Batwi beꞌmaaja 9:57 - Kifuliiru

⁵⁷ Kiri naꞌbandu beꞌShekemu, nabo kwakundi Rurema akabahana ku mabi go bakagira. Kwokwo, kwiꞌdaaki lya Yotamu mugala Gidyoni, likabatibukira kwo.

Batwi beꞌmaaja 9:57 ပူးပေါင်းရင်းမြစ်များ

2 Samweri 3:39

Na kundu nꞌgayimikwa kwo mbe mwami, haliko zeene ngola mwoꞌbukaholwe. Yaba baana ba Zeruya, bali balangi bweneene imbere lyani. Nahano abe ye gabahana, ukukulikirana naꞌmabi gaabo.

1 Baami 16:34

Mu zeezo siku, Hiyeri weꞌBeteeri, anashubi yubakulula akaaya keꞌYeriko. Ikyanya akabiika indaliro zaako, lyeꞌfula yage Habiraamu ikafwa. Neꞌkyanya akayusa, ukubiika inyiivi zaako, umuzibo gwage Segubu, naye anafwa. Kwokwo, kwiꞌgambo likakoleka, lyo Nahano âli mali gwanwa abwira Yoshwa mugala Nuuni.

1 Baami 2:32

Akayita abandu babiri, buzira kutumwa na daata Dahudi. Ubwa mbere, akayita Habineeri mugala Neeri, umukulu waꞌbasirikaani baꞌBahisiraheeri. Ha nyuma, anayita na Hamaasa mugala Yeteeri, umukulu waꞌBasirikaani baꞌBayuda. Yabo bombi, bo bâli riiri bandu boꞌkuli ukumúhima. Kwokwo kwo Yohabu, imiko ya yabo bandu, Nahano akamúbetuza yo.

Zaburi 7:17

Kundu bali mu shungika ukugira abandi buligo, yubwo buligo, bunayiji bagwa kwo boonyene.

Zaburi 94:23

Yabo babi, ikyanya bali mu yifunda mu byaha, Rurema ali mu bayihoola. Ee ma! Bwo bali mu kizi gira íbitali nga byo, Rurema Nahamwitu agaki baminika, halinde batanaki be ho.

Migani 5:22

Nangora-mabi ali mu gwatwa mu mabi gaage yenyene. Yago mabi, iri migozi yoꞌkumúzirika lwoshi.

Hisaaya 3:11

Halikago banangora-mabi, boohe, yayewe imwabo! Bagaahanwa, ukukulikirana naꞌmabi gooshi go bâli kizi kola.

Yoshwa 6:26

Ku yikyo kyanya, Yoshwa anabiika indahiro imbere lyaꞌbandu kwokuno: «Yaka kaaya keꞌYeriko, ngiisi úgakashakuulula, Nahano amúdaake. Ee! Ikyanya agashakuulula indaliro zaako, ifula yage, ifwe. Na ngiisi úgashubi yubaka inyiivi zaako, umuzibo gwage, gufwe.»

Batwi beꞌmaaja 1:7

Kyanatuma uyo mwami agaadeta kwokuno: «Hâli riiri abaami makumi galinda bo nꞌgatola ibingumwe-ngumwe byaꞌmaboko, neꞌbyaꞌmagulu, banakizi toola íbyatibuka ku kashasha kaani. Na buno, ngiisi byo nꞌgabakolera, keera naani Rurema abingolera.» Ulya mwami, banamútwala i Yerusaleemu, anashaajira yo.

Batwi beꞌmaaja 10:1

Ikyanya Habimereki akaba keera afwa, Rurema anayimangika ugundi mutwi weꞌmaaja, iziina lyage ye Toola. Uyo Toola, âli riiri mugala Puwa, mwijukulu Doodo, wa mu mulala gwa Hisakaari. Âli tuuziri mu kihugo kyeꞌShamiiri, mu migazi yeꞌHifurahimu. Rurema anamútuma kwo ayiji guluula Abahisiraheeri.

Batwi beꞌmaaja 9:20

«Haliko buno, bwo mukagayiriza Gidyoni, umuliro gulyokage imwa Habimereki, gunamùsingoole mweshi, mwe batuulaga beꞌShekemu, naꞌbeꞌBeeti-Miilo. Na kwakundi, gulyoke imwinyu, gunajigiivye Habimereki yenyene.»

Batwi beꞌmaaja 9:24

Na íbitumiri Rurema akagira kwokwo, gira lyo balya bagala Gidyoni makumi galinda, ayihoolere imiko yabo. Mukuba, Habimereki akabayitira ubusha, banâli riiri beene yishe. Rurema âli loziizi kiri ukuyihoola abandu beꞌShekemu, bwo bakamútabaala mu kubayita.

Batwi beꞌmaaja 9:45

Ku lwolwo lusiku, uyo Habimereki akagira izibo lyeꞌngunguula. Abandu booshi ábâli riiri mu kaaya, anabayita. Naꞌkaaya koonyene, anakajigiivya, anakalagaliza kwoꞌmuunyu.

Batwi beꞌmaaja 9:56

Kwokwo, kwo Rurema akahana Habimereki. Mukuba, Habimereki akahubira yishe, mu kuyita balya beene wabo kwo bâli makumi galinda.