Bukengeeze 15:14 - Kifuliiru

¹⁴ Haliko, umútengule ku mutima úgushenguusiri. Mukuba, Nahano, Rurema winyu agaaba keera akugashaanira ku bibuzi, na ku mbene, na ku ngano, na ku divaayi.

Bukengeeze 15:14 ပူးပေါင်းရင်းမြစ်များ

Nehemiya 8:10

Nehemiya anashubi babwira kwokuno: «Mutee taahaga, mugendi baza ibyokulya íbiheshiri, munanywe neꞌbinywebwa binunu. Neꞌri hangaba hali ábabuziri byo bagaleeta, mushangiire ibyeꞌmwinyu mwe nabo. Luno lusiku lukoli talwirwi imwa Nahamwitu. Ku yukwo, mutabe noꞌmwizingeerwe. Mukuba, ikyanya muli mu shambaalira Nahano, lyo muli mu longa imisi.»

Zaburi 112:9

Yabo bandu, bali mu kizi tabaala abakeni ku mutima úgushenguusiri, banayamiri bakulikiiri íbikwaniini, halinde imyaka neꞌmyakuula. Kinatume bagagingikwa bweneene.

Zaburi 68:10

E Rurema! Ikihugo, kundu kyâli mali shaka, haliko wanakishakuulula, wanakizi kiniesa mweꞌnvula nyingi,

Migani 10:22

Ikyanya Nahano ali mu tugashaanira, tuli mu gala. Atanali mu yushuula ubugale bwitu kwaꞌmalibu.

Mikolezi 20:35

«Mu kati ka byoshi, nâli kizi mùyereka kwo tukwiriiri tukizi yitubanula mu kukola. Kwokwo, lyo tulonga byo tugatabaala mwo ábatashobwiri. Mukizi kengeera amagambo go Nahano Yesu yenyene akadeta: “Ngiisi ábagweti bagahaana, bo bahiriirwi, ukuhima ábali mu haabwa.”»

1 Bakorindo 16:2

Ku ngiisi ulwiꞌyinga, ngiisi muguma winyu akizi handula ku bindu byo alonga, anabisingule. Kwokwo, mango nayija iyo munda imwinyu, hataki be igoorwa lyoꞌkubikuumania.

Bukengeeze 15:13

Neꞌkyanya ugamúshwekuula, utamúleke kwo agende maboko mamaata.

Bukengeeze 15:15

Mukengeere kwo niinyu mwâli riiri baja iriira munda i Miisiri, na Nahano akamùguluula. Kyo kitumiri zeene, namùkomeereza luno lubaaja.