Bukengeeze 13:17 - Kifuliiru

¹⁷ Mukuumanie ibindu byoshi, munabilunde haꞌbandu bali mu kuumanira, munabiyokye kuguma naꞌkaaya kooshi. Yibyo bindu, bibe ngiꞌtuulo lyoꞌkusiriiza imwa Nahano, Rurema winyu. Yako kaaya, kagayama biguuka halinde imyakuula. Katanâye ki shubi yubakululwa.

Bukengeeze 13:17 ပူးပေါင်းရင်းမြစ်များ

Ndondeko 26:24

Mu bwobwo bushigi, Nahano anamúhulukira kwo, anamúbwira: «Niehe, nie Rurema wa yisho Hiburahimu. Kwokwo, tuyamiinwi, utayobohe. Bwo Hiburahimu âli riiri mukozi wani, kyo kitumiri naawe ngakizi kugashaanira. Na ngizi luza abandu ba mwiꞌkondo lyawe.»

Ndondeko 26:4

Aba mwiꞌkondo lyawe, bagaluguuka nga ndonde kwiꞌgulu, na mbaheereze yibi bihugo byoshi. Na ku njira yabo, imilala yoshi igakizi gashaanirwa.

Ndondeko 28:14

Yabo bandu, banaluguuke, banabaagage kandaharuurwa nga mushenyu, halinde banakwire imbande zooshi zeꞌkihugo. Hiꞌgulu lyawe, na hiꞌgulu lyaꞌbandu ba mu kibusi kyawe, imilala yoshi ya mu kihugo igagashaanirwa.

Zaburi 78:38

Kundu Rurema âli barakariiri, si akakizi yihangirira ku bute bwage, atanaki baminika. Ee! Âli bakejeriiri, anakizi bakoga ibyaha.

Zaburi 85:3

Abandu baawe, ikyanya bakakuhubira, wanatee barakarira. Haliko, keera ukabakoga, wanabwikira ibyaha byabo byoshi. Ee! Keera ukahooha, wanaleka ukubalangamira.

Kulyoka 20:6

Kundu kwokwo, ikyanya abandu bali mu ba banguuziri, banabe banzimbahiri, ndi mu kizi bagirira amiija, halinde ku bibusi bihumbi neꞌbihumbi.

Kulyoka 32:12

«Si hali ikyanya Abamiisiri bangadeta: “Ehee! Ikyanya Rurema akabahulusa mu kihugo kiitu, kwâli riiri mu mujina naaho. Na íbikatuma agabalyosa mwo, gira agendi baminikira mu migazi, banahere.” «E Nahamwitu, utakolwe mbu ubarakarire. Yubwo buhanya bwo ushungisiri hiꞌgulu lyabo, ubuleke.

Kimombo 3:32

Kundu angamújengeeza, si akiri mu múyuvwirwa ikimino. Ayamiri amúkuuziri bweneene, buzira kumúlekeerera.

Hezekyeri 37:26

«Tuganywana ikihango twe nabo, halinde bakizi longa umutuula gweꞌmyaka neꞌmyakuula. Ee ma! Ngabagashaanira, banakizi luguuka. Na mbiike inyumba yani ha kati kaabo, halinde imyakuula.

Hosheya 11:9

Aahago! Buno, ndagaki mùfuka kwoꞌburaakari bwani, ndaganaki mùshereeza. Si nie Rurema, ndali mundu wa kufwa naaho. Niehe, ndi Mutaluule mu kati kiinyu, ndaganamùyijira mu buraakari.

Muharuuro 25:4

Nahano anabwira Musa kwokuno: «Abimangizi booshi baꞌBahisiraheeri, uyerekane ku bweranyange ngiisi kwo bagweti bagaagira, unabayitire imbere lyani. Kwokwo, lyoꞌburaakari bwani buhooha.»

1 Bakorindo 16:22

Umundu, iri angalahira ukukunda Nahano, adaakwe! E Nahamwitu! Uyijage!

Bukengeeze 13:18

Yibyo bindu, mubisiriize lwoshi-lwoshi. Hatagirage kindu kyo mugatwala. «Kwokwo, kwoꞌburaakari bwa Nahano bugahooha, anamùyuvwirwe indengeerwa, halinde anamùgirire amiija. Anashubi mùluza, nga ngiisi kwo akalagaania bashokuluza biinyu.

Bukengeeze 30:3

Haaho, lyo Nahano, Rurema winyu agashubi mùgirira amiija, mu kumùyuvwirwa indengeerwa, anashubi mùkuumania mu milala yo akamùshabulira mwo.

Bukengeeze 30:5

Anamùgalulire mu kihugo kya bashokuluza biinyu, kinashubi ba kyeꞌmwinyu kandi. Kwokwo, kwo Nahano agamùgashaanira, anamùluze, halinde munaluguuke ukuhima bashokuluza biinyu.

Bukengeeze 7:13

Anakizi mùkunda, iri anakizi mùgashaanira, halinde munakizi yushuuka. Agamùheereza ibuta, anakizi joojeesa indalo ziinyu, halinde mulonge ingano nyiija, neꞌdivaayi, kiri naꞌmavuta. Anakizi yololeesa ingaavu ziinyu, neꞌbibuzi, neꞌmbene.

Bukengeeze 7:26

«Mutakolwe kwo mwabiika ibyagaza mu nyumba ziinyu. Kútali kwokwo, mugayami shereezibwa, haguma neꞌyo migisi. Birya byagaza, muyame mubigayiri lwoshi. Bikizi shereezibwa ngana-ngana.»

Yoshwa 22:20

Aaho! Ikyanya Hakani mugala Zeera akahuba mu kuhuma ku bindu bitaluule imwa Rurema, si Abahisiraheeri booshi bo bakarakarirwa! Si ikyanya akafwagaga, atakafwa yenyene!»

Yoshwa 6:18

«Muyilangage, maashi! Ngiisi kindu kyoshi keera íkyashungikwa kwo kigashereezibwa, hatagire mundu úgakitwala. Mango akitwala, iri ishumbi yage igashereezibwa. Kiri na tweshi, tunayiji kengeera twayikululira umwama.

Yoshwa 6:24

Ha nyuma, banaduulika akaaya mwoꞌmuliro, kuguma na byoshi íbyâli kali mwo. Si iharija, neꞌnooro, na ngiisi íbikatulwa mu miringa, na mu byuma, byohe bakabisingula mu kihinda kya Nahano.

Yoshwa 6:26

Ku yikyo kyanya, Yoshwa anabiika indahiro imbere lyaꞌbandu kwokuno: «Yaka kaaya keꞌYeriko, ngiisi úgakashakuulula, Nahano amúdaake. Ee! Ikyanya agashakuulula indaliro zaako, ifula yage, ifwe. Na ngiisi úgashubi yubaka inyiivi zaako, umuzibo gwage, gufwe.»

Yoshwa 7:1

Ikyanya Abahisiraheeri bakateera akaaya keꞌYeriko, Nahano anababwira kwo byoshi bikoli talwirwi imwage. Halikago, mundu muguma, iziina lyage ye Hakani anabiyabiira kwo, anabibisha, kyanatuma Nahano agabarakarira. (Uyo Hakani, âli riiri mugala Karimi, mwijukulu Zabeedi. Noꞌyo Zabeedi âli riiri mugala Zeera, wa mu mulala gwaꞌBayuda.)

Yoshwa 7:26

Ulya Hakani, banamúlundaga kwaꞌmabuye mingi bweneene. Yago mabuye ganakiri ho, halinde zeene. Ha nyuma, uburaakari bwa Nahano bwanahooha. Yaho handu, halinde zeene, iziina lyaho Akabanda kaꞌMalibu.

Yoshwa 8:28

Yako kaaya, kwokwo kwo Yoshwa akakajigiivya, kanakoli ba biguuka, halinde zeene.