Batwi beꞌmaaja 9:15 - Kifuliiru

¹⁵ «Yikyo kiti kyeꞌmigenge, kyanashuvya: “Iri mwangaba mwandoola kwo ngaaba mwami winyu, muyiji bwatala hano mwiꞌdako lyeꞌkimbehwa kyani. Neꞌri mwangaba mutaloziizi kwokwo, umuliro gulyoke mu migenge yani, gunamùjigiivye. Gunajigiivye kiri neꞌngaaja-malungu zooshi zeꞌmyerezi yeꞌLebanooni.”

Batwi beꞌmaaja 9:15 ပူးပေါင်းရင်းမြစ်များ

2 Baami 14:9

Haliko, mwami Yohaashi waꞌBahisiraheeri, anatumira mwami Hamaziya indumwa kwokuno: «Lusiku luguma i Lebanooni, ikishungu-shungu kyeꞌmigenge, kikabwira ikiti kyoꞌmwerezi, ti: “Uyangiise munyere wawe na mugala wani.” Haliko kirya kishungu-shungu, iri inyamiishwa ikalenga ho kiri, yanakihinyata-hinyata.

Zaburi 104:16

Nahano, ye kabyala ibiti byeꞌmyerezi i Lebanooni, binali mu longa amiiji ku bwingi.

Zaburi 29:5

Izu lya Nahano liri mu koona ibiti byeꞌmyerezi. Irya munda i Lebanooni, agweti agabijajagula-jajagula.

Hisaaya 1:31

Mu kati kiinyu, abanamisi bakola bagaaba nga byasi byumu! Imikolezi yabo yoshi, igaaba nga shashala. Balya booshi, kuguma neꞌmikolezi yabo, bagasingookera mu muliro, ndaanaye úgaahasha ukuguzimya.

Hisaaya 2:13

Ingaaja-malungu zooshi zeꞌLebanooni, kundu ziryagagi nyila, haliko agazikuba. Agaakuba neꞌbiti bihamu byoshi byeꞌmyalooni yeꞌBashaani.

Hisaaya 30:2

Muli mu gendi tabaaza Abamiisiri, buzira kumbanuusa. Munakoli biisiri Faraho kwoꞌmulangaaliro, kwo ye gamùkiza.

Hisaaya 37:24

Keera walungika abakozi baawe, gira ushekeereze Nahano, ti: “Amagaare gaani giꞌzibo, bwo galyagagi katundu, keera gakahika halinde ku marango geꞌLebanooni. Nanayami kuba ibiti byayo bila byeꞌmyerezi, kiri na byeꞌshindano kwo binonosiri. Keera nꞌgahika heꞌbiti bihekiiri, binali biti biija ngana-ngana!

Kimombo 4:20

Kiri na mwami witu, naye akagwatwa mu mutego gwabo, anali ye Nahano akataluula, ye twanâli langaliiri. Uyo mwami, twâli toniri kwo ye gakizi tulanga neꞌgindi milala yoshi.

Hezekyeri 19:14

Umuliro, keera gwahuluka mwiꞌsina lyagwo, gwanayami jigiivya ibitumbwe byagwo byoshi. Mu matavi gaagwo, ndaalyo íriki kaniri, mbu libaajwe mweꞌngoni yeꞌkyami. Yulwo lwimbo, luli lweꞌkimombo. Lunakwiriiri ukukizi yimbwa mu bigandaaro.»

Hezekyeri 31:3

Ee ma! Uli nga kiti kiija kyoꞌmwerezi gweꞌLebanooni. Amatavi gaawe gabuyahiri bweneene, ganali mu kizi leeta ikimbehwa mu kishuka. Unashuumiri halinde mu bibungu.

Danyeri 4:12

Halikago, naludakwe yehe, umúlekere i kuzimu kuguma neꞌmizi, akizi beera mu byasi bya mu ndalo. Unamúzingire kwoꞌtubangira tweꞌbyuma, na tweꞌmiringa. «“Uyo naludakwe, mulekage ikimi kya mwiꞌgulu kikizi múlovya. Anatuule kuguma neꞌnyamiishwa mu ndagiriro, gira akizi lya mweꞌkishuka.

Hosheya 14:7

Amatavi gaabo, gagayajabana bweneene, nga matavi geꞌbiti byeꞌmizehituuni. Banabe noꞌmuhongolo mwija, nga gwa twaso twoꞌmwerezi gweꞌLebanooni.

Muharuuro 21:28

Umuliro, gukalyoka i Heshibooni, wa gwi! Imbigi zaagwo, zikalyoka mu kaaya ka Sihooni. Yugwo muliro, gwanasiriiza akaaya keꞌHari, mu Mohabu, gwanajigiivya abakulu beꞌmigazi yeꞌHarinooni.

Mataayo 13:32

Yihyo hibuto, hyo hiri hiniini ukuhima izindi zooshi íziri mu byalwa. Kundu kwokwo, ikyanya hiri mu ba keera hyabyalwa, hinakule, hiri mu yiji ba mbuto mbamu ukuhima izindi zooshi za mu ndalo. Kinayiji ba kiti, halinde utunyuni tunakizi yiji yubaka ingisha mu matavi gaakyo.»

Batwi beꞌmaaja 9:14

«Na mu kuheza, byanagendera ikiti kyeꞌmigenge, byanakibwira: “Ewe! Uyije, gira ube mwami witu.”

Batwi beꞌmaaja 9:16

«Aaho! Ka mwatonaga kwo mwayimika Habimereki ku njira íkwaniini, na mu kati koꞌkuli? Nanga, maashi! Ukukulikirana na ngiisi kwo Gidyoni akamùkolera, ka mwasalira kwo mwamúgirira íbikwaniini, kuguma neꞌmbaga yage?

Batwi beꞌmaaja 9:20

«Haliko buno, bwo mukagayiriza Gidyoni, umuliro gulyokage imwa Habimereki, gunamùsingoole mweshi, mwe batuulaga beꞌShekemu, naꞌbeꞌBeeti-Miilo. Na kwakundi, gulyoke imwinyu, gunajigiivye Habimereki yenyene.»

Batwi beꞌmaaja 9:44

Uyo Habimereki naꞌbasirikaani baage, banagenda ku ngungu, gira bagwanwe kwiꞌrembo lyaꞌkaaya. Ibiso bibiri, byanasigali teera abandu mu mbingiro, byanabayita.

Batwi beꞌmaaja 9:49

Kwokwo, banatema agandi matavi, banagenda bamúkulikiiri, banahikiri gashendamika ku lwingo, banagayasa kwoꞌmuliro. Abandu booshi ábâli riiri mwo, abashosi naꞌbakazi, umuliro gwanabajigiivya. Yabo booshi, bâli hisiri nga bandu kihumbi.