Bukengeeze 11:15 - Kifuliiru

¹⁵ Aganamùmegeza ubwasi mu ndagiriro ziinyu, halinde mulonge ukuyahirira ingaavu ziinyu. Kiri na mwenyene, mugakizi lya, munakizi yiguta.

Bukengeeze 11:15 ပူးပေါင်းရင်းမြစ်များ

1 Baami 18:5

Kwokwo, Ahabu anabwira Hobadiya: «Tugende tugalenga-lenga mu kihugo, tutanduule ishyoko zooshi, neꞌnyiiji zooshi. Hali ikyanya twangakengeera twalonga ubwasi, gira tukize ifwarasi ziitu, neꞌbiiza bya bapunda biitu. Kwokwo, lyo tutagaki bayita.»

Zaburi 104:14

Ikyanya uli mu tanduula ibitugwa, uli mu kizi bimegeza ubwasi. Kiri naꞌbandu, uli mu kizi bamegeza imbuto kwiꞌdaho, halinde bakizi longa byo bagaalya.

Yeremiya 14:5

Kiri neꞌkishuka, ndaakikyo. Ikyanya akasa kali mu buta, kali mu yami siga kajanda umwana mwiꞌshamba.

Yuheeri 1:18

Yuvwirizi ngiisi kweꞌbitugwa bigweti bigaborooga. Ingaavu, zigweti zigayifuka iyo munda neꞌyo munda, hiꞌgulu lyoꞌkubula indagiriro. Kiri neꞌbibuzi neꞌmbene, bigweti bigalibuuka!

Yuheeri 2:19

Anabashuvye, ti: «Buno, ngolaga ngashubi mùheereza ingano, neꞌdivaayi, naꞌmavuta. Emwe! Mugayiguta ngana! Ndagaki shubi mútanga mu binyamahanga, mbu bashubi mùgayiriza.

Yuheeri 2:22

Emwe nyamiishwa, mutaki yobohe. Mukuba, mu kishuka, umuyonga gugaki mera. Kiri neꞌbiti, bigatongeka kweꞌbitumbwe. Imizabibu neꞌmitiini, keera byajoojeka ku bwingi.

Yuheeri 2:26

Kundu kwokwo, mugakizi lya, munayigute. Munakizi huuza iziina lyani, nie Nahano, Rurema winyu. Mukuba, yibyo bitangaaza, nie gweti ngamùkolera byo. E bandu baani, mutâye ki teezibwe ishoni.

Balaawi 26:5

«Ikyanya muli mu gesha ingano, kigagenderera, halinde ku kyanya kyoꞌkuyimbula imizabibu. Neꞌkyanya kyoꞌkuyimbula imizabibu kinagenderere, halinde ku kyanya kyoꞌkushubi byala imbuto. Mugakizi longa ibyokulya bya namwingye, munatuule mu kati koꞌbutoge.

Hagayi 1:6

Kundu mukabyala imbuto nyingi, halikago mwanayiji yimbula biniini naaho. Na kundu mugweti mugaalya, si mutali mu yiguta. Na kundu mugweti mugaanywa, si muki nyotiirwi. Na kundu mugweti mugayambala, si muki kaywiri. Neꞌkyanya muli mu longa imbembo, ziri mu yami mala, nga zikalokezibwa mu ludaha lutule.”

Bukengeeze 6:11

Mugagwana neꞌnyumba íziyijwiri mweꞌbindu biija, mutanali mwe mukabikuumania. Mugagwana kiri neꞌbirigo byo mutakahumba, neꞌndalo zeꞌmizabibu, na zeꞌmizehituuni zo mutakabyala. Aaho! Ikyanya mugaaba keera mwalya, munayigute,

Bukengeeze 8:10

Ikyanya mugaaba keera mwalya, munabe mukoli jeberiiri mu kihugo kiija kyo Nahano akamùheereza, haaho, mukizi tanga kongwa imwage.»