: «Buno, lyo ngi menyaga kwo biri ukuli, Rurema atali mu gira indoola mu bandu!

Mikolezi 16:37

Haliko, Pahulu anababwira: «Si keera batuhimbulira imbere lyaꞌbandu buzira kutubuulania, tunali Barumi! Keera banatulasha na mu nyumba yeꞌmbohe. Aahago! Ka bakoli loziizi ukutushaaza mwo ku bumbishwa? Nanga! Muleke boonyene babe bo bagayiji tushwekuuza!»

Mikolezi 23:3

Pahulu anabwira Hananiya, ti: «Naawe, Rurema agakuhatuula! Si uli nga kigo kibugiirize kwoꞌluhemba! Kundu ubwatiiri yaha mbu lyo undwira ulubaaja ukukulikirana neꞌmaaja, haliko wenyene keera wazihongola mu kudeta kwo nimotwe!»

Bukengeeze 10:17

Mukuba, Nahano, ye Rurema úli hiꞌgulu lya íbiri mu yikumbwa byoshi. Ye na Nahano hiꞌgulu lya banahano booshi. Ali Rurema mukulu, anali ye kikalage, anali wa kahebuuza. Atali mu gira indoola, atanali mu tulirwa.

Bukengeeze 16:18

«Mu twaya twoshi two Nahano, Rurema winyu agamùheereza, mutoole abatwi beꞌmaaja, naꞌbandi bakulu, gira bakizi kola mu milala yinyu yoshi. Yabo batwi beꞌmaaja, bagakizi twira abandu imaaja ku njira íkwaniini.

Bukengeeze 24:17

«Mutakizi lyalyania ibinyamahanga byo mutuliinwi, kandi iri ifuuvi. Mutanakizi yabiira umulondo gwa namufwiri nga ngwati.

Bukengeeze 27:19

«Umundu, iri angaba atali mu twaza ibinyamahanga íbimùtuuziri mwo, kiri neꞌfuuvi, na banamufwiri, adaakwe. Mukuba, atali mu twaza imaaja ízidesiri hiꞌgulu lyabo. Abandu booshi banashuvye, ti: “Ee! Bikizi ba kwokwo.”

Bukengeeze 27:25

«Umundu, iri angayemeera imbuli, gira agendi yita umuzira buhube, adaakwe. Abandu booshi banashuvye, ti: “Ee! Bikizi ba kwokwo.”

1 Samweri 12:3

Na buno nyimaaziri imbere liinyu. Iri hangaba hali igambo libi lyo nꞌgamùgirira, mutangage ubumasi imbere lya Nahano, neꞌmbere lyoꞌyu mwami úwatoolwa. Ka hangaboneka umundu ye nꞌganyaga ishuuli yage, kandi iri punda wage? Ka hali umundu ye nꞌgalyalyania, kandi iri ye nâli kizi libuza? Ka hali umundu úkandulira, mbu lyo ndatwaze ubuligo bwo ali mu gira? Mu kati ka yibi byoshi, mumbwirage, halinde ngalule ngiisi byo nꞌgamùyabiira.»

1 Samweri 8:1

Ikyanya Samweri akaba akola mushaaja, anabiika bagala baage, gira bakizi twa imaaja zaꞌBahisiraheeri.

1 Samweri 8:3

Kundu kwokwo, batâli tuuziri bwija nga yishe. Si boohe, bâli kizi yihahalira boonyene, banakizi yakiira ikitulire. Na kwakundi, banakizi shobania íbikwaniini.