Bukengeeze 12:20 - Kifuliiru

²⁰ «Kwokwo, ikyanya Nahano agafinduula ikihugo kiinyu, nga ngiisi kwo akamùlagaania, munabe muyifwijiri ukulya inyama, mukizi zilya naaho, nga kwo muloziizi.

Bukengeeze 12:20 ပူးပေါင်းရင်းမြစ်များ

Ndondeko 28:14

Yabo bandu, banaluguuke, banabaagage kandaharuurwa nga mushenyu, halinde banakwire imbande zooshi zeꞌkihugo. Hiꞌgulu lyawe, na hiꞌgulu lyaꞌbandu ba mu kibusi kyawe, imilala yoshi ya mu kihugo igagashaanirwa.

Ndondeko 31:30

Nyiji kwo ukoli kumbwiri yisho bweneene, kyo kikatuma ukayongoloka. Kundu kwokwo, kituma kikagi ukagenda wazimba imigisi yani?»

2 Samweri 13:39

Mwami Dahudi, ikyanya akaba keera aholeera hiꞌgulu lyoꞌkufwa kwa Hamunooni, anatondeera ukukumbula Habusalumu.

2 Samweri 23:15

Mu yulwo lwala, Dahudi ananyooterwa bweneene, anadeta: «Ka hali úwangandeetera amagoloovi mu kirigo íkiri kwiꞌrembo lyaꞌkaaya keꞌBetereheemu?»

1 Kutondobola 4:10

Uyo Yabeeshi anatakira Rurema waꞌBahisiraheeri kwokuno: «Nakuyinginga, ungashaanire, unayushuule imbibi zaani. Ukuboko kwawe, kukizi ba kuguma na naani. Neꞌkyanya ngaaba ndi imbere liꞌgambo libi, unakizi ndanga, gira ndakizi lyanirwa.» Ngiisi kwo akahuuna Rurema, kwo Rurema akanamúgirira.

Zaburi 107:9

Ngiisi ábanyotiirwi, agweti agabaheereza ikinywebwa. Na ábashalisiri, ali mu bayigusa neꞌbyokulya biija.

Zaburi 119:174

E Nahano, mu maaja zaawe, mwo ndi mu kizi shambaalira. Aahago! Ngoli rindiriiri bweneene kwo ungize.

Zaburi 119:20

Mukuba, umutima gwani, guli mu kizi yidula, ukumenya ngiisi íbiziri mwo.

Zaburi 119:40

Yizo maaja zaawe, ndoziizi bweneene ukuzisimbaha. Kwokwo, ukizi mbiika mwoꞌbugumaana, mu kati koꞌbwija bwawe.

Zaburi 63:1

Izaburi ya Dahudi. Ikayandikwa ku kyanya âli riiri mwiꞌshamba lyeꞌBuyuda.

Zaburi 84:2

E Nahano woꞌbushobozi bwoshi, inyumba yawe ibuyahiri bweneene.

Kulyoka 23:31

«Ulubibi lweꞌkihugo kiinyu, lugatondeerera ku Nyaaja Ndukula, halinde ukuhisa ku Nyaaja Mediterane. Na kandi, lugalyokera mwiꞌshamba, halinde ukuhisa ku lwiji Hefuraati. Ngabiika beene ikihugo mu maboko giinyu, munabayimule mwo.

Kulyoka 34:24

Neꞌri mwangakuumana imbere lyani ubugira kashatu ku mwaka, ngamùyimulira ibinyamahanga, ndaakyo kinyamahanga íkigakizi yifwija ikihugo kiinyu. Kiri neꞌmbibi ziinyu, ngazihamya.

Muharuuro 11:20

Si mugaahisa umwezi gwoshi, mugweti mugaazilya. Haaho, imiraazi yazo, igakizi mùhuluka i mazuulu, halinde zinamùneke. Kundu Nahano ali hano mu kati kiinyu, haliko keera mwamúlahira. Munagweti mugatulagulira imbere lyage, ti: E balya, kituma kikagi tukalyoka i Miisiri.”»

Muharuuro 11:34

Kyanatuma yaho handu, bagahayinika iziina Kiburooti-Hatava. Mukuba, ho bakaziikira abanamiiru booshi.

Muharuuro 11:4

Mu yabo Bahisiraheeri, mwâli riiri ibinyamahanga biguma, byanatondeera ukusara ibindi byokulya. Kyanatuma Abahisiraheeri bagashubi gira akamburugu, ti: «Ewe! Nga byangashobosiri, utuheereze inyama, tulye.

2 Bakorindo 9:14

Neꞌkyanya bagakizi mùhuunira imwa Rurema, mugaaba muli mu mitima yabo. Ee! Mugaaba keera mukabagashaanira ku bugashaane bwaꞌkahebuuza.

Bukengeeze 11:24

«Ngiisi ho mugaafina, hagaaba ha mwinyu. Ikihugo kiinyu, imbibi zaakyo zo zeezi: Ikisaka kigatondeerera kwiꞌshamba. Neꞌmbembe, kigahekera ku migazi yeꞌLebanooni. Neꞌsheere kigatondeerera ku lwiji luhamu Hefuraati, kinagenderere uluhande lweꞌmuga, kinahekere ku Nyaaja Mediterane.

Bukengeeze 12:15

«Kundu kwokwo, mu bitugwa byo Nahano agamùheereza, ngiisi ho mugaaba mutuuziri, muhangwirwi ukubibaaga, munalye inyama zaabyo, nga kwo musiimiri. Mweshi, ábakoli yiyerusiizi, na ábatazi yiyeruusa, muhangwirwi ukuzishangiira nga kwo muli mu shangiira akasa kandi iri nzobe. Yubwo buli bugashaane bwo Rurema amùheziizi.

Bukengeeze 12:21

«Haliko, hali ikyanya mwangaba mutuuziri hala na ho Nahano agatoola, kwo ho agakizi yikumbirwa. Iri kwangaba kwokwo, muhangwirwi ukubaaga ingaavu zo Nahano agaaba amùheereza, kandi iri bibuzi, kandi iri mbene. Yizo nyama, mugaziliira mu twaya twinyu nga kwo muloziizi, ukukulikirana na kwo nꞌgamùkomeereza.

Bukengeeze 19:8

«Imaaja zooshi zo ngweti ngamùyigiriza zeene, mukizi zisimbaha. Mukizi kunda Nahano, Rurema winyu, munakizi kulikira ngiisi byo aloziizi. Iri mwangagira kwokwo, agamùyushuulira ikihugo, anamùheereze ikihugo kyoshi kyo akalagaania bashokuluza biinyu. Ku yukwo, ku tulya twaya tushatu twa mbere twoꞌkukizi tibitira mwo, muyushuule kwoꞌtundi tushatu.

Bafiripi 1:8

Rurema, ko kamasi kaani kwo ngoli mùkumbwiri mweshi mu kati koꞌrukundo lwa Yesu Kirisito.

Bafiripi 2:26

Na buno, uyo Hepafurodito akoli mùkumbwiri mweshi. Umutima gwage, gutanakiri mu nda, bwo mukayuvwa kwo akalwala.